Ko ʻEtau Pēsí
Ne papitaiso ha tamaiki tangata ʻe toko fā ʻi he uooti tatau ʻi ʻĀsenitina ʻi he ʻaho tatau. ʻOku tuʻu fakataha ʻa e pīsopé (loto-mālie) mo kinautolu.
Ne maʻu ʻe hoku tuongaʻané mo ha kaungāmeʻa homau fāmilí, ʻa hona uiuiʻi ngāue fakafaifekaú. Ne mau fakaʻuli houa ʻe valu ki he temipale ʻi Feleipeeki, Siamané, ke na lava ai ʻo maʻu hona ʻenitaumeni ʻi he temipalé.
Ne mau nofo ai ʻi ha ʻaho ʻe nima koeʻuhí ke lava hoku fāmilí ʻo fakahoko ha ngāue fakatemipale lahi. ʻOku ʻi ai ha nofoʻanga ki he ngaahi fāmilí ʻi he feituʻu ʻo e temipalé. Ne u tokoni mo ha fānau ʻe niʻihi ki he tangata fuʻifuʻi ngoué, peá ne ʻomi haʻamau ʻaisi kilimi. Ne mau maʻu ha fiefia lahi.
ʻOku ou hanganaki atu ki he taʻu foʻoú ʻi he hokosia hoku taʻu 12 pea te u lava leva ʻo fakahoko ʻa e papitaiso ʻi he temipalé.
ʻĀlika S., taʻu 11, Silōvakia
Fakamālō ki he ʻOtua
Fakamālō ki he ʻOtuá, ko e maamá,
Maamangia he ʻaho mo e pō.
Fakamalō ki he ʻOtuá, ko e ʻuluʻakaú,
Hangē ʻoku ʻalovilí ʻene angiangí.
Fakamālō ki he ʻOtuá, ʻikai lava fakamatalaʻi,
ʻI he kotoa hoku lotó kuó Ke ngaohi e moʻuí ni.
ʻIkai feʻunga e moʻuí ni
Koloa ʻeku moʻuí, ʻoku ou fiemālié.
Nisa J., taʻu 10, Lepapulika ʻo Palaú