Ngara Ongasireng er a Kristo me a Ebangkelio er Ngii

Ngarngii a kmal ungil sechelik el ngii a kmal mellomes, e mle berobesong er a daingak, e chad er a omeluches, e a, kot el ngar bab, a mle blak a rengul el oltirakl er a Jesus Kristo. Ng mla mo betok el bo loldingel er a Chedaol Beluu el ngara rua meklou longdibel, e meruul omesuub, e omerk osengel tial basio. A denguu er ngii, e a bek el team el be loldingel er tia el beluu el ngii a lulerael er ngii a Jesus, e ng mal mo mechas a rengul leng di smuub a beches el tekoi, mengasireng, me a ungil tekoi el kirel a Osobel, Osisecheklel er a beluulechad, me a Belual. Tia el ongasireng el olecholt er ngii a sechelik sel losaod el kirel aikel siluub er tia el Chedaol Beluu a kmal mengesuseu, e tial ongasireng a kmal di mla dodai er a tekoi el bla el ruul me a dauch er a omesuub er a klengar er ngii.

Sel kurrenges a tekoi el dilubech el morngii e kulchesuar a klemeriar el reng er ngii, e ak mlo omtab el kirel a chedaol mengasireng, el tekoi, el sebeched el mo melechesuar er a ebangkelio er a Jesus Kristo me a sel rellii er a teleteled a doltirakl me a omerolled el bedul a diak a ulebengelel el klengar. Se el omelbedebek el ngak a mesaod er ngii a omelechesuar er a tekoi er a reng, ongasireng, me a ikel ungil a rengud el tekoi el osisiu el mo er tirke el tir a mui el nguu a Osobel me a Osisecheklel el ngara chelsel a rengrir e tir a bekongesenges el Dongchii er a chelsel a klengar er tir. Ng kmal omelechesuar el reng er a omelbedebek, el ngii a mekedmokl el okiu a Chedaol Reng, el kilungii a klemeriar el reng el mo kiei el ngara deureng er a osisecheklel a Kristo.¹

A chedaol llechukl a uldimukl er ngii a bebil er a okesiu el kirel olchotel tial teletael. A profet el Isaiah, el ta er a okesiu, a uluuchais er a delechel a sulel el mo er a Rubak lokiu a deureng el mo er Ngii.² Tirke rirngesii a Jesus lolisechakl er a blil a omengull er a Capernaum a mlo mechas a rengrir er a Osisecheklel me a Klisichel el olsisechakl el kirel.³ Tiaikid losisiu el teletael a siliseb er a rengul a ngeasek el Joseph Smith er a longuiu a bebil er a bades er a Biblia er a kot el bliongel er a Jacobus, el milkrolii el mo osiik er a llemesel a Dios.⁴

Betik er a renguk el rodam me a rodos er ngak, se el de meral ngara ongasireng er a Jesus Kristo me a ebangkelio er Ngii, e kede dmeu a rengud, kede mui el semeriar el kirel a urerel a Dios, e kid a mo melechesuar a chimal a Rubak er a rokui el tekoi. A lemuut el tang, a omesubed er a tekingel a Dios a muut el meklou a belkul; me a nglunguched, a meral ngara rengud; e a odengesed, a muut el kuoll; me a omesiou er kid er a Rengedel a Dios, a mui er a blakelreng. Aika el rokui a uldimukl er ngii a odbechel Chedaol Reng el mo blechoel ngara klengar er kid.⁵ A leuaisei, e a olechotel a klaumera er kid er a Osobel me a ebangkelio er Ngii, a mo mesisiich, e kid a mo oba Kristo el kiei er a rengud,⁶ e mo merael “el uldalm e mukeroul er ngii, el mukdubech er a klaumerang, … e mui er a omereng el saul.”⁷ Se el de kiei el uaitia el teletael, e ng mo mesisiich a chedaol tekoi er a rengud e mo selbechakl er a ike el ngii a mo rebetel a telitur el reng.

Tia el telitur a duubech el okiu a klteket el diak dousemeriar el mui el uldimukl er a ebangkelio er a Rubak. Ng blechoel el me dubech sel dolechesuar el kmo kede mla ngmai aike el ngii a meklou a ultutelel el klaumedengei me a klengeltengat el kirel a deureng er kid er tia el klengar. Tia el ungial a reng, el dosaod er ngii, a rullid el mo beot a rengud el kirel a sengk er a ebangkelio, e melemolem el uaisei, e kede mesa techall el mo obes aike el deruchelled er a bek el sils el ngii a klou a ultutelel er a ebangkelio er a Jesus Kristo⁸ me a chedaol telbiil el bla deruul. Seikid, e kede ngoseklid er a Rubak, el mengitechut er sel dechad el mo “Rongesii,”⁹ el mo mengodech e diak domekerreu el kirel a klebekelel a Urerel. A mo oumededenger el kirel a klemerang el bla dengai a sebechel soiseb er a uldesued me a rengud, e rullid el beot el mechetikaik er a cherarou.¹⁰

A Bator el Aiden Wilson Tozer, el merael chisel el chad er a omelluches e mesisiich el Kristiano, a milluches, “Ungial a reng a kengaol el kirel a chedaol ukeroul er a reng.”¹¹ Tiang diak el kmal ngera sel dilubech el mo er a rechadal a Nephi uriul er a cherellel a Kristo? Te “ulemuchel el mo diak el mechas a rengrir el kirel a olangch me a mengasireng el teletael er a babeluades, … el [oumededenger] aike el rokui el tir a mla remenges e mes.” Me a le uaisei e a Diabelong “a millenget osengir e ulmekrael er tir el mo oumerang el kmo a osisecheklel a Kristo a klebelung e diak a ultutelel.”¹²

Rodam me a rodos, ngara cherrungel e diak a ulebengelel el Beltkil a Rengul e medengelii a klechad er kid,¹³ e a Osobel a rulii a rael el kid a sebeched el olechib er kid er a rebetel a telitur er a reng. A ongtil Osobel a meskid a kemanget el osenged, tokubets el ultuil er a chetituokel el beluulechad el kid a kiei er ngii: “Mosuub er ngak, e morrenges a tekingek; morael el oba delemedemek el reng er Ngak, e kau a mo nguu a budech er ngak.”¹⁴ Sel de kengei el nguu tia el siotai er a Osobel, e kede chotii a delemdemk el reng, me sel kmal soal a rengud el mo mosisechakl, e oureng me bo de uai Ngii.¹⁵ Tial ongit a uldimukl er ngii a mo mesiou er Ngii e olngeseu er a rengelekel a Dios “loba [rengud] el rokir, klisiched, uldesued me a duch er kid.”¹⁶ Me sel blakereng er kid el melasam er tia el omerael, a di dodengelii, aike el eru el kmal meklou el llach: el mo ou beltik el reng er a Rubak el Dios er kid me a retonari er kid el di uaikid.¹⁷

Tiaikid el teletael er a blekeradel a telengtengil a chedaol blekerdelel a Jesus e mlocholt er a rokui el tekoi el Ngii a miruul er a lengara beluulechad.¹⁸ Me a leuaisei, e sel sekum e kede meral ngarngii er a rengud e blak a rengud el omes er Ngii e mesuub er a cherrungel el Okesiul,¹⁹ e kede mo ungil Medengelii. Kede mukeroul er a klemeriar el reng me a soal a rengud el mo meruul aike el ngii a ultebechel el rolel a de kiei, me a okesiu el kid a kudmokl, me a llechul a Dios el kid a kired el oltirakl. Kede dirrek el ngmai a lmuut el klemedengei, llomes, chedaol el blekeradel, me a kerasia el bedul a Dios me a retonari er kid.²⁰ Ak meketeklii er kemiu el kmo a dechad el mo omelechesiu er a ngedechel a Osobel me a beltkil a rengul a mo mesisiich er a chelsel a klengar er kid, e menglou er a klaumera er kid, me a urunguled el mo meruul a llemalt, me a blakerreng el mo mesiou er Ngii me a rebebil.²¹ Osisiu, e a omereng el saul er kid er a klengeltengat me a ike el ringel el kid a soiseb er a chelsel er tia el klechad a mo mesisiich e mo tebechedel a klemerang el odanges er kid.²²

Betik er a renguk el resechelik, aika el rokui a smisiich a omelbedebek el reng el kirel a ebangkelio e rullid el mo ngara deureng el oltirakl a telbiil el kid a mla remuul el obengkel a Rubak—el osisiu ngii me a ike el taem el kid a ulsiseb er a chelsel a ringel ma ongarm. Ng uaisei, el ika el tekoi a mo mekedmokl, se lsekum e kede modulb er a klaumerang me a blakereng er a osischeklel Osobel,²³ e melasem el meruul aike el Blekerdelel er a chelsel a klengar er kid.²⁴ Osisiu e ng kired lolekeed er kid er Ngii lokiu a ouchel reng,²⁵ e osiik er a klausubes er Ngii me a Klisichel er a chelsel a klengar er kid e oltirakl a Llechul. A Rubak a mle yaksok el kmo Ng mo omekrael er a roled sel doumerang er Ngii el oba rengud el rokir, oldanges er Ngii er a rokui el tekoi el doruul e diak dultuil er a di klaumedengei er kid.²⁶

siasing/Llecheklel

Elder Jones el obengkel a Wes

A ta er a chad el dirk blo kudengelii, el ngklel a Wes el ngii a teloi er tia el klou el ongdibel er chelechal sils, a kilengei el nguu er a siotai er a Kristo el mo mesuub el Kirel me a ebangkelio er Ngii e mocha omuchel el melechesuar er sel mengasireng el Beltkil a rengul er a uriul er a lluich me a euid el rak el longeroid er ngii er a rael er a telbiil. Ng uluuchais er ngak el kmo a ta er a klebesei e a ta er a misionari, Elder Jones, el ngii a mle mokedong el mesiou er a basio er a Wes ruchei er a lorael el mora Panama, a ulemekedong er ngii el okiu a Facebook. A Elder Jones er a lesa profile er a Wes, el diak a klaumedengei er ngii el kmo ng chedal a Ikelesia, ng mlo melechesuar er a ulekrael er a Chedaol Reng e mlo medengei el kmo ng kirel di mereched el omekedong er a Wes. Ng di mle mereched el ouedikel. A Wes a kmal mlo mechas a rengul er tia el kmal di mle meang el okedong e mocha melchesuar el kmo a Rubak a mle medengelii el diak el ior er a kmo ng mle cheroid er a rael er a telbiil.

Sel taem el mong, e a Wes me a remisionari a ulemuchel el blechoel el chadecheduch. A Elder Jones me a kldemel a mle bek el sandei lolngeseu e olisechakl er a Wes el muut el nguu sel mengasireng er a Osobel me a ebangkelio er Ngii. Ng liluut el mekerdii a ngeuil a klaumera me a klemerang er a Osobel me a beltkil a rengul kirel. A Wes a mlo melchesuar er a budech el ngii a mei el okiu a Mengelaod e ngiluu a klisiich el ngii a uluusbech er ngii el muut el mo er a delbechelel. Ng uluuchais er ngak el kmo tia el tekoi el dilubech a mle olutii a chedaol tekoi er a rengul me a uldesuel el muut el mei er a klengar er ngii e ngilsuir el torrob aike el mecheuached el ngii a bla le kereker er a betok el rak el uchul a ringel el bla er a chelsel.

El uaia ikel bla kdung el kirel a kmal ungil sechelik e bekudasu el sensei a mla omtab, ng blechoel el ngarngii a kmo ngerang el mal mengasireng e omosiroi el dosuub el kirel a Jesus Kristo me a ebangkelio er Ngii.²⁷ A Rubak a mla remuul a klebokel el yaksok el ngii a udars el mo er tirke el rokui, uldimukl er kid, el tir a osiik el mesuub er Ngii e meruul a Tekingel er a chelsel a klengar er tir. Mo er a Enoch e Ngii a dilu, “Ng uaisei me a Delbengek [bol uaisei] el obengkem, me a rokui el tekingem a bok kutaut; me a rois bol chiis er medam, me a omoachel bol omaoch er a rolel; e kau bo mobengkek, me ngak kubengkem.”²⁸ Ngokiu a mesiungel er a King Benjamin, e Ngii a millekoi, “Kemiu a mo okedongall el rengelekel a Kristo, rengelekel sechal, me a rengelekel redil; el uaisei, tia el sils e ng ngoikau; el bom du el kmo a rengmiu a mla mengodech el okiu a klaumerang er a ngklel; el uaisei, kemiu a ulechell er ngii e mla mo rengelekel el sechal me a redil.”²⁹

Me a leuaisei, el demeral ngara rengud e melemolem el melasem el mesuub er a Osobel e oltirakl er a Okesiul, ak yaksok er kau, el ngara Ngklel, el kmo a chedaol el Blekerdelel a mo lluches er a uldesued me a rengud,³⁰ el kmo kede mo uai Ngii, e mo merael el Obengkel.³¹

Betik er a renguk el rodam me a rodos er ngak, ak meluluuch mede blechoel el dechor el mechas a rengud er a Jesus Kristo me a cherrungel, diak a ulebengelel, e klebokel el beltikelreng er Ngii. Mei me a omeletked er a ikel bla deues me a bla domelchesiu er a rengud bol choisisii a mengasireng el tngakireng er a Osobel, el omekungil a telemall el rengud e ngosukid el mo kmeed er Ngii. Mei mede mechas a rengud er a meklou el yaksok el Chedam a olab er Chimal e Ngii a mla kudmokl el mo er tirke el tir a oumerang:

“Tial renged a kloklem me a klengeltengat a me er kau, me a iltetel a diak a ulebengelel a kloklem.

“E ngike el mla ngmai a rokui el tekoi el oba omereng el saul bo le mekebkall.”³²

A Jesus a Osobelel a beluulechad, e tia e a Ikelesia er Ngii. Ak sioning er a ika el klemerang el oba ongas el reng, chedaol, e kuoll el ngklel a Osobel, Jesus Kristo, bol uaisei.