Lak Ko Medakt: Di Moumerang!

Ak mengedecheduch el mora re ngeasek el chad e ra Ikelesia, belkul a kmo tirkel ua rekil a President Russell M. Nelson malechub a re mekekerei. Ng diak blechoel lousbech a siasing, ngdi dikea kurkedii a renguk lolecholt er tiakid el chimong.

siasing/Llecheklel

Babier el mla er a Marin Arnold

Tial babier er a mondai a mla er a eai a rekil el sechelik er a Marin Arnold, el lilechesii sera leuid a rekil. Ak mo oleuiid a tekingel ra dirk el loumuchel el meluches a llechukl er a Egypt:

Maleuaisei e, Marin, a tekoi el bo kulekoi a ultebechel e lmuut el oitechetur a rengum. Engdi sel moluches el mora bishop er kau loumondai, eng klou a ututlel el mduu er ngii el kmo a ngklek a “Kearon. Elder Patrick Kearon.”

Ng bekord leru el rrak ea omekodall el secher a ulemuchel e uldingerongel el mla liueklii a beluulechad, me tial rakt el mla osimer a kmeed el rokui el tekoi ra beluu, a bleketakl el tiang a dimlak el terebengii a klakeuad, uldikel, ma mekngit el ulecheracheb ra balatiks—er a chelsel a beluu malechub a beluu meliuekl er a beluulechad. Ma rengud e ngungeang, di kid tial direke ngellomel ra kemanget-el delecherul ongarm ra tekoi el beluu ma siukang, el ngara ngesengesed ra keizai el mora telmellel a lukel a charm el mora chelebirukel lomeruul el mora kakerous el chad ma lmuut el betok.

A ikal ses el eolt ma mengimkumk el sils a sebechel el oitechut a rengrir a re ngeasek el teloi er kid, tirkel tir a domes er tir el klebokel e semeriar el kirel a ikel merael mei el sils er kid. Ng mla muchais el kmo “a ikel klisichir a re ngeasek a bleketakl el klungiaol el mora beluulechad el rokir. A re … ngeasek … a osenged ra ngar … medad.”² E dirrek, a re ngeleked a momtebechel ea ngerachel el kirel tial Ikelesia a mo ngara imorir.

Ma osenged el kirel chelechal taem, e kede ungil medengei alsekum ea ikel loumerang a re ngeasek a le kora mlamo mesaul a rengrir el kirel. A Dr. Laurie Santos, el brobesong ra Daingak e ra Yale, a direke kiltmeklii a omesuub el ngklel a “Psychology and the Good Life.” “Sel kot el rrak ra le borngii tial klas, e te bekord el [imong-ma eual tuid] er tirkel [rokui] el direke ngara daingak a mlo locha ngklir.”³ Ng obdois ra okolem ma euang el milion el chad a milsa tial prokram. Ma tekoi el kirel tial teletael, ea imol chad a miluches el kmo ng meringel sel domes ra re kmal betok el mellomes, el ngeasek el ngalk ra skuul—ma re meklou el chad—el meringel “el osiik a kmo ngerang el bla loriid” malechub, sel mekngit er ngii, te oureng el kirel a tekoi el dimlak er tir.⁴

Ng ongtik er chelechal sils elmo er tirkal ngeasek, me kemiu a rechad ra blirir ma re meklou e lolsisechakl er tir, bo momuchel e losiik er a deurreng el melai er sel nguked el bla denguu el mlar ngikel lou sengk a bek el klungiaol.⁵ Ngultebechel er sel taem el betok el chad ra beluulechad a ngellomel el ungil melbedebek e ra chelsel a rengrir, e kid a bai kired el outkeu lobang a “meang el chais”⁶ er a ebangkelio ra Jesus Kristo. A Ikelesia ra Jesus Kristo e ra Uriul-klebesei el Santo, el ngii a ultebechel lobang sel ngerachel ma klemechel a Osobel ra beluulechad, a oldars er sel kot e diak el mekimd el klou a belkul el rael mo osiik a ungil e meruul a ungil ra ikal kmal chetiteuokel el taem.

A President Russell M. Nelson a mla melekoi el kmo tial klengelakel e ra re ngeasek el chad a lmuut el melketek el “ngoriakl er a klisiich [el kirel a ungil] el mortial beluulechad ra ikel kuk mlo merek el telecheroll.”⁷ E kid, a re kuk bebil ra rechad, a kired el “mengi[takl] sel chelitakl e ra beltikelreng el ,”⁸ngdi tiang a kired el mo oltirakl a tekoi—“ngkel loltirakl,” alsekum me koltirakl—ng sel blekeradel el mengeroid er kid er a ikel mekngit el blekerdeled ma omerelled el oridid meng diak dungil oiteklii sel chelitakl er a diak a ulebengelel el klengar.

Molmuut ra de dechor ra “mededaes el rael,”⁹ eng sebeched el mo tngeong ra tara chad el ultebechel losiik a tekoi el di mekngit e chetituokel a rokui el kirel. Kedi medengelii sel lou tekoi er ngii: “Ng di blechoel el mengimkumk ruchei er a bol milkolk.” Tia sel mengelngalk el ues, e chelbuul el klechad! Choi, a le bebil ra taem e kede soad el chemiis ra ikel de ngarngii, ngdi ngkmal diak el kired lobes el kmo kid kede techang—kede ngelekel a ngar el Dios el betik a rengul er kid, el di blechoel el keltmokl lousubes er kid, e diak el sebechel el diak a rolel, el chitid. Kau a kot el mekreos el Ngelekel. Kau a Ngelekel, e luchul e Ngii a mla meskau a re profet ma telbiil, sengk ra reng ma ocholt, ongasireng ma klemechel, ma re anghel el ngar tiang mesel bitang.¹⁰

Ngii a dirrek el mla dersii er kau a Ikelesia el melisiich ra re telungalk er tial klengar e oldak er tir me te dmak el diak a ulebengellel. A Ikelesia a omecheliu ra betok ra okedei ma tang el telael el ward ma techetechel el rechad a morngii e mengitakl e olsengerengel e meluluuch el kasisiich e oldars a ngarngii er tir el mora re mechebuul. Tiakid sel basio el bek el chad a mungakl, mora rekord, e mosisechakl ea re di kaudengei el chad ma re tonarii a di tir el mesiou ra delongelir ra ikel lokedong el ngara tekoi ra urerel obis el mora omengetmeklel a ureor. A re mekerei el chad—me a remechuodel el obekl— a mo mesiou a tekingel a Dios el lobdois el telael lokiu a kerekerngir e diak el longeremrum el kmo te morker e mesiou, ea rechedal a ikelesia el mekekerei ma re meklou a orreched el mora templo elmo mengetmokl a chedaol ruoll lusbechall lomak ra klengelakl elmo tang—ng smiich lureor el ngara beluulechad el kmal blii engdi tiang a klumech el kmo tial dikeang a keltalreng a diak el meketeket. A ikaikid a bebil ra ikel luchul e kede melisiich el kirel “sel lurunguled el ngara [rengud].”¹¹

Meng uaisei, el tial klechad er chelechal taem, el meklou e chetiteuokel el tekoi a le chelbangel a ngidil chad loltirakl ra Jesus Kristo. A re mengeteklel tial Ikelesia a mla tonget a klengar er tir el mora Rubak el kirel a rael elmo sumechokl a ikal longarem. Eng ngarngii a bebil el diak lungil selmechokl ra rengrir a re bek el chad, ea ltang e toba sel telkib ra kerus el Jesus e dilul kmong kired el lotekur me bo dungil loltirakl er Ngii.¹² E kmal uaisei leng morngii a chetiteuokel el sils ma meringel el tekoi ea Dios a mla yaksok el Ngii a mo, e mei el ngara iabed sel mellomes e mesisiich el ngau sel klebesei, elmo mekrael ra re profet, meskid a tekingel, mekengii a chesimer el bedul a melemalt el rael, ea kot el ngaruchei el tekoi a meskid a klisiich me kede lomelemii a omerael.¹³

Ma ongit, e olengit, mkiei el lomelemii tial belsoil molmuut ra mou mededenger el kirel sel yasai. Moseb er sel Ngii a llomes e modersii sel kuk olbtelem el mortial lureor.¹⁴ Ng meral tekoi sel ngara Primary: a Jesus a ngara rengul el meral “[soal kau] a bom oeaol ra llomes.”¹⁵

A mengeteklel a rechad ra Iudea el Jarius er a lolengit er a Jesus el mo omekungil er a teruich ma eru rekil el ngelekel redil el mechiuaiu er a blil el medkung, e a seked a ulrekedii a Osobel el mo meketeket me a mesiou a dimle mereched el mochar ngikal suebek a rengul chedam, “A ngelekem a mla mad; me lak bo mongesang er a Mastang.”

“Engdi a Jesus er a lerengesii tiang, eng ulenger er ngii, el kmo, Lak ko medakt: di moumerang, e ngii a mo mecherrungel.”¹⁶

Meng mlo uaisei. Me kau el dirrek. “Lak ko medakt; di moumerang.”

E le derta er kemiu el ngar tial ongdibel a mekreos el mora Dios me a tia el Ikelesia, e ak mengesimer loba tial tokubets el chais er a apostol. Uchei er a omnguu a sengk er a Chedaol Reng, e kulebang a llomes er a Kristo el delalm er a chelsel a rengum,¹⁷ tial “llomes el ngii a ngara rokui el tekoi, … a telil a rokui el tekoi,”¹⁸ e ngii a ongetikaik el mora klungiaol el ngara rengrir a rokui el chad el tir a mla kiei malechub e te dirk ke me kiei. Tial llomes a le ngiluu el meskau el mo mesebechakl er kau e olisechakl er kau. A tara klou a ultutelel er tial klumech a kmo a klengar a kot el mekreos er a rokui el sengk, el sengk el ngii a dodengei el dolai er ngii el diak a ulebengelel lokiu a Tngakireng er a Rubak el Jesus Kristo. Me sel Llomes e Klengar er a Beluulechad,¹⁹ea Dita el Ngelekel A Dios a mlei lomeskeid a klengar leng mlo mesisiich er a kodall.

Ng kired el mo blak a rengud el kirel tial sengk er a klengar e orreched el mo olngeseu er tirkel bedul a kengaol el mochu mengoit er tial chedaol sengk. Roungerachel, olisechakl, resechelei, telungalek—momes a olangch er a mui el ngara klengitelreng, re dikeal sebechir, malechub a ngiidi el ngerang el melutk el kirel a chad el di ngii el melemall er ngii. Molengit el mo ngosuir. Morrenges. Molasem el mo merrob lokiu a kmo ngerang a le sebechel.

Mora rokui el ngeasek el ngara kmong ker el tir a ngara ringel, a ngidi el tekoi el omsimbai ma lechub eng metacherbesul, e a chad el di ngii el lomekoad er ngii a chemolt el diakel kirel uaisei. Ng diak el bol choridii a ringel el molchesuar er ngii a lechub e komdasu el kmo kau a uchul. Tia el beluulechad el kmal ousbech a rokui el llomes el ngii a sebechel el ngmai, kulengit me lak mongkekerei er a llomes el Dios a ngiluu el loia er a chelsel a rengum e ruchei er a leborngii tial beluulechad. Mongedecheduch er a kmong techang. Molengit a ngesou. Mei e lak molemall er a klengar el Kristo a uldersii a klengar Ngii mel sebechel di ngarngii. Ng sebechem el oltekau a ringel er a tial klengar e le ki mo olngeseu er a kau el mo oltekau. Kau a lmuut el mesisiich er sel ngara uldesuem. A ngesou a ngarngii, el ngara rebebil e a tokuni a ngara Dios. Ke ngara beltik el reng e klou a ultutelem me a sbechellem. Aki ousbech er kemiu! “Lak ko medakt; di moumerang.”

A tara chad el mlo chobangel a lmuut el meringel el ongarm er kau me a ngak a mle ta el llangel: “Morael el mo ruchei [kemiu el betik ra renguk el ngeasek el sechelik]. Bo mesisiich, … e molemolem, melemolem el mo kats! A rengmiu bol ngara deureng, me msal mo ungil a rengmiu.”²⁰ Ng kmal ngarngii a betok el kid a ungil a rengud el kirel! Ke dultuil er a derta er kid, e ultuil er Ngii. Lak moltngakl er kemam er sel techall el mo obengkem, a kulengit er ngii, el ngara chedaol ngklel a Rubak el Jesus Kristo, el Mastang er kid, amen.