Ko e Hina ʻa Paulá

ʻĪmisi

Product Shot from October 2015 Liahona

ʻĪmisi

Product Shot from October 2015 Liahona

ʻĪmisi

Product Shot from October 2015 Liahona

Naʻe tokoni ʻa Paula ki heʻene Tangataʻeikí ke tō ngoue. Naʻá ne fakaʻamu ne ʻi ai hono tokoua ko ʻElikí ke tokoni. Ka naʻe lolotonga ngāue fakafaifekau ʻa ʻEliki ia ʻi ha feituʻu mamaʻo.

Naʻe pehē ange ʻa Paula, “He ʻikai pē ke u fuʻu lahi au ʻo hangē ko ʻElikí. ʻE founga fēfē haʻaku hangē ko iá ʻo ʻalu ʻo ngāue fakafaifekau?”

Naʻe talaange ʻe he Tangataʻeikí, “ʻOua te ke tokanga ki ai. Te ke fuʻu lahi pē.”

Naʻe ʻoange ʻe he tangataʻeikí kia Paula ha ngaahi foʻi tengaʻi hina. Naʻá ne tokoni kia Paula ke tō ia.

Naʻe fehuʻi ange ʻe Paula, “ʻE tupu e fanga kiʻi foʻi tenga ko ʻení ʻo hoko ko ha ngaahi foʻi hina?”

Naʻe pehē ʻe he Tangataʻeikí, “Kapau te ke tokangaʻi lelei ia.”

Naʻe haʻu ʻa Paula ʻo fakasio ʻa e ngoué he ʻaho kotoa pē. Naʻá ne fuʻifuʻi ia, pea taimi nounou pē naʻe huli hake. Naʻe fakaʻau ke lalahi ange ʻa hono laú. Naʻe taʻataʻaki fakalelei ʻe Paula ʻa e vaó.

ʻI he faʻahitaʻu fakatōlaú, ne kamata ke tupu ʻene ngaahi fuʻu hiná. Naʻe ʻi ai foki mo ha ngaahi foʻi hina lanu moli fuolalahi!

Naʻe puke mai ʻe Paula e tangataʻeikí ke fakaʻaliʻali ange. Naʻe talaange ʻe he tangataʻeikí, “Naʻá ke tauhi lelei hoʻo ngaahi fuʻu hiná!”

“Ko ia! Pea te u tauhi lelei foki ke u fuʻu lahi mo au.” Naʻe mamali ʻa Paula. “Pea ʻi he taimi te u fuʻu lahi aí, te u lava ʻo ʻalu ʻo ngāue fakafaifekau hangē ko ʻĒlikí!”