“O Lo’u Fale o le Fale Faatulagaina Tonu”

Aveese le itulau U4 mai le mekasini, ma faapipii i se pepa malo. Oti ese fasipaso. Faitau le Mataupu Faavae ma Feagaiga e 88:119, ona tuufaatasi lea o le paso i le faasologa sao o upu, ma faafetaui fuaiupu. A uma ona fai le paso, ia fai le mau mo ni nai taimi ma taumafai e taulotoina.

Mafaufau i ni mea e mafai ona e faia e fesoasoani ai i lou aiga ia maua se fale e pei ona finagalo le Tama Faalelagi e te mauaina—o se fale e mafai ona e lagonaina ai le alofa ma le filemu, o se fale e mafai ona e lagonaina ai Lona Agaga.

Ia outou faatulagaina;

ia saunia mea tatau uma;

ma faatulagaina se fale,

o se fale tatalo lea,

o se fale o le anapogi,

o se fale o le faatuatua,

o se fale o le aoaoga,

o se fale o le mamalu,

o se fale o le tulaga maopoopo atoatoa,

o se fale o le Atua.

1. Tofi se taitai o le Peraimeri e faamatala e uiga i se taimi sa ia usiusitai ai i ona matua. Tuu atu ia te ia e fetufaai atu taunuuga [o lona usiusitai]. Tuu atu i tamaiti e sue le mau Kolose 3:20. Faamalamalama atu o lenei fuaiupu na tusia e Paulo, o le sa avea ma se Aposetolo a Iesu Keriso. A o lei faitauina faatasi le fuaiupu, fai atu i tamaiti e vaaivaai mo tali i fesili nei: O ai o loo fai i ai Paulo? O le a le mea na tau atu e Paulo ia latou faia? Faitau le mau, ma fesili atu mo ni tali. Ona fesili atu lea: O a nisi o auala ua fesoasoani ai le usiusitai i ou matua ia te oe e te tumau saogalemu ai pe na fesoasoani foi ia te oe e te filifilia ai le mea tonu? Togi atu se tagapi i nisi o tamaiti, ma fai atu ia i latou e ta’u mai se mea se tasi e fai atu o latou matua latou te faia, e mafai ona latou usitaia. Molimau atu i le taua o le usiusitai i matua.

2. Pese aoaoina: “O Lo’u Aiga Faavavau” (2009 Otootoga mo le Taimi o Fetufaaiga ma le Polokalama a Tamaiti i le Sauniga Faamanatuga). Fai i tamaiti e faalogologo i le musika mo ni nai taimi. Ona toe tata lea o le musika, ma fai atu i tamaiti e tata le pao o nota e ala i le tataina lemu o le moto o le isi lima i le alofilima o le isi lima e faatusa i le samala a se kamuta. Sue ni ata e faatusa i ai upu autu o le fuaiupu muamua (tagai Peraimeri 1 taga ata). Faapipii pe kelu ia ata taitasi i luga o se atigipusa. Tusi le upu autu i le itu faafeagai o le atigipusa. Aoao muamua le pese e ala i le faaali atu o upu autu. A maua loa e tamaiti se fuaitau, ona faatutu lea o le atigipusa e pei o loo e fausia se fale i ni poloka. A mafai ona usu e tamaiti le fuaiupu atoa seia oo i le faaiuga e faaaoga ai upu autu, ona laina lea o atigipusa i soo se faasologa e faau i luma ata. Usu ia fuaitau taitasi, ma tuu atu i tamaiti e filifili se ata latou te manatu e fetaui ma le fuaitau. Afai e fetaui, ona tuu atu lea i se tamaitiiti e tuu le atigipusa i se tulaga e fausia ai se fale ia iloa atu lava le itu o loo i ai le ata. Soo se taimi lava e usu ai e tamaiti ia upu “o au o se faufale,” fai atu i ai e tata a latou moto e faafetaui ma le pao o le pese.

   Aoao atu le fuaiupu lona lua i le otiotiina o se ata o se aiga i ni fasipaso. I le pito i tua o fasiata taitasi, tusi ai se upu autu mai fuaitau taitasi o le fauiupu lona lua. Aoao atu le fuaitau i le faaaogaina lea o le upu autu. A maua loa e tamaiti lea fuaitau, ona faapipii lea o le fasipaso i luga o le laupapa, ia faaali mai i luma le pito o loo i ai le ata. Toe fai mo fasipaso taitasi seia oo ina uma le paso o le aiga. Aoao atu le tali.