Ang mga Propeta ug mga Apostoles Nangalagad

Isip “talagsaon nga mga saksi sa ngalan ni Kristo sa tibuok nga kalibutan” (D&P 107:23), ang mga propeta ug mga apostoles padayong nangalagad sa tibuok kalibutan. Sukad sa katapusang kinatibuk-ang komperensya, ang mga miyembro sa Unang Kapangulohan ug ang Korum sa Napulog Duha ka mga Apostoles dunay gidugang nga ubang mga assignment:

• Paggamit sa social media ug sa Face to Face nga mga kalihokan aron matabangan ang mga batan-on ug mga young adult (tan-awa sa lds.org/youth/activities).

• Pagpamulong sa anti-pornography ug family history nga mga komperensya.

• Pagpamulong sa mga unibersidad mahitungod sa pagkahimong “true millenials” ug sa pagpanalipud sa pagtuo ug moral nga mga hiyas.

• Pagpakighimamat sa mga miyembro sa Simbahan ug mga lider, mga opisyal sa gobyerno, ug mga lider sa relihiyon sa Argentina, Botswana, Chile, Democratic Republic of the Congo, Ecuador, Mozambique, Peru, the Philippines, Uruguay, Zambia, ug Zimbabwe.