Toe Lelei ange Faifatongia ʻa e LDS.org

Makehe mei ha puipuituʻa lanu hinehina foʻou pea lanu pulū e fakahokohokó, kuo fai foki ʻe he LDS.org ha fanga kiʻi fakalelei ʻi he kamataʻanga ʻo e taʻu ní.

Naʻe fetongi ʻa hono fili ʻo e lea fakafonuá, ʻaki ha fili ʻo e fonuá mo e lea fakafonuá, ʻo faingofua ai ki he kāingalotú ke nau kumi e nāunau ʻoku maʻu ʻi he peesi fetuʻutaki honau fonuá.

ʻOku ʻi he peesi fetuʻutaki ʻo e ngaahi fonuá ʻa e navigation menus tatau pē ʻoku maʻu ʻi he LDS.org: Folofolá, Ngaahi Akonakí, Maʻuʻanga Tokoní, pea mo e Ongoongó. ʻE lava heni ʻa e kāingalotú ʻo vakai ki he nāunau fakalotofonuá mo e maʻuʻanga tokoni ʻa e Siasí, kae ʻikai toe fakaava hake ʻa e peesi LDS.org pea nau lava ʻo fili ʻi he nāunau fakalotofonuá pe ko e nāunau ʻi he LDS.org, he taimi ʻoku nau fekumi aí.