E faapefea ona ou ta’u atu i se uo e le talafeagai lana musika e aunoa ma le faamutaina o le ma faauoga? E masani ona ia ta’u mai ia te a’u afai o a’u o sana uo, ou te le faitio i lea mea. O le a le mea e tatau ona ou faia?
O musika ma uo o loo siomiaina oe, o uunaiga malolosi na i lou olaga. Na saunoa mai Peresitene Gordon B. Hinckley (1910–2008): “Filifili ma le faaeteete au uo. O i latou na e taitaia oe i le tasi itulagi po o le isi.”1
O le talanoaina o le musika e te lua faalogologo ai ma lau uo e mafai ona avea ma aafiaga lelei mo oulua uma. Faamatala ma le faaaloalo ou lagona e uiga i le taua o faasalalauga lelei ma le natura matautia o faasalalauga leaga. Faasoa atu ia te ia le ala o loo taofia ai lou fiafia i taimi e te lua faatasi ai ona o le filifiliga o ana musika.
Afai e faaauau pea ona ia faalogologo i musika e le fiafia ai le Agaga, ona mafaufau lea e sui au uo. E taua uo, ae le aveesea ai le taua o lou soifua manuia faaleagaga.