Omesiou
Aki mo rulii a beches, e chedaol teletael el mo olngeseu e mesiou er a rebebil.
Ke mesulang, e Elder Gong me a Elder Soares, er a dmolech el olechotel a klaumerang er kemiu. Aki dirrek el mereng a suliu me a rebechemiu.
Rodam me a rodos, aki blechoel losiik er a omekrael er a Rubak el mo ngosukid el kmo ng mekerang a dolngeseu er a rechad er a ikelesia el mo oltriakl a llechul a Dios, el tokubets el ikel teblong el ungil el llach el bol betik er a rengum er a Dios me a re tonari er kid.1
Aika el mla mo merek el buil e aki ulsiik er a ungil teletael el kirel a omesiou er a reng me a usbechelel a klechad el mo er a rechad lokiu a omerolel a Osobel.
Aki mla tibir el kmo mo diak dousbech er a oldingel e olsiechak er a resechal [home teaching] me a oldingel e olisechakl er a redil [visiting teaching] el ngii a dodengelii. Ma le uaisei, aki mo rulii a beches, e chedaol teletael el mo olngeseu e mesiou er a rebebil. Kid a mo omekedong er tial lureor el “omesiou.”
A ungil omerelel a omesiou a meruul lokiu sel sengk el ngara rodos me a mesisiich el klisichel a priesthood. Kid rokui a ousbech er a omengeluolu el kirel a chelebelad el teletelel a cherarou.
A Elder Jeffrey R. Holland er a Chelechad er a Teruich me a teru el Apostol me a Sister Jean B. Bingham, el General President er a Relief Society, a mo meskid a mui el omesodel el kmo ng mekerang a retelutk el rodam er a priesthood me a retelutk el rodos er a Relief Society me a Young Women a loureor lolngeseu e mesiou er a rechad er a Ikelesia el meliuekl er a beluulechad.
A First Presidency me a Teruich me a terung a dmak loldubech a tekingir. Omereng el saul me a nglunguuch e kemam a mla mekengii tial beches el bliongel er a reksii er a Ikelesia. Loba ngklel a Jesus Kristo, amen.