Maʻá e Fānau Īkí
Ko e kaungāmeʻa moʻo ʻĪlai
Naʻe feinga ʻa ʻĪlai ke hoko ko ha kaungāmeʻa lelei. Ka he ʻikai vaʻinga ʻa Vili ia mo ia.
Naʻe talaange ʻe Vili kia Siaki mo Teni, “Kapau te mo vaʻinga mo ʻĪlai he ʻikai ke u vaʻinga au mo kimoua.”
Naʻe kole fakalelei ʻe ʻĪlai kia Vili ka naʻe talaange ʻe Vili, “ʻAlu ki mamaʻo.”
Naʻe feinga ʻa ʻĪlai ke vaʻinga taufetuli mo e tamaiki tangatá. Ka naʻe ʻikai ke taufetuli ha taha ia mo ia.
ʻI ha ʻaho ʻe taha ne haʻu ʻa ʻĪlai mo e meʻavaʻinga ki he akó. Naʻe siofi ʻe ha taʻahine foʻou ko ʻEma ʻa ʻene vaʻingá.
Naʻe ʻeke ange ʻe ʻĪlai, “ʻOkú ke fie vaʻinga mo au?”
Naʻe tali ange ʻe ʻEma, “ʻIo, he ʻoku hangē ʻoku fakalatá.”
Naʻe kole ange ʻe Siaki mo Teni, “ʻE lava ke ma kau atu he vaʻingá?”
Naʻe talaange ʻe ʻĪlai, “ʻIo.”
Ne mataʻi taʻelata ʻa Vili.
Naʻe pehē atu ʻa ʻĪlai, “Haʻu ā foki Vili. Haʻu ke tau vaʻinga.”
Vahevahe ʻa e Ngaahi Meʻavaʻinga
Kumi ʻa e ngaahi meʻa vaʻinga ʻi he malaʻe vaʻingá. Pea lau pe ko e fānau ʻe toko fiha ʻoku nau vahevahe ʻa e meʻavaʻinga takitaha.