Hisitōlia ʻo e Tohi ʻa Molomona

Kau Sēletí

Naʻe mavahe ʻa e kulupu ko ʻení mei he Taua ko Pēpelí ʻo tūʻuta ki he Ongo ʻAmeliká ʻi he 2200 K.M. Naʻa nau tuʻumālie ʻo aʻu ki he 600 K.M., ʻi he taimi ne fakaʻauha ai ʻe he taú ʻa e tokotaha kotoa tukukehe pē ʻa Kolianitomuli. (Vakai, ʻEta 1–15.)

Kau Nīfaí

Naʻe mavahe e kulupu ʻa Līhaí mei Selusalema ʻi he 600 K.M. ʻo aʻu mai ki he Ongo ʻAmeliká. Ka naʻe fakaʻau māmālie pē ke mavahevahe hono hakó. Hili e mate ʻa Līhaí, naʻe muimui e kau angatonú ʻi hono foha ko Nīfaí ki he tokelaú. Naʻe ʻiloa kinautolu ko e kau Nīfaí. (Vakai, 1 Nīfai 1–22; 2 Nīfai 1–5.)

Kau Leimaná

Hili e mate ʻa Līhaí, naʻe nofo e kau angakoví mo hono foha ko Leimaná pea ʻiloa kinautolu ko e kau Leimaná. (Vakai, 2 Nīfai 5.)

Kau Mūlekí

Ko Mūlekí, ko ha foha ʻo e Tuʻi ko Setekiá, naʻá ne tataki ha kulupu mei Selusalema ʻi he 587 K.M. pea fononga mai ki he Ongo ʻAmeliká. Naʻa nau maʻu ʻa Kolianitomuli. (Vakai, ʻAmenai 1:14–21.)

Mōsaia₁

ʻI he 225 K.M. naʻe fakaʻau ke faiangahala e kau Nīfaí, ko ia naʻe tataki ʻe Mōsaia₁ ha kulupu ʻo e kau Nīfai angatonú ki Seilahemala ʻo nau fakataha mo e kau Mūlekí. Naʻa nau ui kinautolu ko e kau Nīfaí. Naʻe hoko ʻa Mōsaia₁ ko honau tuʻi angatonu. Ko hono fohá ʻa e Tuʻi ko Penisimaní. (Vakai, ʻAmenai 1:12–23.)

Sēnifi

ʻI he meimei 200 K.M. naʻe ʻave ʻe Sēnifi, ko ha tangata Nīfai, ha kulupu ki he fakatongá ke toe maʻu mai e fonua ʻo e kau Nīfaí. Hili e tūʻuta atu ʻa Sēnifi mo ʻene kulupú, naʻe puke pōpula kinautolu ʻe he kau Leimaná. Naʻe fekau kimui ʻe he Tuʻi ko Mōsaiá₂ ʻa ʻĀmoni ke kumi ʻa e kulupú, pea naʻe hanga ʻe ʻĀmoni ʻo fakaului ai e Tuʻi ko Limihaí. (Vakai, Mōsaia 7; 9–22 .)

ʻAlamā₁

Naʻe fāʻeleʻi ʻa ʻAlamā₁ ʻi he kakai ʻo Sēnifí, pea naʻá ne kau he kau taulaʻeiki angakovi ʻa e Tuʻi ko Noá. Naʻe tamateʻi ʻa e palōfita ko ʻApinetaí hili ʻene fakatokanga ki he Tuʻi ko Noá ke fakatomala. Ka naʻe tui ʻa ʻAlamā₁ ki he ngaahi akonaki ʻa ʻApinetaí pea hola ia mo e niʻihi naʻe tui, pea faifai pē ʻo nau fakataha mo e kau Nīfaí. (Vakai, Mōsaia 11; 17–18; 23–24.)

ʻAlamā₂ pea mo e Ngaahi Foha ʻo Mōsaiá₂

ʻI he kei ʻa ʻAlamā₂ pea mo e ngaahi foha ʻo e Tuʻi ko Mōsaiá, ʻi heʻenau kei talavoú Mosiah₂ naʻa nau feinga ke fakaʻauha e Siasí. Naʻe valokiʻi kinautolu ʻe ha ʻāngelo, pea nau fakatomala. Naʻe hoko ʻa ʻAlamā₂ ko ha taki angatonu. (Vakai, Mōsaia 27–29.) Naʻe hoko e ngaahi foha ʻo Mōsaiá₂ ko ha kau faifekau ki he kau Leimaná. Hili ha lavameʻa lahi, naʻa nau toe fakataha mo fiefia mo ʻAlamā₂. (Vakai, ʻAlamā 17–26.

Kau Kaihaʻa ʻa Katianetoní

Naʻe mālohi taha e tākiekina ʻa e kautaha fufū fakapō ko ʻení he taimi naʻe faiangahala ai e sosaietí pea vaivai tahá he taimi naʻe angatonu ai ʻa e sosaietí. ʻI he meimei 350 T.S. naʻa nau tuʻu fakatuʻutāmaki ki he nofo malu ʻa e kakaí kotoa. (Vakai, Hilamani 2; 6; 4 Nīfai 1:42–46.)

Sīsū Kalaisi

Hili ʻEne Toetuʻu ʻi Selusalemá, naʻe hā e Fakamoʻuí ʻi he Ongo ʻAmeliká, ʻo malanga ki he kakaí, akoʻi ʻEne ongoongoleleí, pea fokotuʻu Hono Siasí. Naʻe nofo melino e kakaí ʻi ha taʻu ʻe 200 mei Heʻene ʻaʻahí. (Vakai, 3 Nīfai 11–28.)

Fakaʻauha ʻo e Kau Nīfaí

Naʻe foki māmālie mai ʻa e faiangahalá, fakalilifu ʻo e taú, pea naʻe ʻauha ai e kau Nīfaí. Ko Molonai toko taha pē naʻe haó, peá ne tauhi e ngaahi lekooti ʻa e kau Nīfaí ʻo ne tanu kinautolu kimuʻa peá ne maté. (Vakai, 4 Nīfai 1:24–28; Molomona 8:1–8; Molonai 10.)