Manatu mo Afiafi Faaleaiga

O nei fautuaga faaleaoaoga e mafai ona faaaoga i potuaoga faapea foi i le aiga. E mafai ona e fetuunaia nei manatu i lou aiga po o le vasega.

“O Le Natura Faaselesitila o le Faalagolago o le Tagata ia te Ia Lava,” i. 15: Ia faamatala atu le tala a Peresitene Marion G. Romney e uiga i gogosina faaseegofie. Aisea na le mafai ai ona maua ni a latou ia? Faamalamalama le upu faalagolago o le tagata ia te ia lava, ma ia talanoaina ni auala e mafai ai e lou aiga ona sili atu le faalagolago o le tagata ia te ia lava. Faitau ia parakalafa mulimuli e lua o le tusiga. Fai se sini e fesoasoani atu i se tuaoi, e faaaoga ai itu e malolosi ai lou aiga.

“Savavali i le Faatuatua, Ae Le o le Tino Mai o Mea,” i. 22: Fusi mata o tagata eseese o le aiga, ma tuu atu ia i latou ni aitema laiti e tau mai poo a ia aitema. Ia talanoaina auala na latou iloa ia aitema. Faitau e uiga ia Tuafafine Daggi, ma ia talanoaina le uiga o le savavali i le faatuatua, ae le o le tino mai o Mea.

“Aisea Tatou te Papatiso ai mo e ua Maliliu?” i. 32: Amata le lesona i le faitauina o le parakalafa muamua o le tusiga. Ia faitau faatasi ma tagata o le aiga ia mau o loo taua mai i le tusiga. Ia talanoaina le uiga o mau taitasi ma le ala e faatatau ai i le papatisoga mo e ua maliliu. Ia faaiu i le faatinoina o le auala e faasoa atu ai mataupu o loo aoaoina i le tusiga i uo ma aiga.

“Saili ma Laveai,” i. 38: Ia faasoa atu le tusiga i lou aiga. Ia fatufatu lau oe lava komiti mo faalavelave faafuasei i totonu o lou aiga; tuu atu i tagata taitoatasi o le aiga se tiute. Ia talanoaina ni tulaga faafuasei tou te ono feagai. Fuafua le mea e mafai ona tou faia e fesoasoani ai e puipuia pe saunia ai mo nei tulaga. Fai se sini ina ia faatumauina se fuafuaga mo faalavelave faafuasei ma faataitai le faaaogaina.

“Tu Atu mo Kalepo,” i. U8: Ia valaaulia tagata uma e faamatala atu se mea lelei e uiga i tagata taitoatasi o le aiga. Faamatala atu le tala ia Kalepo. Talanoa e uiga i amioga a Luka ma le mea na tupu ona o lona lototele. Ia valaaulia tagata o le aiga e faamatala mai se taimi sa latou tutu atu ai pe na tu atu ai foi se isi latou te iloa mo se isi tagata. Fai se sini ina ia tutu atu mo isi.