Rubak el Kristo a Mla Mekiis er a Chelechang

Rodam me a rodos, sera rengelkam el sechal al dirk mekekerei, e ak kuluuchais a cheldecheduch sel bochal temel a cheliuaiu el kirel a bilis e mengitakl a chelitakl, luldimukl er a “chelitakl el Rubak el Kristo a Mla Mekiis er a Chelechang, alleluia!”¹ Bebil er a taem e ak ngodechii a tekoi er a chelsel: “Chelechang mla mo temel a cheliuaiu, alleluia.” Te blechoel di mereched el mo mechiuaiu; le te medengei el kmo alsekum te mo mechiuaiu, eak mo stob el mengitakl.

Tekoi—el tekingek—a diak el sebechel lochotii sel kulmelchesuar er ngii sera President Russell M. Nelson a lenguu a chimak, lobengkel a Susan el ngara bita er ngak, e odersii tial chedaol lokedong el mla er a Rubak el ngii a chilsir a renguk mak di mle medidelangel raikal mla mo merek el klebesei.

Tial Sandei er a Baskua, eng dmeu a renguk el mengitakl, “Alleluia.” Ng chelitakl er a Osobeled mla mekiis er a kodall el kirel a beltikel er reng² el loutkeu a telbiil (el merenged er kid el mo er a Dios e olisechakl er kid) me a Tngakireng er a Jesus Kristo (el ngosukid mede becherei adi klechad er a sechal me a redil e bo doltirakl er a okedongel a Chedaol Reng³).

Mesel dedak, ea telbiled me a Tngakireng er a Osobeled a smisichid e rulid el mo chetengakl. Te ngosukid el mo oumerang er a ebangkelio e chemoit a klengit me a ngidil ngeral el ngii a sebechel tomer er kid. Te rulid el mo ungil, e mengeluolu, e mengikiid.

A Profet Joseph Smith a dilung: “Malta ea rebebil omdasu el kmo tiang kmal mesisiich el olisechakl el dosaod el kirel- a klisiich el ngii a melusech malechub eng merenged er a beluluulechad me a babeluades. Engdi, sel temel a beluulechad, e sera Rubak a ngiluu a priesthood el mesa ngidil sechal lokiu a ocholt, malechub eng cheldebechel er a resechal, e tial klisiich a mle blechoel lomesterir.”⁴

Tial omeruul a dirk osisiu er a chelechang. Chedaol telbiil me a ruoll, el diak ngar ngii er a ngidil ker, a meruul er a chelsel a 159 chedaol blil a Rubak el ngara chelsel a 43 el beluu. A yaksok el klengeltengat a mo er ngii lokiu a oluutel a kiis er a priesthood, olisechakl, me a klisiich, el lolechotel a klaumerang er kid, keldung, me a yaskok er a Chedaol Reng er Ngii, el mer tial temed, me a diak a ulebengelel klengar.

Rodam me a rodos er a bek el beluu, kebliil, me a bek bedengir a rechad, ko mesulang er a meral klaumerang er kau, ulungulem, me a bliochel el beltik el reng er a ikel bek el tekoi el omoruul. Ko mesulang el me chedal tial okesiu er a oluutel a ebangkelio.

Rodam me a rodos, kid a kaukledem. Ng sebeched el mo tal “renged e oubeltik el reng, ”⁵ er a rokui el tekoi me a ngidil basio el de ngar ngii.⁶ A rubak el Jesus Kristo a siotai er a bek er kid, diak ior el kmo ke ngar ker, diak el ior a teletael el om ngar ngii, kulengit “mei e momes.”⁷

Tial sils e ak kuba ngariou el reng e olengit aikal rokui el sesngek me a blil a delbengek,⁸ diak el ior el kmo ngar ker mecha lechub eng mo uangerang, mo er osebelek, mo er Susan er ngak me a telungalek er ngak, mo er rodam er ngak, mo er a bek er kemiu, betik er renguk el rodam me a rodos.

Rokui el klikiid e diak ulebengelel a kmal ngara Dios el betik a rengud el Diak a Ulebengelel a Chedam me a Ngelekel, el Jesus Kristo, me a Tngakireng er Ngii, el Chedaol Reng a sioning kirel.⁹ Ak menguul el sioning e ouchais el kirel a ngar el Kristo—el Ngii a “mlad, e mildakl, e milkiis er sel edei el klebesei, e mlo er a babeluades.”¹⁰ Ngii a Kot e Ulebongel¹¹—e lulbenged er a uchei, e ngii a mo obengeked el mo er a ulebongel.

Ak kuchais el kirir tirkel mle profet, el mla er a Profet Joseph Smith el mera President Russell M. Nelson el ngii a mle ungil a rengud loldubech er ngii er a chelechal sils. Tirkal ngalek er a Primary a mengitakl,” Molteriakl er a Profet; ngii a medengelii a rael.”¹² Ak kuchais el kirir tirkel mle profet, el mla er a Profet Joseph Smith el mera President Russell M. Nelson el ngii a mle ungil a rengud loldubech er ngii er a chelechal sils. Ak sioning, Mesel mla mocholt er a chedaol llechukl, luldimukl er a Babier er a Mormon, e ak sioning el kmo a rengedel a Rubak a mla lemuut el mekedechor er tial beluulechad, el mengedmokl el kirel sel Ongerul Lemei a Messiah.”¹³ Loba chedaol ngklel a Jesus Kristo, amen.