Tusi Talafaamaumau o Tusitusiga Paia

Fai pe faatau se api e le itiiti ifo ma le 12 ni laupepa o i ai. O lomiga o le Liahona i lenei tausaga o le a i ai se mau ma ni gaoioiga mo oe e fai i lau tusi talafaamaumau o tusitusiga paia. Afai e te manaomia se fesoasoani i le faitauina, tusiina, po o le malamalama i le mau po o le gaoioiga, e mafai ona e fesili i matua, ou tei matutua, uo, po o faiaoga o le Peraimeri mo se fesoasoani.

Faitau le mataupu faavae o le faatuatua muamua. E mafai ona e mauaina i le Penina Tau Tele.

Tatalo ina ia iloa e moni lenei mataupu faavae o le faatuatua. Aioi atu ina ia lagona le alofa o le Tama Faalelagi ma Lona Alo o Iesu Keriso. O lenei alofa ua ta’ua o le alofa moni.

Tauloto le mataupu faavae o le faatuatua.

Filifili se tasi o nei gaoioiga, po o le fai o sau lava gaoioiga:

• Fesoasoani atu i se isi e aoaoina lenei mau.

• Tatalo ina ia lagonaina e se isi tagata le alofa o le Atua.

• Pe afai tatou te lagonaina le alofa o le Tama Faalelagi ma Iesu Keriso, ua tatou talitonu ia i Laua. Tatou te talitonu o tatou o fanau a le Atua. Tatou te faaali atu lo tatou talitonu o Ia o lo tatou Tama Faalelagi e ala i le faafetai atu ia te Ia mo o tatou faamanuiaga. A e vaai i lau pepa e tautau i le au o le faitotoa (vaai le itulau e 67), mafaufau i faamanuiaga na e maua i lena aso.

E faapefea ona fesoasoani ia te oe le mea na e faia ina ia e malamalama ai i lenei mau?Tusi i lau api o talaaga mea na e faia, pe tusi se ata o ou lagona i le iloaina lea e alofa le Tama Faalelagi ma Iesu ia te oe.

Tipi ese le pepa e tautau i le au o le faitotoa o loo i lalo. Gagau le pepa e tautau i le au o le faitotoa i laina motumotu. Mafaufau i faamanuiaga ua tuuina atu e le Tama Faalelagi ia te oe, ma tusi nisi o na faamanuiaga i le lisi. Faatautau le pepa mo le au o le faitotoa i se mea e te vaai soo i ai.