O Se Afiafi Faaleaiga e Manatuaina Pea

O se tasi o a matou afiafi faaleaiga i tausaga ua alu sa amata ia matou pesepesega, “Ua tafa mai ata o le aso, ua ala mai i luga le lalolagi” (“Ua Tafa mai Ata o le Aso,” Hymns, no. 52). Ina ua ma fesiliga taitasi le ma fanau toalima e ta’u mai se gaoioiga e mafai ona matou faia i lena vaiaso, na fai mai ma le faanoanoa ia Fernando e lima tausaga le matua, “Ou te fia vaai pe faapefea le tafa mai o ata o se aso ma le ala mai i luga le lalolagi.” Sa ma taumafai pea lava pea e faamatala atu ia te ia mea uma o le a tupu: le oso ae i luga o le la, o le agi malu o le sau i le taeao, ma le susū o le sau i luga o le laueleele. Peitai na te lei fia taliaina. “Ou te fia vaai lava i ai,” na ia toe fai mai ai.

I lena la Aso Tofi i le 4:00 i le vaveao, sa matou nonofo i luga, feosofi i la matou taavale, ma agai atu loa i le nofoaga e i ai se vaaiga manino o le itulagi i sasae. O le oso ae o le la i lena aso na foliga mai na sau lava mai le lagi. O lio lanu sasama na suia i se lanu piniki malosi iila ae ua amata ona iloa atu le tavi’o lapotopoto maoae o le la. E matua matagofie lava.

I le tolusefulu tausaga mulimuli ane, na asiasi mai ai ia ma’ua ia Fernandito o le atalii laitiiti o Fernando. “E te iloa oe, Tinamatua?” na ia fai mai ai: “Na ave i matou e Papa e vaai i le oso ae o le la.”