Mengetmokl el mo Omes er a Dios
Melemolm el melulk aikal chedaol ngerachel el ngar er a melmalt, uldak, e a tabesul a kudmeklid el mo omes er a Dios.
A Eliza R. Snow, a milengedecheduch er sel omengdaol er a templo er a Kirtland (el ngii a mlong), a dilung: Te mo milasem elmo mengaisisiu er tial omengedaol, eng di ng diak a tekoi er tial beluulechad el mo smodii sel chedaol er tekoi el mildung er sel sils. A re anghel a mlo chemolt, me tirkel rokui el mla er sei a mlo melechesuar er tial chedaol locholt, e a bek el reng a mlo mui er a deureng e mui er a klebkall.”1
Tial chedaol el lomeruul el dilubech er a chelsel a templo er a Kirtland a mle uchul eng mloluut a Ikelesia er Jesus Kristo el mo dolmii a uchul e te mo suobel a rengelekel a Demad ra Babeluades.2 Sel dongetmokl er kid el mo omes er a Dios, ke de mo medengei el kmo sel chedaol el derucheled a mo chemolt er a ikel chedaol el ksari el mlo luut er a chesel a templo er a Kirtland.
Elsel sel mlo dars el nglunguuch, a profet el Joseph Smith a ulebang a ngar iou el reng a ulengit er a Rubak mel “bol kengei er tial blai … el kau a dilu er kemam ma e a ki mekedecherur.”3
Uriual er tal sandei, sils er a Baskua, e a rubak a mlo chemolt e kongei er tial templo er ngii. Tiang a dilubech er a April 3, 1836, ng mlo kmeed er a 182 rak ra mla memong er tial Baskua. Tia dirrek el mle temel a Passover—ta ra ikel kesiokel el taem el Paskua me a Passover a me dmak. Uriul er a bol merek a ocholt, e a tedei el profet er ngaramong, Moses, Elias, me a Elijah, a mlo chemolt el lolab a ksari el ngii a uchul eng mo rulii sel moktek er a Rubak ra mloluut el Ikelesia er Ngii er chelechal taem. Sel moketek a kmal beot, eng di ngungil a belkul el kirel a Israel el mo mechudel, e lomak er tir el mo tulangalek, e mengtmokl er beluulechad er sel Rubak a mei ersel Longerung Lemei a Rubak.4
Tir el terung el Elijah me a Moses ra bo le cholt a kmal losisiu ra siukang e ra Jewish, e loltirakl ra kmo a Moses me a Elijah a mei el terung ersel bocha ra ulebongel.5 Ngara osisechkled, tial locholt a kutmeklii sel luchetmel a olutel a ikel kiis el “mlodars … el kirel a ikel luriul klebesei me tial mocha ulebongel el taem, el ngii ulutell a cherengelel a taem.”6
A templo e ra Kirtland, ra omesolel me a klungel, a diak a kmal medengelii. Eng di sel klungel a belkul elmo ra rechad, a mesisiich el di melmolm el diak a ulebengelel. A re profet er a ngaramong a ulutii a kiis er a priesthood el mo er a ikel diak a ulebengelel el lureor er a ebangelio er Jesus Kristo. Tiang a mlo uchel eng kmal mlo klou a deureng el mo ra rumerang el rechad er a ikelesia.
Aikal kiis a msa a “klisiich el mla rebab”7 el mo er tirkel metukt el mo ngmai a deruchal er sel taem me a chelechang el ngii a uchetemel a motkek er a Ikelesia.8 Isei el mle ungil sils er Baskua er a chelsel a templo er a Kirltand, eng edei el kiis a mlo luut:
A Kot, A Moses a mlo chemolt e ulab a ikal kiis er a eldellel a rechad er Israel el mla e ra ikel kleuang el dimes er a beluulechad, el ngii a urelel a remissionari.9
A Ongerung, A Elias a mlo chemolt e ulab a kiis er a olutel a ebangkelio er a Abraham, el ngii a uldimukl e ra olutel a telbilel a Abraham.10 A President Russell M. Nelson a mla olsisechakl er a moktek er a ikal telbiil el kiis el ngii a mengetmokl er a rechad er Ikelesia el mo e ra blil a Dios. Ngii a dilu, “Kid a di kid el medengelkid e (ke de medengei) ngarang a soal a Dios.”11
Ongedei, A Elijah a mlo chemolt e olab a kiis er a klisiich el merenged er a chelechal taem, el ngii a ureor er a reksi ra telungalek me a omeruul el ngerachel er a templo el mo olsobel er a rengar me a re mla mad.12
Ngar ngii, el ngara cheungel a dereder er a First Presidency me a Chelchad er a reTeruich me a terung, a keldei el chelechad er a headquarters er a ikelesia el tir a oungerachel er a ikal keldei el ngerachel el mloluul lultui er a ikel kiis er a cheslel a templo er Kirtland. Ngii a Missionary Executive Council, Family Executive Counsil mesel Temple ma Family History Council.
Ke de Mekerang er a Chelechal sils el Meruul Aikal Chetengakl el Ngerachel?
A kot, ngokiu omengull el mo ra Moses er a olutel a kiis el kirel a eldellel a Israel, chelechal sils eng kmeed el 70,00 el missionary a berriid er a beluulechad el lolsisechakl er a ebangkelio er Ngii el mengudel er tirkel mla metutk. Tiakid a uchelel sel mecherungel sel klou e klebokel el lureor el Nephi a milsang er delongelir a re Gentiles me a blai er a Israel. Nephi a milsang a temed er sel taem er a resanto er Dios a loberek e ra beluulechad, eng tedi mo mekesai leng delengerengel a uchul. Engdi, ng milsang el kmo te mo “bleiul ra lemalt ma klisichel a Dios loba klou el klebkall.”13 Sel domerek osenged ra di kekedeb el reksii ra mla moluut el Ikelesia, e a urreor ra kle missionary a meral longasireng. Kede chelbangel ersel cherengelel a lilsang a Nephi. Ma altang e kede mekesai, e kid a melmolm a urrered e mesiou el mo tirkel sorir lorenges e ra klemechel a Osobel.
Ongerung, a Elias a mlo chemolt e olab a olutel a ebangkelio er a Abraham, e ouchais el kmo ng seluk er kid me a ucheled e a rokui el telecheroll luriul er kid a mo mukngeltengat. Meng ngar tial longdibel, eng meklou el ngeseu a mla modars elmo olngeseu el mengerungel ra re Santo e mengetmokl er tir el kirel a rengedel a Dios.14 Sel tekoi el mildung er a priesthood session el kirir a re elders me a rengarbab el prist a mo uchul a klisichel me a ngerachel er a priesthood. A oldingel e olisechakl, el ngii a mla mo “olngeseu,” e mla mosisechakl er tial ongdibel, a mo kudmekelterir a Ruriul-klebesei el Santo el mo mesa Dios.
Ongedei, a Elijah a mlei loba kiis er chelechal taem. Kid el ngar er chelechal taem, me iidisel a templo me a ureor er a reksi er a telungalek a kmal mesisiich. Tial teletael a melemolem a urerel el dimerekmo Luut el Mei Osobel, le lak e a beluulechad el rokir “a di mo nguemed sel lemei.”15
A ureor er a reski ra telungalek, klengeltengat ra babeluades el lokiu a technology, eng meral mla melketk ra ikel mlamo merek el rrak. Kid a mo diak de mellomes alsekum e ked e omekbeota ikal mla metutk el chedaol el ngerachel e melebedebk el kmo a antie Jane malechub eng tal blak a rengul el chedad a mo rulii. Msall ek beskid aikal melmalt el tekingel a President Joseph Fielding Smith: “Diak a chad el mededaes er tial ngerangachel. Ng klou a beklul el mo er a reapostle me a tirkel ngariou a rengrir el elders (malechub e te rodos). Ng beluu, me a lechub eng deruchall, malechub eng klemengetel omesiou er a Ikelesia … a diak el ngebetau me mchitii a ureor losobel ra re mla mad.”16
Chelechang eng ngar ngii a templo el meliukel er beluulechad me a aikel el rokui el ngarngii el ludoud el mo olngeseu er tirkei el cheroid er a templo.
Meng di kid, eng kired el mes a doruul el a missionary, templo, me a ureor er a reksi er a telungalek, e mengetmokl er kid el mo omes er a Dios.
Lemalt, Keltal reng, Tabesul Ruchei ra Rubak e ra Lodars A Ikal Chedoal el Ngerachel
Me ngoeak omenguul el kirel a lemalt, e tial klengar e a taem el kired el rokui el mengetmokl er kid el mo mesa a Dios.17 A Babier er a Mormon a meskid a betok el lolcholt er aikel mekngit el omeruul sel sekum e tirkel dersta el chad me a lechub eng cheldebechel a diak el loltirakl aikel lechul a Dios.18
Chelsel a klengar rengak, e a mondai er a beluulechad me a raurreng a mla melketek el mengai el lomkuuk— ra diak a ututelel omeruul el mo er diak a belkul. Ng kmal chetengakl el ikal mekngit el lomeruul a mla mo chemolt e mla moterob.19Tial mekngit el lomeruul a mekull er a llechul a Dios ma buai. Engdi tirkel medenglei a telbilel a Dios a kirir el lomtok er tial mekingt el lomeruul, el ngii a dirrek el klengit. A klemched ra telungalek el mo ra beluulechad a mengelechell er mo er tirkel “dersta el chad el tir a tomall a telbiil er a teletael er a deleboes, tirkel mengeterochel er a re becherir [ma lechub a ngelekirma lechub e ng ngidi el chad] … el tara klebesei e te mo dechor ra medal a Dios el kirel a kengterir.”20
Me sel domerk a osenged, ke de mes a telemall er a mekngit el omeruul me a kse el meliukel. Ulekum, me kede ultebechel, e meral kerekikl ersel lulebongel el luldesuel a Osebeled, ng bai kired losiik elmo ouchul a rengud. A kmedakt el betok el chad a mla mo diak el lultuil er a Dios e diak lousbech er a chedaol lechukl me a lechub a re profet el kirel a ulekrael. Alsekum kid, el imol beluu, a mo omdasu a telmellel a klengit, eng mo er ngii a klou el omtok a delbois el siasing me a redil eldi tekoi ra delbois.21 A Alma a uluchais er a ngelekel sechel el Corianton er a chelsel a Babier er a Mormon, a mekngit el lomeruul a diak el deurreng.”22
Esel domes er a keltalreng, e a Obsobel a dilu kmo, “alskeum e kau a diak om tang kau a diak ta er ngak.”23 Ke de medengei el kmo a reng er a klautok a ngara diabelong.24
Sel temed, a a chedaol el llechukl el ngii a oldak a blechoel el diak el motirakl, e betok el chad a ultuil er a kleblillir,25el ngii a ultuill er a deruchellem, ke sechal malechub e ke redil, beluam, me a iltetem., Chesel a betok el beluu, a lak el ngii el rokui, a rechad a dmolechel el ileiakl el kirel kmo te mekerang a kiei. Cheslel a Ikelesia er a Rubak, a di chimong el siukang el kid a oltirakl e olsisechakl a siukang e a ebangkelio er a Jesus Kristo. Sel kltalreng el dosiik er ngii a mo uldak el lobengkel a Osobel me a osischeklel.26
Me sel domes er a sel ngii a moktek e ra Ikelesia, ngii el rokui a ultuil er a di tabesul er a medal a Dios27 e oltirakl er a klaumerang ma omeruul er a ebangkelio er a Jesus Kristo. Meng ngara omenguulel mo ra ureor er a kle-missionari, esel moktek el sebechel a tekoi ra mo metecholb sel loba kle ngariou reng ra medal a Dios e obang a ouchul el reng.28 A skuul, ilteet, beluu, malechub ke chad er ker, a diak el ngara belsachel.
E dirrek, a re missionari a mesiou loba ngariou a mlo kedong. Te diak lolasem el mesiou el lultuil er a tekoi er a beluulechad me a lechub e te mengtemokl el kirel a ngarmederir e lureor. Te mesiou lobe rengrir, duchelreng, uldesuir, me a klisiich el mo er sel basio el tir a metutk el mong. Te diak lolilt el kmo ng techang a keldemir, e te meringel el losiik a techal el mo uai a blekerdelel a Kristo,29 el tiakid sel idirengul a a siukang er a Jesus Kristo.
A chedaol llechukl a meskid a rael el mo er aikel kot el meklou el deleuill. A Osobel a ulsisechakl el kmo a kot el llach a mo “betik a rengud er a Rubak el Dios.” E a ongerung a mo betik a rengud er a kmeed er kid eldi uai a de betik a rengud er kid.”30
A Osobel a milsaod el kmo a rebek el chad a kmeed er kid.31 A Babier er a Mormon a rulii el mo bleketakl el kmo ng kirel diak el lomii, a kebliil, me a rechad32 Ng kired el me uldak e tabesud er medal a Dios.
Chedaoll el ruoll me a chedaol ngerachel a dechor er tiakid el llach. Ak kumdasu el kmo sel blekeraddel el kau a mo chemau er ngii er a chesel a templo a mo kmeed el mo uai ngak. Sel bok merek a urelek er a San Francisco ek bora templo er a Oakland, e ak blechoel el melechesuar ra dmolech el beltik el reng me a budech. A klou el dechelel tiang sel ngak a melechesuar el kmo ak kmedang er Dios me a moktek er Ngii. A ikel lureor el losobel a mle moktek el bo kuruul, eng di a klou er ngii a ikel klebokel el reng lokiu a tabesul ma keltelreng el dolchesuar er a templo. Rokui el chad a oubael a becheleleu. Ng diak ke desang a tekoi e ra ilteet, deruchall, me a lechub eng ngar bab a skulel., kede rokui el rodam me a rodos el loba kle nagriou el reng el ngara medal a Dios.
Chelsel a chedaol el delmerab, a chedaol reuoll er a diak a ulebengelel chebechiil a osisiu el mo er rebek el chad. Ng soak sel tekoi el kmo a rubekel eldi hutsu el chad me tirkel kuk obekel el merau a di osisiu a blekeradel el sisib er ngii. Te oubail a osisiu el bael e meruul a osisiu el tebiil el ngara osisiu el altar. Te dirrek el ngmai a osisiu el diak a ulbengelel el klengeltengat er a priesthood. Tiang a meketmokl er a chelsel a klebokel el templo el mlo dechor lokiu a tenget el mlara re Santo el chedaol el blil a Dios.
Mengetmokl a ikal chedaol el telutk el ngerachel, a ultuil er a lmalt, keltelreng, me tabesul er a medal a Rubak, a okeed a deureng me a budech er tial beluulechad e mengetmokl er kid el mo er a diak a ulebengelel klengar er sel beluulechad el mei.33 Tiang a kutmeklid el mo mesang a Dios.34
Aki meluluuch el kmo a ta er kemiu, a diak el ior er a teletael el mngar ngii, a mo mengedecheduch er a bishop er kemiu me bom klikiid el mo nguu a temple recommend.35
Aki dmeu a rengmam el kmo te betok el chad er ikelesia e mengetmokl er tir el mo ra templo. Ng mla mo er ngii a klou el lobdois el klikiid el meklou el chad el loba temple recommend el betok el rak. Limited-use el recommend el kirir a re klikiid el ngeasek a kmal mlamo obdois er a chelsel a ikal eru el rak. Ng bleketakl el kmo tirkel meral loumgerang el chad er a Ikelesia a mla mengai elmo mesisiich.
E a ulebongel, a kiolengit me bol klou a rengmiu el kmo tirkel ngarbab el meredel er a Ikeleisa el tir a oungerangel a ikal chedaol telutk el moktek e ra Ikelesia a melai a chedaol ngeseu. Tial lulekrael a okiu a Reng e a bebil er a taem eng mla ra Osobel. Ngerung el chedaol lomruul a modars. Ng dmeu a renguk el mla ngmai ikal ngeseu. Eng di aikal lulekrael a modars el lokiu ra temel a Rubak, kerebai me a kerebai, llach el mora tara llach,36 el sel ngikal “di medengei a rokui el Rubak a melillt el mo olsisechakl er kid.”37 A ultebechelel a Ikelesia er sel cherengelel a di mor ngkel profet er Ngii.
Kid el rokui a mla nguu a techal el mo oldubech er a President Russel M. Nelson el ngii a profet er kid e Merredel er a Ikeleisa er a Jesus Kristo er a Uriul-klebesei el Santo er tial longdibel. Tirkel Teruich me a terung, el cheleched ma derta el chad, a mlo melchesuarra chedaol el blekeradel er a ki mngai a imomamel locha ra bdelul a President Nelson e a President Dallin H. Oaks, blo le ngor, el chemedoliie loterkeklii el Merredel er Ikelesia. A kuchais el kmo ngii a miltutk e ra uchelel e mla meketmokl ra klengar ngii el rokir el mo profet er a Rubak er a chelchal taem. El ngara ngklel a Jesus Kristo, amen.