Reguerekópa gueteri Volunta?

Peteĩ domingo pyhareve, añembosako’ívo apartisipa hag̃ua Santa Cena-pe heta Conferencia de Estaca asignación rire, peteĩ pensamiento mbarete ha hechapyrãva ohasa che akãre.

Presbítero oñepyrũramo ohovasa pe mbujape, ñe’ẽnguéra heta jey ahendumava’ekue hatã ojopy che akã ha che korasõ. “Otestifika hag̃ua ne renondépe, O Tupã, Túva Ijapyraʼỹva, oñemoĩporãha hikuái omoĩ hag̃ua ijehe nde Raʼy réra, ha imanduʼa hag̃ua hese tapiaite, ha iñeʼẽrendu hag̃ua hembiapoukapykuérare haʼe omeʼẽvaʼekue chupekuéra, oguereko hag̃ua hikuái tapiaite Ijespíritu hendive.”¹ Mboy jey jatestifikáma Tupãme ñaimeporãtaha?

Añepyrũvo ajepy’amongeta umi ñe’ẽ marangatúre, pe ñe’ẽ volunta che impresiona araka’eve ndojapói haguéicha upe mboyve. Peteĩ ysyry experiencia re’ẽ ha imarangatúvagui omyenyhẽ che akã ha che korasõ, mborayhu ha aguyje reheve Salvador sacrificio expiatorio-re, ha Hembiapo oñeikotevẽtereívare Túva plan de redención-pe che familia ha chéve g̃uarã. Upéi, ahendu umi ñe’ẽ hakuáva y rehegua ñembo’épe: “otestifika hag̃ua hikuái ndéve … imandu’aha Hese tapiaite”.² Upérõ aikũmby añongatu che konveniokuéra ha’eveva’erãha volunta reíguinte.

Jepartisipa Santa Cena-gui ndaha’éi peteĩ ritual religioso ñahendunteva’erã ñame’ẽ hag̃ua ñane konsentimiénto reínte. Ha’e mandu’arã ipu’akaitereiha Jesucristo expiasiõ ijapyra’ỹva añetegua, ha ñaikotevẽha ñanemandu’a Hese tapiaite, ha ñañongatu Hembiapoukapykuéra. Volunta ñañe’enfoka hag̃ua Salvador-re iñimportanteite, ha’e peve mba’e mbytegua umi mokõi escritura oje’evéva tupaópe: Ñembo’e Sacramental-kuéra. Ñaikũmby añetegua pe Túva Yvagagua voluntariamente ome’ẽvagui opavave ñandéve Ita’ýra Unihénito rupive, ohenoiva’erã ñane ñeha’ãmbaite tapiaite jaguereko hag̃ua volunta.

Oñemopu’ã atã piko ñane pyenda espiritual Jesucristo-re?

Ñane pyenda espiritual ndaipypukúiramo, ikatu ñamopyenda ñane volunta análisis de costo-beneficio social térã índice de inconveniencia personal ári. Ha ñañuãramo oje’éva Tupao ha’enteha politica social tuja ha oĩvaíva politicamente, jejoko personal añetegua’ỹva, ha ára ñekompromete, ñane conclusión volunta rehegua upéicha avei ojavýta. Nañaha’arõiva’erã pe volunta principio oguereko tendencia positiva umi “influencer” redes sociales-peguándi, ni tekove TikTok-pe osẽva ndive. Yvypóra mbo’epy sa’i oho añetegua divino ndive.

Pe Tupao ha’e tenda oñembyaty hag̃ua tekove iñimperféktova ohayhúva Tupãme, ha oĩva dispuesto oho hag̃ua Ñandejára Jesucristo rapykuéri. Upe volunta hapo pe añeteguápe Jesús ha’eha pe Cristo, Tupã oikovéva Ra’y. Añetegua divino ikatu ojeikuaa Espiritu Santo pu’aka rupivénte. Upevére, ñane disposisiõ mboy árapa jaipuru ñaĩ hag̃ua tenda marangatúpe oĩháme Espíritu Santo influencia, ha’e directamente proporcional.

Jajapo porãne jadedikaverõ tiempo ñañemongeta porã haĝua ñande Ru Yvagagua ñanderayhuetéva ndie umi ñande jepy’apýre ha menove tiempo jahekávo ambue ñe’ẽpukuéra opinión. Avei jaiporavokuaa ñamoambue ñane noticia diaria fuente Cristo ñe’ẽre oĩva Escriturakuéra marangatúpe ha avei umi profeta oikovéva ñe’ẽnguéra profético.

Importancia ñame’ẽva ñande dia de reposo jehechakuaa, diezmo ñehepyme’ẽ, templo recomendación oikóva jeguereko, templo-pe jeho ha ñambotuicha ñane templo konveniokuéra ha’e ñane volunta indikador ipu’akapáva, ha ohechauka ñane kompromíso. Jaguerekópa volunta jajapove hag̃ua ñeha’ã hypy’ỹva reíntegui ñamombarete hag̃ua ñande jerovia Cristo-re?

Túva Yvagagua ñande rayhu porãmbaite, katu mborayhúre heta mba’e oñeha’arõ avei ñandehegui. Ha’e oha’arõ ñane voluntáre ñamoĩ Salvador-pe ñande rekove mbytetépe. Pe Salvador ha’e ñane volunta techapyrã iporãvéva, ñeñapytĩmbýgui Túvare opa mba’épe. Ha’e “pe tape, pe añetegua ha pe tekove”.³ Ha’e oĩkuri dispuesto oexpiávo ñane angaipakuéra. Ha’e, volunta reheve ombovevýi ñane mba’epohyikuéra, omomichĩ ñande kyhyje, ome’ẽ mbarete, ha ogueru ñane korasõme py’aguapy ha ñeikũmby jehasa’asy ha vy’a’ỹ árape.

Jepe, jeroviareko Jesucristo-re ha’e peteĩ jeiporavo. “[Jaipotánte] jepe jeguerovia” ⁴ Iñe’ẽnguérare, jaguerekóma tenda ñañepyrũ térã ñamoñepyrũjey hag̃ua ñande jerovia rape. Iñe’ẽnguéra, oñeñotỹramo ñane korasõme yvara’ỹicha ha oñeñangarekóramo ñangareko porã reheve, hapóta, ha ñande jerovia heñóita ha’e peve segurida, ha oikóta chugui apo ha pu’aka principio. Pe Mormón Kuatiañe’ẽ ha’e ñande recurso ipu’akavéva omongakuaa ha orrestaura hag̃ua jerovia. Volunta ha’e jerovia momyiha.

Yvy ári jeiko, designio divino rupi, hasy ha sapy’ánte ikatu hasyeterei. Jepeve, “[ñande] jaikove [ja]guereko hag̃ua vy’apavẽ”!⁵ Ñamañaite Ñandejárare ha ñane konveniokuérare ogueru vy’a puku! Yvy ári jeiko ojejapo ojeprova hag̃ua ñane volunta. “Tekove rembiaporã tuichavéva ha discipulado repykue, ha’e ñañemoarandu Ñandejára voluntápe, ha upéi jajapóvo upéva.”⁶ Discipulado añetegua ogueru vy’a henyhẽva. Jaguerekópa volunta jahepyme’ẽ hag̃ua discipulado repykue?

Konveniokuéra rape ndaha’éi peteĩ lista ñamarka reínteva; ha’e upe reñói espiritual proceso, ha compromiso Ñandejára Jesucristo-re oñembopypukúva. Opa tembiapoukapy, principio, convenio ha ordenanza oñeme’ẽ omombarete hag̃ua jerovia ha confianza Cristo-re Ñande jeiporavo ñamoĩ hag̃ua Cristo-pe ñande rekove mbytetépe, upéicharõ, ikonsistenteva’erã—ndikatúi ha’e kondisional, situacional térã hypy’ỹva. Ndaikatúi ñanevakasiõ térã tiempo personal volunta jaguerekóvagui “ñañembo’y hag̃uã Tupã testígoramo opa ára ha opa mba’e ha opa tendápe.”⁷ Discipulado ha’e mba’e hepýva, Espiritu Santo-ndi ñeĩ ha’e haguére mba’e hepyetereivéva.

Katuete, Ñandejára opensahína kuri ñande árare ombo’évoguare umi diez virgen parábola. Cinco ijapyteguikuéra Ha’e he’i: “oiporavo Espíritu Santo isãmbyhyháraramo, ha noñombotavýi,”⁸umi yvýrava lampĩu “ogue aja” oguereko’ỹre aceite.⁹ Ikatu Nefi ñe’ẽnguéra ohechauka porãve ko’ã peteĩ ára ha’eva’ekuépe Tupao miembro ijeroviarekóva: “Ha ambuévape katu ombopyʼaguapýta, ha omongéta tete jeroviápe, ha péicha heʼíta hikuái: Opa mbaʼe oĩporã Sión-pe.”¹⁰

Tete jerovia ha’e jeheka ha jejerovia múndo mba’ére Cristo mba’e ranguére–ambue ñe’ẽme, ha’e ñemaña lente secular rupive lente espiritual rupive ranguére. Espiritu Santo ome’ẽ ñandéve kapasida jahecha hag̃ua “umi mba’e ha’eháicha añetépe, … ha ha’etaháicha añetépe.”¹¹ “Espiritu Santo pu’aka rupivénte [ikatu] jaikuaa añetegua opa mba’égui”¹² ani hag̃ua ñañembotavy. Ñamoĩ Cristo-pe ñande rekove mbytetépe ha ñapromete ñane volunta ñaneñe’ẽrendu hag̃ua Hembiapoukapykuérare, ndaha’éi ndajahecháigui, katu jahecha sakãgui.¹³

Mba’e ojehu umi virgen ivýravape? Mba’ére ndorekói hikuái volunta ogueraha hag̃ua peteĩ aceite espiritual ryru? Ohejánte piko hikuái upéva aravo paharã? Ha’ekuéra ikatúnte ikasual’eterei ha’e haguére mba’e iñinkonveniénteva térã ha’etéva noñeikotevẽmo’ãitava. Taha’e ha’éva imotívo, oñembotavy chupekuéra Cristo rembiapo iñimportantetereívape. Kóva ha’e Satana porombotavy tuichavéva ha mba’ére itestimónio lampĩunguéra ogue sapy’a ndoguerekói haguére aceite espiritual. Ko parábola ha’e peteĩ ñemoha’anga ñande árape ĝuarã. Heta oĩ ohejáva Salvador ha ikonveniokuéra are oheja mboyve Itupao.

Jaiko ára ijojaha’ỹvape are ojeprofetisávare profeta ymaguare rupive, peteĩ ára Satana omoñekoʼõitaha “yvypóra raʼykuéra korasõ, ha ombopochýta chupekuéra umi mbaʼe iporãva rehe.”¹⁴ Hetaiterei ñande apytépe oiko peteĩ mundo virtual-pe, henyhẽva entretenimiento ha mensajekuéragui orãirõva identida divina ha jerovia Jesucristo-re.

Influencia espiritual ipu’akavéva mitã rekovépe ha’e túva ha abuelo-kuéra jeroviarekóre oñongatúva ikonveniokuéra techapyrã jejoheipyre. Tuvakuéra ajeve ombo’éva jerovia Ñandejára Jesucristo-re ita’yrakuérape, “oikuaa hag̃ua avei moõpa ohekavaʼerã hikuái iñangaipa jora.”¹⁵ Kasual ha inkonsistente konvénio ñeñongatu ogueraha ñemano espiritual-pe. Pe ñembyai espiritual py’ỹi tuichave ñande ra’y ha nieto-kuérape ĝuarã. Tuvakuéra ha abuelo-kuéra, jaguerekópa gueteri volunta?

Presidente Nelson omomarandu: “ …umi ára oúvape, ndaikatumo’ãi jasobrevivi espiritualmente Espiritu Santo influencia guiadora, orientadora, consoladora ha constante’ỹre.”¹⁶ Kóva ha’e aviso hesakãva ha ojejavykuaa’ỹva ñambosako’i hag̃ua ñane lampĩu ha ñambotuicha ñande reserva de aceite espiritual. Jaguerekópa gueteri volunta jaha hag̃uáicha profeta-kuéra oikovéva rapykuéri? Mba’e nivel-pe oĩ pende aceite espiritual pene lámpara-pe? Mba’eichagua ñemoambuépa pende vida personal-pe ohejáta peguerekove mante Espíritu Santo influencia.

Ko árape, Jesús arapeguáicha, oĩta umi ojevýtava, oguereko’ỹvo volunta omboaje hag̃ua discipulado repykue. Critica vai ha pochy reheve oĩ hetavévo Salvador Tupaóre ha ohóvare Hapykuéri, ñande discipulado oikotevẽta volunta tuichavéva omoĩporã ha omombarete hag̃ua ñane espináso espiritual ani hag̃ua ñapena hesekuéra.¹⁷

Ñane pyenda espiritual oñemopu’ã atãrõ Jesucristo-re, ndaja’amo’ãi ha natekotevẽi jakyhyje.

“Péina ápe, Ñandejára ojerure korasõ, ha peteĩ akã ikyreʼỹva; ha umi ipyʼaporãva ha iñeʼẽrendúva hoʼúta mbaʼeporã osẽva Sión retãgui koʼã ára pahápe.”¹⁸

Akói tajaguereko volunta. Jesucristo réra marangatúpe. Amen.