Mga Ideya sa Family Home Evening

“Paghimo sa mga Kabukiran,” p. 32: Kini nga artikulo nagkumpara sa pagbuntog sa mga hagit ngadto sa pagkat-kat og usa ka bukid. Kamo mahimong magbuhat og usa ka kalihokan, sama sa pagkat-kat og usa ka bungtod o pipila ka mga hagdanan, nga makatabang sa mga sakop sa pamilya nga makahinumdom ug makagamit sa baruganan.

“Gigiyahan sa Espiritu,” p. 42: Human ninyo mabasa og dungan kini nga artikulo, ang mga sakop sa pamilya mahimong mopakigbahin og mga kasinatian sa dihang sila napanalanginan tungod sa pagsunod sa mga aghat sa Espiritu.

“Nag-ampo alang sa Tubag,” p. 56: Sa paggamit niini nga artikulo isip pasiuna, mahimo ninyong dapiton ang inyong pamilya sa pagpakigbahin og mga kasinatian nga ilang naangkon sa pagdawat og mga tubag sa pag-ampo.

“Ang Bola-bola nga Kendi,” p. 62: Usa ka paagi aron sa pagtabang sa gagmayng mga bata nga mas maminaw panahon sa family home evening mao ang pag-usab-usab sa inyong tingog ug mogamit og mga facial expression kon magsaysay sa mga istorya (tan-awa sa Pagtudlo, Walay Labaw ka Mahinungdanon nga Tawag, 182). Tingali inyo kining makita isip usa ka makatabang nga paagi sa pagbasa o pagsay-say og usab sa “Ang Bola-bola nga Kendi” ngadto sa gagmayng mga bata.

“Ako Hikaplagan Ninyo,” p. 80: Ang makalingaw nga kalihokan nga mahimong buhaton sa usa pamilya mao ang pagdula og tago-tago, ug dayon ikompara ang dula ngadto sa saad nga makita sa Jeremias 29:13: “Ug kamo mangita kanako, ug makakaplag kanako, sa diha nga kamo mangita kanako uban ang inyong bug-os nga kasingkasing.”