Tupulaki e Siasí ʻi ʻAfiliká

Kuo hokohoko atu ai pē e tupulaki mālohi ʻa e Siasí ʻi ʻAfiliká ʻi he taʻu ʻe 30 kuohilí. ʻI he kamataʻanga ʻo e 2016, naʻe ʻi ai ha ngaahi haʻofanga lotu ʻe 1,600 ʻo e Siasí ʻi ʻAfilika, mo ha kāingalotu ʻe vaeua miliona tupu—ko e liunga 11 ia ʻo e ngaahi uōtí mo e koló pea liunga 20 ʻo e kāingalotú, mei he tokolahi he 1985.

ʻI he 2015 naʻe fokotuʻu ai ʻe he Siasí ha siteiki foʻou ʻe 17 ʻi ha ngaahi feituʻu kehekehe ʻi ʻAfilika.

ʻOku pehē ʻe he kau takí ʻoku makatuʻunga e tupulaki ko ʻení, mei he nofotaha e tokanga ʻa e ongoongoleleí ʻi he fāmilí. Naʻe pehē ʻe João Castenheira, ko ha palesiteni siteiki ʻi Maputo, Mozambique, “ʻOku fekumi e kāingalotú ki ha siasi te nau fiefia ai, pea ʻoku ʻomi ʻe he ongoongolelei ʻo Sīsū Kalaisi kuo toe fakafoki maí, ha fiefia ki he ngaahi fāmilí.”

ʻOku pehē ʻe ʻEletā ʻEtuate Tupe ʻo e Kau Fitungofulú, ka ko e tangataʻifonua Simipāpuē, “ʻOku ou ongoʻi moʻoni ko e kuonga ʻeni ʻo ʻAfilika. ʻOku kau mai e toʻukupu ʻo e ʻEikí ki he fonuá.”