Сүнслэг аварга баатрууд

Энэ жил гайхалтай аварга баатрууд даваа гарагийн орой бүр танай гэрт зочлон очих болно! Аварга баатар болгон нь ер бусын хүчтэй, гэр бүлийн нэг гишүүнтэй адилхан байх бөгөөд гэр бүлийн гишүүд бидний бие биетэйгээ харилцах харилцааг сайжруулахад биднийг урамшуулан дэмжсэн чухал гэрчлэл буюу хүчирхэгжүүлэгч хичээлийг заах болно.

Жишээ нь, Мэдээллийн хэрэгслийн мэргэжилтэн (МХМ) нэг долоо хоног бидэнд зохисгүй кино, телевизийн үзүүлбэр, сэтгүүлүүдээс бид нүдээ хэрхэн хамгаалах талаар бидэнд заасан. Өөр нэг долоо хоногт Чийрэгжилт Хатагтай, бид биеийн тамирын дасгал тогтмол хийснээр онцгой хүч чадлыг хэрхэн хөгжүүлэхийг тайлбарлалаа. Даруухан зөгий лүгээ адил хувцасласан Чимээгүй Бай гэдэг нэртэй аварга баатар, бидэнд сүм дээр болон гэр орондоо хэрхэн тоглож, чимээ шуугиан гаргахгүй, хүндэтгэлтэй байхыг бидэнд заасан. Үг Охин бид бие биедээ хэрхэн ахиухан магтаалын үгс хэлж байхыг тайлбарлав. Талархагч Охин, Өөрсдөө Хийцгээ баатар, Судрын Эрдэмтэн, Эелдэг Үгт Залуу Хатагтай, Номлогч Хүн болон бусад аварга баатрууд манай гэр бүлийн үдшийн хичээлүүдэд оролцох болно.

Манай гэр бүлийн гишүүд аварга баатар болж гэр бүлдээ ямар асуудал байгаа талаар гүнзгий бөгөөд анхааралтайгаар тунгаан бодсонд би талархалтай байна. Бид бүгдээрээ гэр бүлийн үдшээ тэсч ядан хүлээдэг болсон. Аварга баатар болгоныг айлчлан ирэхэд бид цагийг гайхалтай сайхан өнгөрүүлдэг. Бид гэр бүлийн үдэш бүрээр гэр бүл дэх асуудлыг олон талаас нь эргэцүүлэн боддог болсонд, бие биедээ илүү үр өгөөжтэйгөөр заахад Тэнгэрлэг Эцэг бидэнд сүнслэгээр нөлөөлдөг болсонд би баяртай байдаг. Аварга баатруудын тухай дурсамж бидний зүрх сэтгэлд үүрд орших болно.