Rokui el Ngara Rengud

Sesei el klebesei ruchei er a lodersii a klengar Ngii el kired, e a Jesus Kristo a mla er a templo er a Jerusalem, lomes er a rechad el millecha uldersir el mo er a chad er a udoud el mla er a templo. “Betok el meteet el chad a lilecha betok ludoud,” e sola, ng merema chebuul el mla melakl dil, “e lilecha teblo ludoud.” Ng kmal mle kekerei ludoud, meng dimlak a kmal belkul loluches er ngii er a rekord.

siasing/Llecheklel

A kmal chebuul el melakl dil el lilecha teblol sens.

Eng di tiaikid el ko er a uia lak a belkul luldars a tilab osengel Osobel er ngii. Ng kmal, ko er a mlo mechas a Rengul er ngii el teletael “me ng ulmekedong er a roltirakl er ngii, e dula er tir el kmo, A kmal subedemiu, el kmo ngika el chebuul mla melakl dil a mla locha kmal betok, er a rokui el chad el mla locha uldersir.

“Le tir el rokui el lilecha kmal betok; eng di ngii a lilecha ikel rokui lolab, rokui el ngarngii er ngii.”¹

Tiaikid el beot lultebengel, e a Osobel a ulsischeklid el kmo ng mekera uldars e medebodeb er a Rengedel—e kmal ngodech er a kuk teletael er a omelebodeb el dobang. A denguu er a Rubak, e a klungel a uldars a medebodeb el diak loltirakl er a uldesuel a chad loungerachel a udoud ng bai chad luleldars.

Meng chemat er ngika el mui er a klaumera el dil, e a Osobel a milskid a teletael a dolebodeb otirekled er a betok el tekoi. A Jesus a ulisechakl el kmo a uldersed a sebechel klou a lechub eng kekerei, ngii di el tang, eng di kirel kmal ngara rengudall

Tial suobel a blelekl er a ongtil a profet Amaleki er a chelsel a Babier er a Momron: “Mei er a Kristo, el Ngii a Chimo el Chedaol er a Israel, me bom kiei lobengkel, e mnguu a klisiich el mo suobe. Oi, mei er ngii, e modesii a rengum el rokir el mo er ngii.”²

E ng di ng mekerang e sebechel tekoi? Betok er kid, omdasou el kmo tiaikid el teletael er a blakereng a locha diak el sebechel tekoi. Kede mesesechung. Kede mekera e kudmokl a rokui el tekoi er a klengar kid lobengkel a blakereng er kid lodersii a rengud el rokir el mo er a Rubak?

A merngelel a sel domdasou el kmo ng kired el mii a temed el mo tabesul er a tekoi el soad el meruul. A domes er ngii el uaisei, e a blakereng er kid el mo er a Jesus Kristo a tara kot el klou a belkul tekoi el dosisebii er a ikel betok el urered er a bek el sils. Eng di ng locha ngarngii a kuk tara rolel.

A bechik, er a Harriet, me a ngak a somam el dmak el ngara rrat. Ng tara ungil teletael el kim exercise e kuk dmak el terung. Me sel kim ngara rrat, e lak sal meringel el melolk er a rrat, e a ki dmeu a rengmam er tial klebokel el beluulechad el meliuekl er kid e dirrek lungil a cheldechedemam. Ng ko er a diak ki msal blechoel kerekikl a teletelam a kim ngara rrat. Ng meketeketa el taem el ki mngara rrat meng dikea ki momdasou el kirel—ng mla mo kse er kemam.

Eng di sel kisa chad el ketengel mesuub el ngara rrat, e a k mo melatk el kmo ng diak el beot a momtebechel er kau er a teblo ochil rrat. Ng ousbech a taem. E ousbech omesuub. E ousbech er a kllouelreng. E dirrek el sebechem el merberebet er ngii.

E sel ngaruchei, e tirkel mo meduch el ngara rrat a suubii a ikakid el tekoi:

Lak momes ochim.

Momes er medam.

Momes er a rael el ngara medam. Molatk er sel obo er ngii. E di mololk. Di morael bedul uchei.

Ng osisiu el osisechakl el kirel sel dosiik er a tebechelel a klengar kid a roltirakl er a Jesus Kristo. A bingel a temem el kirel aikel meklou a ultutelel tekoi er a klengar kau a kakerous er a dersta el chad er a kakerous el taem. Eng di sel chimo el tekoi, el ngii a moktek er kid el rokui a mo oltirakl er a Rolel a Mastang, el Jesus Kristo, el muut el mo soiseb er a rengedel a oubeltikereng el Demad er a Babeluades. Tial moktek a kirel di blechoel e di melemolem, er kid el rokui me a dirrek el teletael er a klengar el kid a ngara chelsel.³

Chelechang, e tirkel semeriar el ngara rrat, e a domekesiu er a roltirakl el mo er a omesubel a rrat a locha ungil okesiu. E tirkel kuk diak, lak msimbai. Ngarngii a tara okesiu el kudengei el kmo, a rebek el sechal, redil, me a rengalek a sebechir el mtebengar.

A mo oltirakl, a uaia bek el tekoi er a klengar, a sebeched el mekesiur el mo er a bekellel a skoki.

Ko mla mo chelellakl e omtab el kmo ng kmal mengasireng el kederir a skoki a meral sebechel mekider er a chutem el mo er a bab e suebek? Ngera sel rulii tial klou el klalou meng klebokel a lesebek er a melidiul, lengelakl a meklou el daob me a beluu?

Ng beot omesodel, le skoki a di sebechel suebek sel sekum a eolt a remurt er a bebul osebekel. Tiaikid el teletael a ngodechii a klisichel a eolt el sebechel kiderii tial skoki. Meng mekera e mo er ngii a klebech a klungel eolt er bebul osebekel a skoki el rulii meng mekider? A nger a sel loldubech el bedul uchei.

A skoki a diak el sebechel mo er a bab a di lekeldoel er a chutem. Luldimukl a le meses a eolt, meng diak el sebechel mekider, a lak a mesisiich loldubech er ngii el mo omtok er sel lorreked er ngii.

Meng diosisiu ngii me a odbechel a rrat meng sebechel di melemalt, e a odubech el bedul uchei a ngoseuir a skoki meng mtekengii sel lorreked er ngii.

Me tia ngera belkul el mei er kid a roltirakl er a Jesus Kristo? Ng belkul a kmo a lsekum eng soad el mo metik er a tabesul klengar, e dirrek el sekum eng soad a Osobel a lesebecheklid, e a blakereng er kid el mo er Ngii me a ebangkelio er Ngii a diak el ko er a ouralmesils. El uaia ike mla melakl el dil er a Jerusalem, el kired lodersii er Ngii a rengud el rokir. A uldersed a locha kekerei, eng di ng kirel meral ngara chelsel a rengud.

A mo oltirakl er a Jesus Kristo a diak di el ta er a betok el tekoi el kired el meruul. A Osobel a ngii a meskid a meskid a klisiich er a rokui el doruul. Ng diak el ko er a di kmo ngerang el kuk di bo dolengull er ngii el merkong. Me a diak kuk di bo dengelakl er ngii a lechub e loliochel er a omerolled. Ngii a “rael, e klemerang, e klengar: e diak a chad el mo er a Chedam, a lak lokiu a [Jesus Kristo].”⁴ Tiaikid a Rael e ngii a ulebengelel omerolled.

A tabesul me a selbechakl a mei sel doutekangel di merael moruchei el mla tibir a rengud el kirel a Kristo, e bleketakl ongilem, me a beltikerng er a Dios me a rokui el chad.”⁵

E kuk mekera ikel betok el ngercheled me a urered el rullid me kede kmal mechesang? A temed lobengterir a rebetik er a rengud, mo er a skuul a lechub a kedmekled el kirel a ureor, omengerker, omekerreu a telungalk er kid, me a omesiunged er a buai—kede mekera a ikal rokui? A Osobel a mla dmu er kid:

“A Demmiu er a Babeluades a medengei el kmo ko mousbech aika el rokui.

“Eng di kot e mosiik er a rengedel a Dios me a llemalt, e a rokui el tekoi a di mo er a ungil lurebetellel.”⁶

Tia diak el belkul a kmo ng beot el tekoi.⁷ Ng kired morngi aika e loru el tekoi tenget ma uldars.

Ng kired el chemoit a bebil er a tekoi e kuk mekdubech a bebil.

A mo chuarm e odars a rokui er kid a eru llach er a babeluades el kid a tibir el mo oltirakl er a chelsel a templo. Aika leru llach a osisiu eng di diak desal kmo kmal osisiu. A mo chuarm a belkul a kmo kede odersii a kmo ngerang el kirel a kmo ngera el muut lungil. A irechar, e a rechedal a Dios a millenget a kot el ngelekel a cheremir el melutk el kirel a temel a Mesiah mei. Me a chelsel a reksi, e a remesisiich el Santo a mla mo chuarm el mechei aikel sorir, me a ungil delengcheklir, me a dirrek el klengar tir el kirel Osobel.

Kede rokui el ngarngii, a meklou me a mekekerei el klokled, el kired tonget el mo mui loltirakl er a Jesus Kristo.⁸ Aike omelengete ocholt a meral mekreos er a rengud. A omelenget a chedaol e mekreos er a Ruabk.⁹

A uldars a telkib el ngodech er a omelenget. Sel dodersii a kmo ngerang, eng dolecha er ngii er a bebul a altar. Kede bai, odersii el kirel omesiou el mo er a Rubak. Kede odersii el mo er Ngii me a chedaol moktek er Ngii.¹⁰ Ke de ngamai a duch el Rubak a mla meskid e melasem el mengisois, el kmal mo betok, me kede mengai el mo meduch lolengeseu er a okedecherur a rengedel a Rubak.¹¹

Te kmal mekesai er kida a mo mokedong el mo melengt a klengar kid el kirel Osobel . Eng di kede rokui longtiall el mo odars a klengar kid el kirel.

Mesel dosiik el mo mengikiid a klengar kid e domes el bedul a Kristo er a rokui el doruul,¹² e a rokui el tekoi a di mo ungil besul. Seikid eng mo diak domelchesiu a betok el kakerous el tekoi el meruul el mo tabesul.

E a cherengel a taem, e ngii el rokui a di mo tang.

Chimo el deureng.

Chimo el moktek.

Ng mo urerel a beltikereng me a omesiou el mo er a Dios. Tia oubeltikelreng e mesiou er a rengelekel a Dios.¹³

Sel domes a betok el tekoi el kired el meruul er a klengar kid, e kede mo omelchesiu loberaod. Eng di sel domes er a chimo el tekoi—el ngii a beltikereng me a omesiou el mo er a Dios me a Rengelekel, er a betok el kakerous el teletael—eng mo sebeched el meruul el ngara deureng.

Tiaikid a teletelel a dodersii a rengud el rokir—el mo mechei aike el tekoi lorreked er kid e odars a rokui el mo er a Rubak me a moktek er Ngii.

Rodam me a odos me a resechelik, e ng mo ngarngii a taem el mo soam el rmuul a lmuut el bebil. A Demam er a Babeluades a medengelii a chelsel a rengum. Ngii a medengei el kmo ng diak el sebechem el remuul a rokui el tekoi el soam el meruul. Eng di kau a sebechem el mo oubeltikereng e mesiou er a Dios. Ng sebechem el blak a rengum el melasm el oltirakl a Llechul. Ng sebechel el oubeltikelreng a mesiou er a rengelekel. Ea blakereng er kau a mo mengikiid er a rengum e kudmeklau el kirel a lmuut lungil tekoi el ngara medam.

Tiaikid sel ble lodengelii ngike el melakl el dil er a le bo er a templo. Ng mle ungil medengei el kmo a uldersel a diak bol ngedechii a beluu er a Israel, eng di ng sebechel ngodechii ngii—le ng uaisei, el mle kekerei, eng di tiaikid a mla er ngii er ngii.

A leuaisei, e resechelei me a kemiu el dedak e oltirakl er a Jesus Kristo, “el bol mesaul a rengud el meruul a ungil le [kid] a meleketek er a dodai er a klou el ureor.” E okiu a mekekerei el tekoi “eng duubech a meklou el tekoi.”¹⁴

A kuchais el kmo ng kmal klemerang, e dirrek louchais el kmo a Jesus Kristo a Mastang er kid, e Olsobel er kid, e di chimo el Rael el muut el mo er a oubeltikereng el Chedam er a Babeluades. El ngara chedaol ngklel a Jesus Kristo, amen.