Faamatalaga

O le tusiga a Elder Joseph B. Wirthlin o le, “Ia Tuu Po o le A Lava se Mea e Tupu, Ia Fiafia Pea,” ia Novema 2008 Liahona (i. 26), na aumaia ai se fesoasoani faaleagaga i lo ma afafine, o le na feagai talu ai nei ma tofotofoga faigata. I le taimi o lona maitaga, na ta’u atu ai ia te ia e le fomai se vaaiga e lē logolelei—o le a lē ola le tama a la ma tama.

O tatalo faaleaiga ma faaletagata lava ia i aso uma faatasi ma lena tusiga na aumaia ia i matou le faamoemoe, ma na tupu ai se vavega i lo matou aiga: na fanau mai le tama tama a la ma tama. Sa tatau ona nofo o ia i le falemai mo se taimi, ae ina ua mavae se masina na lē faamaonia e fomai le suesuega muamua.

Matou te iloa o loo soifua lo tatou Tama Faalelagi e faapea foi lo tatou Faaola ma le Togiola, o Iesu Keriso. E moni le Toetu ma le ola e faavavau faatasi ma le Tama Faalelagi.

O Gennadji ma Tatjana Mitchenko, o Rusia

I se tasi aso na ou malo ai i se pepa mo se taaloga soka lea e faia i le Aso Sa. Sa ou valaau i lo’u toalua ma fesili i ai pe ma te o i le taaloga. Nai lo le tali mai, na ia faapea mai, “A e taunuu i le fale, faitau le Liahona.”

Ina ua ou taunuu i le fale na ou faitau ai i se tamaitai talavou mai Pasila lea na le auai i le taaloga mulimuli o le Ipu o le Lalolagi i Faraniona sa faia i le Aso Sa (tagai Suzana Alves de Melo, “Misia o le Ipu o le Lalolagi,” Liahona, Iuni 2007, 37). Sa ou lagona e pei o loo ta’u mai e le Tama Faalelagi ia te au, “Ou te iloa e te fiafia i le soka, ae o le Aso Sa o lo’u aso lea. Aua e te alu.” Ou te lei alu i le taaloga. Talu mai lena mea sa ou faaauau pea ona faitau i upu tulei a o tatou perofeta. O le mekasini lenei o se faasinoala i o tatou olaga. E na te faamalosia i tatou i lenei lalolagi faigata.

Anderson Carpejane, Pasila

Sa ou tagi i lomiga taitasi o le Liahona i le valu tausaga talu ai.

Sa ou aoaoina, e pei foi o a’u, o loo i ai isi tagata o loo puapuagatia. Ae ona o a tatou molimau, lea e loloto o latou a’a faaleagaga, e leai se mea e le mafai ona tatou faatoilaloina.

O lenei mekasini ua avea e pei o se taiala faapitoa i lo’u olaga, ma ou te iloa o le mafuaaga lena e na te tauaveina ai le igoa Liahona.

Edwin Urrutia, Ilinoi, ISA