Ang Simbahan Naglambo sa Africa

Ang kalamboan sa Simbahan sa Africa nagpadayon nga mas taas kaayo sulod sa milabayng 30 ka tuig. Sa pagsugod sa tuig 2016, dunay 1,600 nga kongregasyon sa LDS sa Africa, nga may kapin sa tunga sa milyon ka mga miyembro sa Simbahan—nga 11 ka pilo ang gidaghanon sa nadugang nga ward ug mga branch ug 20 ka pilo ang gidaghanon sa nadugang nga mga miyembro karon kay sa niadtong 1985.

Niadtong 2015 ang Simbahan mihimo og 17 ka bag-ong mga stake sa tibuok Africa.

Gihatagan sa mga lider og pahinungod ang nahimong kalamboan, ngadto sa usa ka bahin sa ebanghelyo nga mao ang pag-focus sa pamilya. Si João Castenheira, stake president sa Maputo, Mozambique, miingon, “Ang mga miyembro nangita og simbahan nga maghatag kanila og kalipay, ug ang gipahiuli nga ebanghelyo maghatag og kalipay sa mga pamilya.”

“Gibati gyud nako nga panahon na kini sa Africa,” miingon si Elder Edward Dube sa Seventy, usa ka lumad nga taga Zimbabwe. “Ang impluwensya sa Ginoo anaa niini nga kontinente.”