Ua Faamanatuina e le Peraimeri le 135 Tausaga

I Farmington, Iuta, ISA, i le 135 tausaga ua mavae, na popole Epikopo Ioane W. Hess e uiga i amioga a tamaiti o lana uarota. Na ia valaauina faatasi ia tina o le uarota ma talanoa atu e uiga i le taua o le taialaina o manatu o tamaiti laiti.

Na faalogologo ia Aurelia Spencer Rogers, ona talanoa atu lea ia Eliza R. Snow, o le na asiasi atu i Farmington i le tautoulu o le 1878. Na feiloai atu Sister Snow i le Peresitene o le Ekalesia o Ioane Teila, lea na faatagaina ai Epikopo Hess e faatu se faalapotopotoga mo tamaiti i lana uarota. Na faatulagaina aloaia le Sosaiete a le Peraimeri a le Uarota a Farmington i le aso 11 o Aokuso, 1878, ma o Sister Rogers na avea ma peresitene.

I le aso, pe tusa ma le tasi miliona tamaiti i le lalolagi atoa ua maua fesoasoaniga mai le Peraimeri i vaiaso taitasi. O loo taumafai ia taitai ma faiaoga o le Peraimeri e lagolago ia matua ia latou matafaioi o le fesoasoani i fanau ina ia maua ni molimau i le Tama Faalelagi, Iesu Keriso, ma le talalelei toefuataiina.