Ngaahi Liliu ki he Hisitōlia Fakafāmilí mo e Ngāue Fakatemipalé

ʻE tokoni e fanga kiʻi polokalama mo e founga ngāue foʻoú ki he niʻihi fakafoʻituituí mo e ngaahi fāmilí ʻi hono fai ʻo e hisitōlia fakafāmilí mo e ngāue fakatemipalé:

• ʻE lava ʻe he kāingalotú he taimí ni ʻo paaki ʻi ʻapi e ngaahi kaati ouau fakatemipalé ʻi ha pepa hinehina pea ʻomi ia ki he temipalé.

• ʻOku ʻi ai ha taimi fakamuʻomuʻa ʻo e fāmilí ʻi he temipalé ke lava ai e ngaahi fāmilí ʻo fakataimitēpileʻi ha taimi ke nau fakahoko fakataha ai e ngaahi ouaú kae ʻoua toe tatali fuoloa.

• Ko e kau ului foʻou ko ia ko e fuofua taimi ʻeni ke nau fakahoko ai e ngaahi papitaiso fakafofongá, te nau lava ʻo fakataimitēpileʻi haʻanau ʻapoinimeni ke lava ʻo mateuteu e temipalé ke talitali kinautolu.

• ʻE lava ke ʻai he ʻinitanetí lekomeni fakangatangata pea paaki ʻe he kau taki lakanga fakataulaʻeikí. ʻOku fakamoʻui e lekomení pea paaki pea toki lava ke fakaʻaongaʻi ia he taimi ʻoku fakamoʻoni hingoa ai e mēmipá mo e pīsopé.