Mba’épa pe añetegua?

Che hermanos ha hermana-kuéra pejehayhuetéva, aguyje opavavépe ko sesiõ oporoinspirávare! Ñane conferencia abril ohasáva guie, ha’ékuri testigos heta eventos mundiales-gui, ohóva umi ivaivévagui umi iporãvéva peve.

Roĩ enkantádo umi informe conferencias de jóvenes tuichaite ojejapóva opa mundo jerére.¹ Ko’ã conferencia-pe, ñande noble juventud oikuaahína toiko oikóva hekovépe, imbarete tuichavéva ou Ñandejáragui.²

Rovy’a ojejapoha hína hetave témplo opa mundopýre. Káda témplo pyahu dedikasiõre, og̃uahẽ múndope peteĩ poder divino adicional ñanemombarete ha ñakontrarresta hag̃ua umi adversario ñeha’ã hatãvéva káda jey.

Pe abuso ha’e pe adversario influencia. Ha’e peteĩ pekádo vaiete.³ Tupao Presidente-icha, amoañete Ñandejára Jesucristo mbo’epykuéra ko témare. Pehejami chéve tamyesakã porãmi: oimeháichagua kuña, mitã térã oimeraẽ tekove abuso ha’e peteĩ avominasiõ Ñandejárape g̃uarã. Ha’e oñembyasy ha che añembyasy káda jey oĩvarõ osufríva dáño. Ha’e hasẽ ha opavave ñanerasẽ káda tekove ha’eva’ekuére víctima oimehaichagua abuso-gui. Umi ojapóva ko’ã mba’e’apo ivaietéva ndaha’éi irresponsablenteva umi kuimba’e léi rovái, sino avei ombohováitava Tupã Ipu’akapáva pochy.

Dékada aja, Tupao ojapyhy medida tuicháva omo’ã hag̃ua—particularmente—mitãnguérape umi abuso-gui. Oĩ heta ñepytyvõ upe Tupao sitio web-pe. Po’invita pe’estudia hag̃ua umíva.⁴ Ko’ã pauta oĩ omo’ã hag̃ua umi inocente. Pomokyre’ỹ peteĩteĩ peẽme peime hag̃ua alerta oimehaichagua tekove ikatúva oĩ peligro ojeabusávo ha ja’actua pya’e ñamo’ã hag̃ua. Salvador ndotoleramo’ãi pe abuso ha, Idiscípulokuéraicha, ñande avei.

Adversario oreko ambue táctica oporoipy’apýva. Umíva apytépe oĩ ñeha’ã ombogue hag̃ua línea pe ha’évagui añetegua ha ndaha’éiva. Pe informasiõ avalancha oĩva ag̃ui ñandehegui, irónikamente, ojapo taha’e káda jey hasyveha ñadetermina mba’épa pe añetegua.

Ko desafío chemomandu’a peteĩ experiencia hermana Nelson ha che roguerekóva rovisitávo peteĩ dignatario peteĩ tetã sa’i tekove oĩháme ohenduva’ekue Jesucristo-gui. Ko amígo tuja ahayhúva hasyramoitékuri. He’i oréve umi heta hi’ára aja tupápe, py’ỹi omaña téchore ha oporandu, “Mba’épa pe añetegua?“

Heta oĩ ko árape yvy ári “oñemomombyry añeteguágui ndoikuaáigui moõpa ojuhúta.” ⁵ Oĩ ñanembogueroviaséva pe añetegua irrelativoha, káda tekove odeterminava’erã ijehegui mba’épa ha’e pe añetegua. Upe creencia ndaha’evéi peteĩ ilusiõgui umi opensa avývape g̃uarã ndaha’eitaha avei rresponsable Tupã rovái.

Hermano ha hermana-kuéra pejehayhuetéva, Tupã ha’e opa añetegua fuente. Jesucristo Tupao Santokuéra Ára Pahapegua oñañuã opa añetegua Tupã ombohasáva Ita’yrakuérape, taha’e ojeikuaáva peteĩ laboratorio científico-pe térã oñemog̃uahẽva rrevelasiõ directa rupi Chugui.

Ko púlpito guie ko ára ha ko’ẽrõ pehendúta gueteri añetegua. Pehaimi umi pensamiento ohenóiva pene atensiõ ha umi oúva pene akãme ha opytáva pene korasõme. Ñembo’épe, pejerure Ñandejárape tokonfirma umi pehenduva’ekue añeteguaha.

Pohayhu che hermano ha hermana-kuéra pejehayhuetéva. Añembo’e ko conferencia ome’ẽ hag̃ua pe festín espiritual pehekáva hína. Jesucristo réra sagrádope, Amén.