Ngaahi Fakakaukau Maʻá e Efiafi Fakafāmili ʻi ʻApí

ʻĪmisi

Filipino mother sings and does actions with her young children.

“Fakamanatua ʻo e Efiafi Fakafāmili ʻi ʻApí,” peesi 26: Neongo ai pē pe ʻokú ke fakahoko ʻa e efiafi fakafāmilí he uike kotoa pe ko e fuofua taimí ʻeni, fakakaukau ke fakahoko ha efiafi fakafāmili makehe ʻi hono fakaʻilongaʻi ʻo e efiafi fakafāmili ʻi ʻapí! Te ke lava ʻo lau ʻa e fakamatalá ke ke vakai ki he fiefia ʻa e ngaahi fāmilí he funga ʻo e māmaní ke maʻu ha taimi feohi lolotonga ʻenau ako ki he ongoongoleleí. Fakakaukau ke aleaʻi e founga te mou lavaʻi ai hoʻomou taumuʻa ke kei fakahoko ʻa e efiafi fakafāmili ʻi ʻapí. ʻE founga fēfē nai haʻo fulihi ke ne feau e ngaahi fie maʻu ho fāmilí? Te ke toe ala fakatukupaaʻi ho fāmilí ke fakamuʻomuʻa ʻa e tukufakaholo taʻu ʻe 100 ko ení ʻi ho ʻapí, ʻo tatau ai pē pe ko e hā e tūkungá.

ʻĪmisi

Illustration of a boy in bed looking worried and remembering seeing a bad TV show. The clock on the bedside shows 1:00 AM.

Tā Fakatātā ʻa Mark Robison

“Ko e Kumi Tokoni,” peesi 72: Fakakaukau ke lau fakataha ho fāmilí e fakamatalá pea aleaʻi leva ʻa e ngaahi fehuʻi ko ʻení: (1) Ko e hā e faʻahinga ʻīmisi pe mītia ʻe ala mātā ʻe he fānaú? (2) Ko e fē ʻi he ngaahi meʻa ko iá ʻe ʻikai sai kiate kitautolu ke tau vakai pe tokanga taha ki aí? (3) Ko e hā ʻe fai ʻe he tokotaha takitaha ʻi ha tūkunga ʻoku nau sio pe fanongo ha meʻa ʻoku nau ʻilo ʻoku ʻikai totonu? Aleaʻi e ngaahi founga mei he “ʻOiauē! Ko e hā leva ʻe fai he taimí ní?” ʻi he peesi 74 kapau ʻokú ke fie maʻu tokoni ʻi ha ngaahi fakakaukau (hola mei he tūkunga ko iá, talanoa ki he mātuʻá, fai ha ngāue tokoni, etc.).