Uchelel a cheldecheduch
Kede mengull ra rengelkel a Dios el redil er tial tokubets el miting el momes a sebekreng el ngara uldesuir me a ngara chelechad er tir.
Rodam me a rodos, chelechal domuchel er a tial diak a uaingii el ongdibel er a redil, eng dmeu a renguk el mo choieuii tial telkib el omesodel a klemechel a First Presidency.
A ongdibel er a Sabadong a ngarngii a reksi er a ngii el ngodech a moktek er ngii me a remomes er a ngii. Chelchal kebesengei e kede mo dochelir er a reksi er chelechal bocha domuchel er a beches el moktek er kid me a teletelel a ureor el kirel aikal domes el merael mei el sils. A ebangkelio er a Jesus Kristo a diak el mengodech. A osisechakl ra ebangkelio a diak el mengodech. A telbiled a diak el mengodech. Chelsel aikal mlo merel el rak, e a miting el dongedmokl el mo ouchais a klemeched a mengedengodech e uaisei el melemolm el mo mengodech er a a ikal merael mei el rak.
Chelechang, e tial miting er a kebsengei ra Sebadong a miting er a klou el ongdibel, ng diak el ongdibel er a ngidil chelechad. Diua rokui el miting er a klou el ongdibel, a uldasou, remengcheduch, me a chelitakl a mlengilt lokiu a First Presidency.
Aki mle olmit er a President Jean B. Bingham, President er a Cheldebechel er a Rolngeseu, el mo menguteling er tial ongdibel. Aikel merael mei el ongdibel er a kebsengei ra Sebadong a bo lomekrael a re General Officers era Ikelesia, el ua rechedal a omerredel er a Cheldebechel er a Rolngeseu, Rengeasek el Redil, me a Primary, el mengilt er a First Presidency.
Chelechal kebsengei e tial miting er a kebsengei ra Sebadong er a klou el ongdibel a kirel aikel sebekreng er a redil er a Uriul-klebesei el Santo. Tia uldimukl a osisechakl er a Ikelesia er a Jesus Kristo er a Uriul-Klebesei el Santo, me a llechul a Ikelesia el kirel a redil, me a ngerachel me a ureor er tial chelechad er a remechas me a redil er a Ikelesia. Uai a rokui el miting er a Klou el Ongdibel el mo chemolt er a bek el beluu, a siotai el mora Conference Center el mo omes er tial ongdibel a remeklou me a rengalek el redil el teruich me a erung a rekrir el mo rebab. A roungerachel er a priesthood el omes aikal chelechad a uldimukl el dirrek.
Aikal domuchel er tiang a dousbech er a tekoi er a cheldecheduch el ngarngii sel doungerachel me a dechedal a Ikelesia er a Rubak er tial beluulechad. A osisechakl er a ebangkelio er a Jesus Kristo a tekoi el mora bek el chad, seikid a melisiich er kid el mo omerk. Kede mengull er a rengelkel a Dios el redil er tial tokubets el ongdibel e omes er a sebekreng er a rengrir me a chelechad er tir.
Kede mereng a saul er a broadcast technology el meskii a techelir a roungerachel er a ikelesia el mo kutmokl a komakai el omesuub lokiu a cheldecheduch el mora rechad er a chimol basio. Kede dirrek el medengei el kmo a techall er a omerael a di omdois. Ng rulii meng sebeched loldurokl er a roungerachel er a Ikelesia el mo olisechakl er a bek el basio.
Tiang a urelel a Rubak el Jesus Kristo. Kid a Mesiungel, lulekrael er a Chedaol Reng er Ngii. Kede olengit a klengeltengat er a Rubak el mora reoungerachel er a aikal chelechad me a roumerang el mechas me a redil el tir a mesiou er a Rubak er a chelsel aikal chelechad me a klengar er tir. El ngara a ngklel a Jesus Kristo, amen.