Ngaahi Fakakaukau Maʻá e Efiafi Fakafāmili ʻi ʻApí

“Kau Faifekau Taʻo Mā Siainé,” peesi 54: Fakakaukau ke taʻo ʻe homou fāmilí ha mā siaine (pe ha meʻatokoni ʻoku saiʻia ai ʻa e fāmilí) pea tufa ia ki ha kakai ʻoku ongoʻi ʻe homou fāmilí ʻoku totonu ke vahevahe ki ai e ongoongoleleí. Te ke lava ʻo vahevahe e pōpoaki tatau ʻa e ongo faifekaú ki he taʻo keke siainé, ʻo fakahoko ha fakaafe ki ha ʻekitivitī ʻa e Siasí, pe ʻave ha kaati-tufa.

“‘E Fakamālohia Hoku Fāmilí ‘e he Ngaahi ‘Ekitivitī Fakatupulakí,” peesi 74: Fakakaukau ke fakahoko ha efiafi fakafāmili he ʻahó ni ʻo fakatatau ki he “fili ʻa e fānaú.” ʻE lava ke fili ʻe he fānaú e ngaahi ʻekitivitií, ngaahi lēsoní, mo e ngaahi tefito ʻoku mahuʻinga taha kiate kinautolú pea nau taufetongi hono tatakí. Poupouʻi ʻa e tamasiʻi takitaha ke ne fakakaukau ki he ngaahi fie maʻu ʻa e kau mēmipa kehe ʻo e fāmilí ʻi he taimi ʻoku fili ai e ngaahi ʻekitivitií mo e ngaahi lēsoní.