Punaoa mo le Aoaoina o Fanau i le LDS.org

Mo le tele o tausaga, na faaleleia ai e faiaoga, taitai, ma matua a latou aoaoga o le talalelei i le fesoasoani mai o mekasini o le Friend ma le Liahona. I le taimi nei o loo maua nisi o nei punaoa e tasi i luga o le initoneti i le LDS.org ma faatulagaina ina ia faigofie ona e mauaina ia fesoasoani o lesona o loo e sailia.

E mafai ona e sailia ia punaoa i autu, vaega, ma faapea foi i numera o lesona o le Peraimeri i le faaPeretania i le taina i totonu o “Punaoa mo le Aoaoina o Tamaiti” i le pa saili o le LDS.org. E mafai foi ona e sau i le itulau lenei mai le itulau o le tusi lesona o le Peraimeri.

O loo maua foi ia vaega o autu o Punaoa mo le Aoaoina o Tamaiti i le gagana Sipaniolo ma le Potukale ma e mafai ona mauaina uma i le LDS.org po o le itulau autu o le Liahona i gagana nei.

O punaoa e aofia ai ia tala, gaoioiga, tusiga o le Liahona, ma isi ala o faasalalauga ua faatagaina e le Ekalesia mo le aoaoina o tamaiti i le fale po o le lotu. O le a faaopoopoina nisi autu i masina taitasi.