Doctrina Pertenencia rehegua
Pertenencia doctrina ha’e kóva peteĩteĩ ñandeve ĝuarã: Che ha’e peteĩnte Cristo ndive pe evanhélio konvéniope.
Añe’ẽsemi pe che ahenóivagui Jesucristo Tupao Santokuéra Ára Pahapegua doctrina pertenencia reheguáva rehe. Ko doctrina oreko mbohapy pehẽngue: (1) pe pertenencia función Ñandejára tavayguakuéra konveniogua ñembyatýpe, (2) Importancia orekóva servicio ha sacrificio pertenencia-pe, ha (3) Jesucristo centralidad upe pertenencia-rã.
Iñepyrũme Jesucristo Tupao Santokuéra Ára Pahapegua oñekomponékuri hetave umi norteamericano morotĩ ha Europa nortepegua santokuéragui, pokã América-gua nativokuéra, afroamericano ha umi Isla del Pacifico-gua reheve. Ko’ág̃a, ocho áño rire pe ifundación 200 aniversario-gui, pe Tupao okakuaa hetaiterei número ha diversidad-pe Norteamérica-pe, ha hetave katu ko mundo jerére.
Pe ymaiteguive ojeprofetisava’ekue Ñandejára tavayguakuéra konveniogua ñembyaty ohupytývo hu’ã, ko Tupao añetehápe oĩta compuesto miembro-kuéra opa tetã, tribu, lengua ha tavayguakuéragui.1 Kóva ndaha’éi peteĩ diversidad ojekalkula térã oñemyañáva, ha katu peteĩ fenómeno natural ñaha’arõva, jahechakuaávo pe evanhélio red oporombyatyha opa tetã ha tavakuéragui.
Jajehovasaitépa ñande jahechávo pe ára Sión oñemoĩha hína oñondivete káda continente-pe ha umi ñande róga jerérepe. Proféta José Smith he’i haguéicha, Tupã tavayguakuéra opa aragua oha’arõ’asýkuri vy’apavẽ reheve ko ára, ha “ñande hína pe tavayguakuéra jehovasapyre Tupã oiporavova’ekue ogueru hag̃ua umi Ára Pahapegua gloria.”2
Oñeme’ẽvo ñandéve ko provilegio, ndaikatúi ñapermiti mba’evéichagua racismo, prejuicio tribu rehegua térã ambue ñemboja’o Cristo Tupao ára pahapeguápe. Ñandejára omanda ñandéve: “Peñemopeteĩke; ha napeñemopeteĩriramo, ndaha’éi chemba’e.”3 Kyre’ỹme jahapo’ova’erã prejuicio ha discriminación ñande tupao, ogakuéra ha, imba’eguasuvéva, ñane korasõgui. Ñande Tupao población idiversove okakuaávo, ñane ñemog̃uahẽporãite okakuaaveva’erã avei ijehegui rei ha kyrỹime. Ñaikotevẽ ojuehe.4
Pablo, ijespístola peteĩha Corintio-kuérape, omomarandu opavave oñemongaraíva Tupaópe peteĩha Cristo retépe:
“Pe tete peteĩháicha, ha oguereko heta miembro, ha opa miembro-kuéra pe tete rehegua, hetarõ jepe, ha’e peteĩ tete: upéicha avei Cristo.
“Peteĩ Espíritu año rupi ñañemongaraiva’ekue peteĩ tetéramo, taha’e Judio térã Gentil, tembiguái térã tembiguai’ỹva; ha oñeme’ẽ opa ñandéve jay’u hag̃ua upe peteĩ Espíritugui. …
“… Ani hag̃ua oĩ joaju’ỹ ñande retépe; ha katu opavave hesegua ojepy’apy hag̃ua ojuehe.
“Ha péicha, peteĩ miembro ohasa’asýrõ, opa miembro ohasa’asy hendive; ha peteĩ miembro ohupytýramo teraguasu, mayma miembro ovy’a hendive.”5
Pe pertenencia ñeñandu iñimportante ñane ñeimeporãrã físico, mental ha espiritual. Upevére ikatu sapy’ánte ñañandu nañandejaiha. Umi ñembyasy árape, ikatu ñañandu araka’eve ndajahupytymo’ãiha umi Ñandejára norma yvatekue, ni ambuekuéra oha’arõva ñandehegui.6 Jahechakuaa’ỹre, ikatu ñamoĩ ambuekuéra ári, ha jepe ñande’ári, umi expectativa ndaha’éiva Ñandejára expectativa. Ikatu ja’e vevuimi peteĩ ánga repykue odependeha umi mba’e ohupytýva térã illamamientokuéragui, ha katu umíva ndaha’éi ñane medida Ñandejára resa renondépe. “Jehová oma’ẽ pe korasõre.”7 Ha’e ojepy’apy umi ñande potapy ha umi ñaha’arõvare, ha mba’épa oikohína ñandehegui.8
Hermana Jodi King ohaíkuri hembiasakuégui umi ary ohasava’ekuépe:
“Nañandui’akue araka’eve naperteneseiha tupaópe, che ména Caámeron ha che roñepyrũ meve roñorairõ problema de infertilidad reheve. Umi mitã ha familiakuéra chembovy’áva jepi ahechárõ tupaópe ko’ág̃a chemombyasy.
“Añeñandu estéril peteĩ mitã’ỹre che jyva ári térã peteĩ pañal vosa che pópe. …
“ Pe domingo ivaivéva ningo ore peteĩha ára peteĩ barrio pyahúpe. Ndoroguerekóigui mitã, py’ỹi oñeporandu oréve romenda ramópa ha araka’épa roñepyrũta ore familia. Ajepokuaámakuri ambohováivo umi porandu aheja’ỹre opoko cherehe, aikuaágui ndaha’eiha ñañágui.
“Upevére, ko domingo particular-pe, ambohovái umi porandu hasyvékuri. Roikuaa ramoitégui, roha’arõite rire, ndacheryeguasui jeyhague.
“Aike reunión sacramental-pe añeñandu’ívo, ha ambohovái umi porandu “jajokuaa hag̃ua” hasy chéve. …
“Ha katu niko Escuela dominical-pe ojekahague che korasõ. Pe mbo’epy—oñe’ẽva’erã sykuéra función divína rehe—pya’ete oñemoambue ha oiko chugui peteĩ sesiõ ojeplagea hag̃ua. Che korasõ hasy ha tesay okorre che rováre ahendúvo umi kuña ojekehávo peteĩ jehovaságui che ame’ẽne oimeraẽ mba’e areko hag̃ua.
“Asẽ tupaógui. Iñepyrũrã, ndahasevéi. Nañeñanduséi jey cheaño. Ha katu upe pyhare, añe’ẽ rire che ména ndie, mokõivéva roikuaa rohomemeva’erãha tupaópe, ndaha’éi Ñandejára ojerure haguérente, ha katu avei roikuaágui pe vy’a oúva ñambopyahúvo ñane konveniokuéra ha ñañandúvo pe Espíritu tupaópe ombohasapa upe ñembyasy añanduva’ekue upe ára. …
“Tupaópe oĩ umi miembro viudo, divorciado ha omenda’ỹva; umi orekóva familia oñemomombyryva’ekue evanhéliogui; hénte hasykatuvaíva térã orekóva dificultades económicas; umi miembro ogustávape isexogua; miembrokuéra oñeha’ãva hína ogueropu’aka umi adicción térã dudakuéra, umi converso pyahu; umi ova ramóva; umi ndorekovéimava mitã hógape; ha pe lista okontinuakuaa. …
“Pe Salvador ñaneinvita jaju hag̃ua Hendápe, taha’e ha’éva umi ñane circunstancia. Jaha tupaópe ñambopyahu hag̃ua ñane konveniokuéra, okakuaa hag̃ua ñande jerovia, jahupyty hag̃ua py’aguapy, ha jajapo hag̃ua pe Ha’e ojapo porãiteva’ekue Hekovépe: ñaministra umi oñandúvape noperteneseiha.”9
Pablo omohesakã pe Tupao ha ijofisialkuéra oñehenói Tupã rupi “omomarangatu hag̃ua santokuérape, omba’apo hag̃ua pe ministerio-pe, omombarete hag̃ua Cristo rete:
“Jajoajupa peve peteĩcha ñande jeroviápe ha Tupã Ra’y jeikuaápe, peteĩ kuimba’e perfecto-pe, jahupyty peve Cristo tuichakue.”10
Ha’e peteĩ triste ironía ningo upéicha, oĩ vove pe máva oñandúva ndohupytyiha pe ideal opa mba’épe hekovépe, ha upévare oimo’ã noperteneseiha upe organización-pe Tupãvoi odiseñava’ekue ñanepytyvõ hag̃ua jaguatávo upe ideal gotyo.
Jahejána pe huísio Ñandejára ha umi Ha’e okomisionava’ekue pópe, ha javy’a jajoayhúvo ha jajotratávo ojupe ikatu porãveháicha. Jajeruréna Chupe tohechauka ñandéve pe tape, ára ha ára, “jagueru hag̃ua … imboriahúva, ha umi oĩmba’ỹva, ha umi iñepãva ha umi ohecha’ỹvape”11—peva he’ise, opavavépe—Ñandejára karuguasúpe.
Mokõiha pe doctrina pertenencia rehegua rova niko umi ñane contribución propia. Jepe napy’ỹi jajepy’amongeta upévare, tuicha ñane pertenencia remiandu ou umi ñande servicio ha sacrificio-gui jajapóva ambuekuéra ha Ñandejárare. Ñañenfoka memérõ ñane remikotevẽ personal térã ñane ñeimeporãrãre ikatu ombyai pe sentido de pertenencia.
Ñañeha’ã jasegi hag̃ua pe Salvador doctrina:
“Oimeraẽva oñembotuichaséva pende apytépe ha’éta pende serviha. …
“Pe Kuimba’e Ra’y ndoúiguikuri oñeministra haĝua chupe, ha katu oministra hag̃ua, ha ome’ẽ hag̃ua hekove rreskáte ramo hetáre.”12
Pe pertenencia ndoúi ñaha’ãrõvo, ha katu jaipysóvo ñande po ñañopytyvõ hag̃ua.
Ko árape, lamentablemente, reñeme’ẽ peteĩ káusape térã resacrifika oimeraẽ mba’e ambuévare ha’e contra-cultural. Peteĩ obra, revista Deseret-rã ko ary pahápe, autor Rod Dreher omombe’u peteĩ ñemongeta peteĩ sy pyahu ndie Budapest-pe:
“Aĩ peteĩ Budapest-gua metro-pe peteĩ … angirũ ndie orekóva 30 áño rupi—ñahenói chupe Kristina—roho aja roñemongeta hag̃ua peteĩ kuñakarai (cristiana) ika’arúmava ndive, iména omanova’ekue reheve ogueropu’akava’ekue pe estado comunista ñemuña. Roguata aja pe táva rapekuérare, Kristina omombe’u mba’éichapa hasy isincera hag̃ua angirũnguéra hi’edaguáva ndive oñe’ẽvo umi jehasa’asýgui ombohovakéva tembireko ha mitã michĩkuéra sýicha.
“Kristina jehasa’asykuéra ikomún peteĩ mitãkuñame g̃uarã oñemoarandúva hína ha’e hag̃ua sy ha tembireko, ha katu pe ihenerasiõgua actitud imbaretevéva ohecha umi jehasa’asy peteĩ amenaza-ramo iñeimeporãrã , ha oñembotoveva’erãha. ¿Ha’e ha iménapa ojodiskuti jepi? Upéicharõ ha’e ohejava’erã chupe, he’i hikuái. ¿Imembykuérapa omolesta chupe? Upéicharõ omondova’erã chupekuéra guardería-pe.
“Kristina ojepy’apy iñangirũnguéra ndohechakuaaiha umi prueba, ha jepe umi jehasa’asy niko parte normal ko tekove rehegua, ha jepe peteĩ tekove porã rehegua, upe jehasa’asy ñanembo’érõ ñanepasiente, ñandepy’aporã ha japohayhu hag̃ua. …
“… Christian Smith, peteĩ sociólogo de religión Notre Dame Universidad-pe, otopa ijestúdiope, ojapóva umi adulto 18 a 23 áño apytépe, hetave umíva oimo’ãva sociedad ha’eha peteĩ ‘individuokuéra aty oĩva oguerovy’a hag̃ua hekove.’”13
Ko filosofía guýpe, oimeraẽ mba’e hasýva “ha’e peteĩ forma de opresión.”14
Ambuéicha katu, ñane pionerokuéra orekókuri peteĩ sentido de pertenencia, joaju, ha Cristo-re jerovia pypuku oúva umi sacrificio rupive ojapova’ekue hikuái oservi hag̃ua misiõnguéra, omopu’ã umi templo, oheja hogakuéra ñeimeporã amenása guýpe ha oñepyrũ jey, ha heta ambue manera oñekonsagra hag̃ua ijupe ha imba’ekuéra Sión káusape. Ha’ekuéra oĩkuri dispuesto osacrifikávo hekove jepe oñeikotevẽrõ. Ha opavave ñande niko iperseverancia beneficiario. Upeichaite avei oiko hetápe ko’ág̃agua operdéva familia ha angirũnguéra, oportunidad omba’apo hag̃ua térã ohasa ambuéichagua discriminación térã abuso oñemongarai haguére tupaópe. Upevére, irrekompensa niko peteĩ sentido de pertencia mbarete konveniogua tavayguakuéra apytépe. Oimeraẽ sacrificio jajapóva Ñandejára káusape oipytyvõ ñakonfirma hag̃ua ñane renda upe Máva ndive ome’ẽva’ekue Hekove orreskata hag̃ua hetápe.
Pe elemento paha ha iñimportantevéva pertenencia rehegua doctrina-pe ha’e Jesucristo función central. Ndajaikéi pe tupaópe ñande’aty hag̃uánte hermano-kuéra ndive, iñimportanterõ jepe upéva. Jajoaju tupaópe jahekávo pe rredensiõ oúva Jesucristo mborayhu ha grásia rupive. Jajoaju ja’asegura hag̃ua umi ordenanza salvasiõ ha exaltasiõrã ñandéve ĝuarã ha umi jahayhúvape g̃uarã mokõive velo lado-pe. Jajoaju japartisipa hag̃ua peteĩ proyecto guasúpe ñamopu’ã hag̃ua Sión ñañembosako’ívo Ñandejára jejujeyrã.
Tupao okonserva umi konvénio salvasiõ ha exaltasiõrã Tupã ome’ẽva ñandéve santo sacerdocio ordenansakuéra rupive.15 Ñañongatúvo ko’ã konveniokuéra jahupyty pe ijyvateve ha ipypukuvéva sentido de pertenencia. Presidente Russell M. Nelson ramoite ohai:
“Peẽ ha che jajapo rire peteĩ konvénio Tupã ndive, ñandejoaju Hendive iñag̃uieteve pe ñane kovénio mboyvégui. Ko’ág̃a jajoaju oñondive. Ñane konvénio rupi Tupã ndie, Ha’e araka’eve ndohejamo’ãi Iñeha’ã ñanepytyvõ hag̃ua ha araka’eve ndopamo’ãi I-misericordiosa paciencia ñandéve g̃uarã. Peteĩ teĩ ñande jareko peteĩ tenda especial Tupã korasõme. …
“… Jesucristo niko umi konvénio garante. (tojehecha Hebreos 7:22; 8:6).”16
Ñanemandu’árõ kóva, umi tuicha esperanza Ñandejára orekóva ñandéve g̃uarã ñanemokyre’ỹta ñanemokangy rangue.
Ñañandukuaa vy’apavẽ jahekárõ individual ha comunitariamente, “pe Cristo plenitud estatura medida.”17 Upéva peteĩ jeheka tuicháva, oĩrõ jepe tapére umi desilución ha contratiempo. Ñañemopu’ã ha ñañemokyre’ỹ ojupe jasegi hag̃ua pe tape yvate gotyo, jaikuaávo oimporta’ỹre umi jehasa’asy ni umi jehovasa prometido nog̃uahẽirõ gueteri, ñande “jarekokuaa buen ánimo; [Cristo] ovense haguére ko múndo,”18ha ñande ñaime Hendive. Ha’évo peteĩnte pe Túva, Ta’ýra ha Espiritu Santo ndive niko pertenencia tuichaitevéva.19
Upévare, pe pertenencia doctrina ha’e kóva, peteĩteĩ ñande ja’ekuaaha: Jesucristo omano cherehe; Ha’e chekonsidera digno Huguýgui. Ha’e cherayhu ha ojapokuaa opaite diferencia che rekovépe. Añearrepentirõ Igrásia chemoambuéta. Che peteĩnte Hendive pe evanhélio konvéniope; Che apertenese Itupao ha Irréinope; ha apertenese Ikáusape ogueru hag̃ua rredensiõ opaite Tupã ta’yrakuérape.
Atestifika peẽ peperteneseha, Jesucristo rérape, amén.