Fakahokohoko ʻo e Ngaahi Talanoa ʻo e Konifelenisí

Tokotaha Leá

Talanoá

Neil L. Andersen

(49) ʻOku faitāpuekina e fānaú mo e toʻu tupú ʻi he taimi ʻoku tokoniʻi ai kinautolu ʻe he kakai lalahí ʻi he ʻofa, akonekina kinautolu ʻi he ongoongoleleí pea mo talitali lelei kinautolu ki he lotú pe siasí.

Mervyn B. Arnold

(53) Ko hono fakahaofi ʻe he faʻē ʻa Mervyn B. Arnold e fanga sipi hē mo kafo ʻa e Tamai Hēvaní. Mālōlō ʻa e tokoua ʻo ʻEletā Alejandro Patania ʻi ha fakaevaha ʻi tahi, lolotonga haʻanau tatali ke fakahaofi kinautolu. Kau mai ha kaungāmeʻa ʻo Mervyn B. Arnold ki he Siasí hili ia ha fakafeohi ki ai he taʻu ʻe 25. Fakahaofi ʻe ha pīsope ha kau talavou ʻe toko 21.

Linda K. Burton

(13) Ngāue leva e kau fafiné ʻi he 1856 ke tokoniʻi e Kāingalotu ne maʻutangī ʻi he ngaahi potu tokaleleí. Tokoni ha ongomātuʻa tokanga ki he fāmili kumi hūfanga. Manatua ha palesiteni Fineʻofa fakasiteiki mālōlō ʻi hono meʻafakaʻeikí ʻi he tokoni mo e ʻofa naʻá ne faí.

D. Todd Christofferson

(93) Loto ʻa e talavou ko D. Todd Christofferson ke molomolomuivaʻe ʻi heʻene tamai faitotonú. Lotua ʻe ha tamai hono fohá he pongipongi kotoa pē ko ʻene ʻofa kiate iá.

Quentin L. Cook

(97) Fiefia e kāingalotu ʻi he Misiona Taileni Pengikokí heʻenau ʻilo ʻe langa ha temipale ʻi Tailení. Sila ha ʻofefine kuo pekia ki hono fāmilí hili haʻane hā he temipalé ki ha uaifi ʻo ha Taki Māʻolunga. Neongo e taʻemanonga fakapolitikalé ka naʻe vilitaki pē ʻa Palesiteni Gordon B. Hinckley ia ke kei fakahoko e ouau makatulikí ʻi hono fakatapui ʻo e Temipale Suva Fisí.

Kevin R. Duncan

(33) Toʻo ha tolounua mei he foʻi tuhu ʻo Kevin R. Duncan hili ʻene toutou fakaʻaongaʻi e loló mo e peniʻeití.

Mary R. Durham

(23) Hao ha tamai mei haʻane ngoto ʻi he vaitafé lolotonga haʻane fua hono ʻofefiné ʻo na kolosi ai, ʻaki ʻene vete e suú mei hono vaʻé.

Cheryl A. Esplin

(6) Akoʻi mai ʻe ha taha lea ʻi ha fakataha lotu, ʻa hono mahuʻinga ke tukutaha ʻetau tokangá ʻi hono tokoniʻi ʻo e niʻihi kehé. Ako ʻe ha kiʻi taʻahine he Palaimelí ʻoku ʻofa ʻa Sīsū ʻiate ia.

Henry B. Eyring

(19) Manavasiʻi ha ongo mēmipa ʻo e Siasí ʻe hanga ʻe hona ngaahi faingataʻá mo e ʻahiʻahí ʻo ikunaʻi ʻena tuí kapau he ʻikai ke na toe maʻu ʻa e ʻofa ki he Fakamoʻuí mo Hono Siasí.

(81) Ongoʻi ʻe Henry B. Eyring ha loto mamahi ko e ʻikai silaʻi ha fāmili ʻi he temipalé. ʻAmanaki ha uitou heʻene kau ki he Siasí te ne maʻu ha moʻui taʻengata mo hono fāmilí.

Gerrit W. Gong

(108) Poupouʻi ʻe ha faiako pasiketipolo ʻa Gerrit W. Gong ke ʻahiʻahi vaʻinga he soká. Kimuʻa pea ʻalu ki he temipalé, naʻe fufulu ʻe ha tangata ʻenisinia hono ongo nimá ʻaki ʻene fufulu maʻu pē ʻa e ʻū peletí.

Robert D. Hales

(105) Maʻu ʻe Robert D. Hales ha ngaahi ueʻi mei he Laumālie Māʻoniʻoní ki heʻene ngāue he Siasí mo ʻene moʻui fakatāutahá.

Donald L. Hallstrom

(26) Naʻe tohi ʻe ha ʻofefine kei siʻi ʻo Donald L. Hallstrom ʻi ha pepa ʻa e akó te ne nofo mo e Tamai Hēvaní ʻi haʻane mate. Lau ʻe he kāingalotu ʻo e Siasí ʻi Laipīliá, ha potu folofola pea nau hivaʻi “ʻE Kāinga Kuo Langa ha Tuʻungá” ʻi he loto fakapapauʻi.

Paul V. Johnson

(121) Mālōlō e ʻofefine kei talavou ʻo Paul V. Johnson mo ha ʻamanaki lelei ki he moʻui he kahaʻu pea mo e Toetuʻú.

Patrick Kearon

(111) ʻIkai toe tatau e moʻui ʻa Patrick Kearon hili ʻene fanongo ki ha ngaahi talanoa ʻo e kau kumi hūfangá mo ne mātā tonu hono tokangaʻi kinautolu ʻe he kau ngāue tokoní.

Neill F. Marriott

(10) Maʻu ʻe Neill F. Marriott ha naʻinaʻi mei he mali ua e kui tangata hono malí. Taukapoʻi ʻe Neill F. Marriott e tuʻunga ki ha taha ne telefoni ange ka naʻe ʻikai ke ne ʻilo hono hingoá.

Jairo Mazzagardi

(56) ʻI he hoko ʻa Jairo Mazzagardi ko ha papi ului ki he Siasí, naʻá ne fekumi mo maʻu ha ngaahi tali ki he ngaahi fehuʻi fekauʻaki mo hono Toe Fakafoki Mai ʻo e Ongoongoleleí.

Thomas S. Monson

(85) Fekauʻi ʻe ha taha maʻu lakanga fakataulaʻeiki ha vaka fakahaofi moʻui ke fakahaofi ia mo ʻene kau ngāué mei honau kiʻi vaká.

Russell M. Nelson

(66) Silaʻi ʻe Russell M. Nelson ha fāmili ʻi he temipalé hili e kole ange e ongo ʻofefine pekia ʻo e fāmilí mei he tafaʻaki ʻe taha ʻo e veilí pea moʻui taau mo e temipalé ʻa ʻena tamaí mo e tuongaʻané.

Dallin H. Oaks

(114) Fehangahangai ʻa Siosefa Sāmita mo e fakafepakí lolotonga ʻenau kumi ha taha ke ne paaki e Tohi ʻa Molomoná.

Bonnie L. Oscarson

(87) Fakapapauʻi ʻe he Laumālie Māʻoniʻoní e moʻoni ʻo e ongoongoleleí ki ha faʻē naʻe puke lahi hono fohá.

Stephen W. Owen

(70) ʻIloʻi ʻe Stephen W. Owen te ne sai pē hili haʻane heka hoosi ki he moʻungá, kapau te ne muimui heʻene tamaí. Fiefia ʻa Stephen W. Owen ke tufa e sākalamēnití. Faingāue ha talavou ʻi Nuʻu Sila ki heʻene faʻeé.

Ronald A. Rasband

(46) ʻAʻahi ʻa Ronald A. Rasband ki Pākisitani ʻi ha “ʻaho koula” kiate ia mo e Kāingalotu aí. Kau atu ʻa Ronald A. Rasband ki ha fakamafola Face to Face.

Dale G. Renlund

(39) ʻIloʻi ʻe ha fefine ʻi Saute ʻAfilika hili ʻene maʻu e sākalamēnití, ʻa e natula fakatāutaha ʻo e feilaulau e Fakamoʻuí.

Kent F. Richards

(118) Hili hono fakatapui ʻo e temipalé, naʻe papitaiso leva ʻa Kent F. Richards mo hono uaifí ʻo fakafofongaʻi ʻena ngaahi kuí. Fakamoʻoniʻi ʻe Kent F. Richards, ha papitaiso ʻa ha fāmili toʻu tangata ʻe tolu maʻa ʻenau ngaahi kuí.

Steven E. Snow

(36) Toe fakatōkilalo, ongo mo fakamātoato ange ki he lotó e ngaahi lotu ʻa Steven E. Snow mo hono fāmilí ʻi he fakaakeake hano foha mei he lavea ki hono ʻulú.

Gary E. Stevenson

(29) Hili e mole e kī ʻo e kā ʻa Gary E. Stevenson, naʻá ne fai leva ha talanoa fakatātā ʻi he fie maʻu ke fakamoʻui ha kā ʻaki ha kií pea mo e fie maʻu e ngaahi kī ʻo e lakanga fakataulaʻeikí ke fakalele ʻa e Siasí. Lolotonga e papitaiso ha fānau ʻa ha fefine ʻo fakafofongaʻi e ngaahi kui ʻa ha pataloni kehe ʻo e temipalé, naʻá ne fakatokangaʻi ʻokú ne fāmili foki mo ʻene ngaahi kuí.

Dieter F. Uchtdorf

(101) Ongoʻi ʻe Dieter F. Uchtdorf e ivi tākiekina ʻo e Laumālie Māʻoniʻoní ʻi heʻene fakalaulauloto ki hono toe langa foʻou ʻo Tulesiteni ʻi Siamané hili he Tau Lahi ʻa Māmani Hono II.

W. Christopher Waddell

(90) Faingataʻa ki ha kiʻi tamasiʻi Palaimeli ke fakakaukau kia Sīsū. Maʻu ʻe ha tamai mo ha faʻē ha nonga ʻi heʻena ʻiloʻi kuo silaʻi kinaua ki hona foha kuo pekiá.