Mata e Mafai ona Ou Faasoa Atu se Tusi a Mamona?

I le taimi o lo’u tausaga muamua i le aoga maualuga, sa valaaulia ai e lo’u faiaoga seminare la’u vasega e tuuina atu ni kopi o le Tusi a Mamona i ni uo e le lolotu. E ui lava ina sa ou matuai matamuli lava, ae sa ou taliaina le valaaulia.

Na ou faaaluina ni aso se lua e atinae ai le lototele, ae na iu lava ina ou tuuina atu i lau uo o Britny le tusi i le taimi o le ‘aiga i le aoauli ma tuuina atu se molimau puupuu. Na faafetai mai Britny ia te au mo le tusi.

I le faaiuga o lena tausaga faaleaoaoga, na siitia ese ai ia Britny, ae na ma fesootai pea. Sa ia faamatala mai ia te au e uiga i lana aoga fou ma e toetoe lava o ana uo uma o ni tagata o le Ekalesia, ae na te le talanoa mai lava ia te au e uiga i se mea faaleagaga.

Na suia lena mea ae ou te lei alu i la’u misiona. Sa ou maua se poloai mai ia Britny fai mai, sa i ai sana tala fiafia mo au: o le a papatiso o ia, ma sa ia manao e faafetai mai ia te au mo le avea ma ana uo ma le faia o se faataitaiga lelei.

Sa ave e le Atua se tamaitiiti matamuli e 15 tausaga le matua ma e leai se aafiaga faafaifeautalai ma na taitaiina o ia e faasoa atu le talalelei i se tasi na Ia silafia o le a taliaina. Ou te iloa e ala i le faalogo i le Agaga, e mafai ai e i tatou uma ona maua tagata o loo siomia i tatou o e o loo faatalitali mai ina ia aoao e uiga i le talalelei toefuataiina. Ou te iloa pe afai tatou te fesoasoani e aumaia se tagata e toatasi i le Alii, “e matua tele lava lo [oulua] olioli faatasi ma ia i le malo o [lo tatou] Tama!” (MF&F 18:15).