Faafeiloai Atu i La Outou Liahona Fou

Talofa! Faamolemole ia tatou auai faatasi i le samiga o lenei Liahona ua fou lona mamanu ma le tusiga. Matou te iloa sa outou fiafia lava i le Liahona tuai ma ua oo foi i le taimi e fai ai ni nai suiga fou.

Muamua, o le a e matauina ua le toe i ai ni itulau faaopoopo o faaopoopoga i le ogatotonu o le mekasini. O talafou ma itulau mo tamaiti ua tuu i le pito i tua o le mekasini.

Po o le a lava le mea e te manao ai i se mekasini mai le Ekalesia, matou te manatu o le a e mauaina i i. Afai e te manao i tala uumi, ma anoa, o le a e mauaina ni tala faatupu manatu e filifili mai ai. Ae afai e le lava sou taimi ma na ona e manao e tau ina autilo, e mafai foi ona e faia lena mea.

I le lomiga atoa, o le a e maua ai ni nai vaega fou, ua faailoga manino mo tamaiti, autalavou, ma talavou matutua. Afai e fou lou i ai i le Ekalesia, atonu o le a e talisapaia le faitau i malamalamaaga e uiga i aoaoga faavae faapogai ma faiga (tagai O Mea Matou te Talitonu I Ai, itulau e 14). Afai o oe o se faiaoga po o se taitai po o se matua, o le a e maua ni motugaafa fesoasoani e tautuaina ai i latou e te alofa i ai (tagai i itulau e 13, 22, 26, ma le 36).

O se tasi o itu aupito fou o le fatufatuga o lenei Liahona fou, o se su’i fefiloi o tala mo tagata matutua faatasi ai ma ni mea faaopoopo mo le autalavou ma tamaiti—ma e faapena foi i le isi itu. O le a e silafia lena mea aemaise lava i le Savali a le Au Peresitene Sili.

O loo i ai isi mau suiga e tau lē iloa. Matou te fautuaina outou e su’e e outou lava a o outou suesueina lenei lomiga. Ua mamanuina mea uma e fesoasoani ai ia te outou ia lagonaina le Agaga ma ia iloa atili ai lo tatou Tama Faalelagi ma lo tatou Faaola, o Iesu Keriso. O le pogai autu ia o musumusuga mo le Liahona.

—O faatonu

P.S. Pe mafai lava ona e faia se mea mo i matou? Ta’u mai ia i matou pe o le a sou manatu i lau Liahona fou. I-meli mai i le liahona@ldschurch.org (faamolemole tuu le “New Liahona” i le laina o le mataupu autu), pe auina mai se tusi i le:

Liahona, Rm 2420

50 E. North Temple St.

Salt Lake City, UT 84150-0024, USA