Manatu mo Afiafi Faaleaiga

“Faatupuina o Mauga,” i. 32: O lenei tusiga ua faatusatusa i le faatoilaloina o luitau i le a’eina o se mauga. Atonu e mafai ona e faia se gaoioiga, e pei o le a’e i se mauga po o ni nai faasitepu, o le a fesoasoani i tagata o le aiga e manatua ai ma faaaoga ia mataupu faavae.

“Fesoasoani e ala mai le Agaga,” i. 44: Pe a maea ona outou faitauina faatasi lenei tusiga, e mafai e tagata o le aiga ona faasoa mai ni aafiaga lea na faamanuia ai i latou e ala i le mulimuli i musumusuga a le Agaga.

“Tatalo mo se Tali,” i. 56: I le faaaogaina o le tusiga e avea o se folasaga, e mafai ona e valaaulia lou aiga e faasoa mai ni aafiaga na latou oo i ai i le mauaina o tali o a latou tatalo.

“O Le Polo Lole,” i. 62: O se tasi o auala e fesoasoani ai i tamaiti laiti ia gauai mai o latou mafaufau i taimi o afiafi faaleaiga o le fetuutuunai lea o lou leo ma faaaoga foliga vaaia pe a faamatala ni tala (tagai O Le Aoao Atu, E Leai Se Isi Valaauga E Sili Ai, 191). E te ono mauaina lenei metotia aoga i le faitauina po o le toe faamatalaina “O Le Polo Lole” i tamaiti laiti.

“E Maua Lava Au e Outou,” i. 80: E ono avea o se gaoioiga malie le ive’a faatasi o se aiga, ona faafesootai lea o le taaloga i le folafolaga o loo maua i le Ieremia 29:13: “E saili mai outou ia te au, tou te maua foi, pe a outou saili mai ia te au ma outou loto atoa.”