Tokoni e Kau Palōfitá mo e Kau ʻAposetoló

ʻI he hoko e kau palōfitá mo e kau ʻaposetoló ko ha “kau fakamoʻoni makehe ki he huafa ʻo Kalaisí” (T&F 107:23), ʻoku nau kei hokohoko atu ai e ngāué ki he funga ʻo e māmaní. Talu mei he konifelenisi lahi ne toki ʻosí, mo hono hanga ʻe he Kau Palesitenisī ʻUluakí mo e Kōlomu ʻo e Kau ʻAposetolo ʻe Toko Hongofulu Mā Uá, makehe mei honau ngaahi fatongia kehé, ʻo:

• Fakaʻaongaʻi ʻa e mītia fakasōsialé mo e polokalama Face to Face ke nau ngāue atu ai ki he toʻu tupú mo e kakai lalahi kei talavoú (vakai, lds.org/youth/activities).

• Fai ha lea ʻi he ngaahi konifelenisi fakafepakiʻi ponokālafí kae pehē ki he konifelenisi hisitōlia fakafāmilí.

• Fai ha ngaahi lea ʻi he ʻunivēsití fekauʻaki mo e hoko ko ha kau “moʻungaʻi tangata mo fefine moʻoni” ʻo taukapoʻi e tuí mo e ngaahi ʻulungaanga maʻá.

• Fai ha ngaahi fakataha mo e kāingalotu ʻo e Siasí mo e kau takí, kau fakafofonga fakapuleʻanga, mo e kau taki fakalotu ʻi Argentina, Botswana, Chile, Democratic Republic of the Congo, Ecuador, Mozambique, Peru, the Philippines, Uruguay, Zambia, pea Zimbabwe.