Mesang! A Rulsemuuch el Soldau

Betik er a renguk el rodam er a priesthood, a kuba ngariou el reng e dechor er a medemiu er tial ungil klebesei, el ngerchelek el bileskak a profet el President, Russel M. Nelson. Ng kmal klou a beltkil a renguk el mo er ngii e oldubech er ngikal lungil chedal a Dios e beches el First Presidency. A kudekiar a sioning er ngak el mo er a Elder D. Todd Christofferson me a rebebil er a Rodam el ngara Chelechad er a Teruich me a terung el Apostol el kmo aikel tekoi el mildung el mo omekngodech a telbilel a Dios.

Ua ikel dilung a President Nelson, tiang el tekoi a ble loluluuch el kirel a omesodel me a omeletkel tirkel meklou el Odam er a Ikelesia el kmal kemanget el taem. Ng mla ra reng el mo osiik er a telbilel a Rubak e mo melisiich er a quorum er a Melchizedek Priesthood. Mellomes el uldasu a mlei, me a chelechal kesus ea profet a ulechotii sel telbilel a Rubak. “Ng ulterkokl el diak a ngeral loruul er ngii a Rubak el Dios e lak lochotii a uldesuel er a re mesiungel el profet”!¹ Kid a kmal ngeltengat el ngar ngii a ngar el profet er kid er a chelechal taem!

Chelsel tial klengar er kemam, ea Sister Rasband me a ngak a mla misii a beluulechad el meruul a urelel a Ikelesia me a kuk di urelel a brobesong. Ak mla mes a bekbedengel a orretel a unit er a Ikelesia: sel kekerei el branch el ngar a Russia, a sebeched el di mechur a iidisir a rubang a Melchizedek Priesthood el lousbech er a bital chim; e sel beches e klunga el ward el ngara Africa el high priest me a elders a dmak eleng diak el betok a iidisir a re Melchizedek Priesthood; e ngar ngii a wards el betok a iidisir a elders mete mingii el mo eru el quorum!

Aikel bek el basio el ki bla bor ngii, ea ki mla sioning er a ngelsuil a Rubak el mo er a re Mesiungel, el mengedmokl er a rechad me a rael ma rokui el Rengelekel bol mukngeltengat el mo er aikel lousbech. Ngii ngdimlak el yaksok el kmo Ngii a mo oeak medad e mo klisichel chimad me a klitechetul chimad me a Chedaol Reng er Ngii a mo er a rengud, ea re anghel er Ngii a mo obengked?²

Sel kumdasu el kiriu, e ak mo lotkii sel chelitakl er a ikelesia Mesang! “A Rulsemuuch el Soldau.”

A Elder Christofferson a mla onger a bebil er a ker el ngii a ultebechel el bo loker el kirel tial subed el kmo a re high priest me a elders quorum, el ngara ward, a mo dmak el chimong, tal renged, el mesisiich el soldau el rodam er a Melchizedek Priesthood.

Aikal beches el teletael a mo ngosuterir a elders quorum me a Relief Society el dmak loureor. Ng dirrek el mo omekbeot a ngerchelel a quorum lobengkel a bishopric me a ward council. Ng dirrek el ngosuir a bishop el mo mesterir a betok el ngerachel el mo er a elders quorum me a Relief Society president ma bishop me a counselors er ngii a sebecherir el meruul aikel ngerchelir—el ngii a omtebechel e ra young women, me a re young men el loba Aaronic Priesthood.

A mengodech er a cheldebechel ma urelel a Ikelesia a duubech. Sera 1883, ea Rubak a dilu er a President John Taylor: “Sel kirel a utebechelel me a delcherul a Ikelesia er ngak me a Priesthood … E ngak a mo ouchais er kau, aikel taem, lokiu a teletael el ngak a mla remuul, a rokui el tekoi el ngii a meklou a ututelel el kirel a ukurulel me a cherengelel a Ikelesia er ngak er a ngar medad el taem, el kirel a oretel a rengedek.”⁴

E chelechang, ng sesei el tekoi el mo er kemiu el rodam el ngara high priest—bo modengei el kmo ngbetik a rengmam er kemiu! A Demad er a Babeluades a betik a rengul er kemiu! Kemiu a klou a ututeliu el chedal tial lulsemuuch el soldau er a priesthood, e kemam a diak el sebechemam el meruul er tial ureor a lak ki moba ungil omeroliu, ngelsumiu, okesiu, me a llemalt. A Alma ulisechakl el kmo a resechal a mo mokedong el mo er a high priest eleng klou el klaumeranger tir me a ungil urelir el lolisechakl e olngeseu er a rebebil.⁵ Tial teletael a kmal mla lmuut elmo ulsbechall er a chelechal taem.

Chelsela betok el wards, eng locha mo er ngii a high priest el mo ngara cherderdelel ra elder el president er a quorum er tir. Ngar ngii a elders el loungerachel lomes er a re high priest; elders a ngar ngii a mesiou el branch president er a bebil er a beluu el ngar ngii a high priest er ngii, e ngar ngii a branch el di ngar ngii a cheldebechel er a elders quorum el ngar ngii a high priest.

Ngkmal klou el deureng el mo er a rokui loba Melchizedek Priesthood el mo ngar ngii a klengeltengat er a olisechakl, omesuub, e oureor lolngeseu lobengterir a rokui el chad er a ward. Ngidil basio el omngar ngii me a ngidil ngerang el omoruul, aki siotai er kemiu loba nglunguuch, klaumerang me a deureng el mo kongei a beches el techall el mo mengederedel malechub e ke mo oltirkal e mesiou el tal renged el rodam er a priesthood.

Elechang eak mo mesaod a bebil er a tekoi, el ngii a mo ungil soadel sel bo doruul er tial telbilel a Rubak el kirel a cherderdelel a Quorum er Ngii er a chedaol priesthood.

Ngara aikel bo loruul a stake high priest quorum? A stake high priest quorum a melemolm a urelel. A stake presidencies a melemolm el loureor el presidency er a stake high priests quorum. Engdi, uaisel mla medung lokiu a Elder Christofferson, tirkel chedal a stake high priest quorum a mo uldimukl er a high priest el tir a oureor el ngara stake presidency er a chelechal taem, el chedal a ward bisophric, el chedal a stake high council, me a patriarch. A ward me a stake clerks, me a executive secretaries a diak el chedal a stake high priest quorum. Sel ngar ngii a chad el ngara high priest, patriach, Rokeuid, malechub eng Apostol a mo oldingel er a ward e soal mo er a miting er a priesthood, eng kirel mo kebtech lobengkel a elders quorum.

E tirkal odam el ngara aikal okedong sel bol merek a urelir, e tir a lemuut el mo er aikel home unit el chedal a elders quorum.

Ngerang a ngerchelel a stake high priests quorum? A stake presidency a mo kebtech lobengkel a rechedal a high priests quorum e mo dmak loureor, e ouchais, e olsisechakl. Aikel miting er a Stake el mla medung er a chelesel a handbook a melemolm el ngar ngii e di teblong a mo ngodech:

Kot, ngmo diak sel priesthood executive committee miting er a ward me a stake. Alsekum eng ngar ngii a klou a belkul el soadel, el uai a meringel el tekoi er a telungalek malechub e ngar ngii a meringel el kirel a omengedmokl, eng sebechel mo soadel er sel miting er a bishopric. Aikel bebil er a diak el sal meringel el tekoi a sebechel mo soadel er a ward council. Sel mle dodengelii el stake priesthood executive committee miting a chelechang a bodo mekedong er ngii el “high council miting.”

Ongerung, sel miting ra bek el rak er a rokui el mla mechedaol el high priest el ngara stake a mo diak. Engdi, a stake presidency a mo melemolm el ngar ngii sel miting ra bek el rak er a stake high priest quorum el mla mekedmokl.

Ngsebechel a ward el mo ngar ngii a betok el elders quorum? A nger a choi. Oltirakl er sel Doctrine and Covenant section 107, bades 89, sel ward el kmal ngarbab iidisir tirkel active loba Melchizedek Priesthood, ea remeredel a mo mingii a elders quorum. Aikal quourm a kirel tabesul a idisir el ludimukl er a rekrir, reng ra klechad, me a deruchelel a priesthood me a klisichel.

Ak ouchais el kmo malta kid a merael moruchei loba ungil luldasu er a delcherul a quorum er a ward me a stake, e kid a mo melai a betok el klengeltengat. Soak el masech a bebil er a okesiu.

Okiu a chederdelel a bishop, ea betok el ulsbechall er a priesthood a mo olngeseu er tial ureor er a olsobel. Tiang uldimukl er a chedelel a Israel lokiu er a templo me a urelel a reksi er a telungalek, oureor lobengterir a telungalek me a derta el chad lousbech a ngesou, e olngeseu er a remissionari el ngusuterir a rechad el mo er a Jesus Kristo.

Me tirkel mo merek el merreder ra luut er tir me bo louchais a ikel blekeredal el blal siseb er ngii el tekoi el mo er a quorum er a elders, eng mo ngar ngii a mesisiich el chedal a quorum.

Ng mo ngar ngii a betok el bedengel a sengk me a klisiich er a chelsel a quorum.

Ng mo omekbeot meng sebeched el kudmokl aikel meklou a belkul ulsbechall er a ward me a quorum el meruul a bekbedengel a ngeseu.

Ng betok a rolisechakl ma keltalreng sel beches el elder e le ngar ngii a klemedengei er ngii el high preist louchais a blekeradel, el dmak el kaingeseu er a miting me a urelir.

A rebishop me a re branch president a mo telkib el diak el mechesang me bol sebechir el chemau a ngerchelir el lomekrael el mengeluolu e olisechakl e olngeseu er tirkel lousbech a ngeseu.

Aki medengei el kmo a bek el ward me a stake a kakerous. Malta aki medengei aikal klekakerous, aki oureng el kmo bo moltirakl aikal milngodech el di mereched sel bol merek a general conference. A olechotel a teletael a mle rekid el mlara profet er a Dios! Ng meral klou el klengeltengat el ngerachel. De bekl el chad elmo oltaut er ngiiel loba llemalt ma keldung!

A kumeklatk er kau: a klisichel a priesthood a mei lokiu sel moterekokl e mechedaol, engdi sel meral klisichel a priesthood, sel klisiich el mo meruul a teletael loba ngklel a Rubak el Jesus Kristo, a sebechel mo er ngii lokiu a melemalt el klengar.

A Rubak a milekoi el mo er a Joseph Smith, el profet er a Olutel a Ebangkelio:

“Mesang, e Ngak a mo mengedmokl er a rechad er a ikelesia, e mo olkiis er a re elder e te modurokl el mo er tir.

“Mesang, Ak mo orreched er a urelek er sel temel.”⁶

Meral uaisei, tiang sel taem el Rubak a oreched er a Urelel.

Ak oureng me dousbech er tial techall el lomdasu e meruul a klengar er kid el mo ungil el tabesul lobengkel a Telbilel mel sebeched el ngmai aikel betok el klengeltengat el Ngii a mle yaksok el mor tirkel melemalt e mekedung.

Rodam, ko mesulang er a rokui el moruul elmo kirel tial ongasireng el lureor. Ak kureng el kmo kid a mo melemolm el meruul er tial lungil e ngarbab el lureor.

Chelechang e kid el rokui a dechor el sioning er a Rubak lolecholt er a Telbilel lokiu a profet er Ngii, el President Russel M. Nelson. Ak ouchais el kmo ngii a profet er a Dios el ngar tial beluulechad. Ak sioning er a Rubak el Jesus Kristo, el ngii a Osebeled e Osobel. Tiang a Urelel; tiang a Telbilel, el ngak a ouchais e menguul loba ngklel a Jesus Kristo, amen.