Elder K. Brett Nattress

Si Elder K. Brett Nattress ug iyang asawa, si Shauna Lee Adamson Nattress, mihulagway sa ilang kaugalingon nga “dili perpektong mga tawo nga nangita og perpektong mga panahon.”

Nakaplagan nila ang susamang mga panahon sa ilang kinabuhi—ang tanan konektado sa pipila ka paagi ngadto sa Manluluwas ug sa Pag-ula, miingon si Elder Nattress.

Miingon si Elder Nattress nga natawo siya sa maayong mga ginikanan, ngadto kang David ug Judy Sorensen Nattress, ug nahinumdom sa iyang inahan nga magbasa sa basahon ni Mormon ngadto sa pamilya matag adlaw.

Sa usa ka okasyon nauli siya kay bakasyon sa kolehiyo. Nakatutok siya sa umaabut nga finals ug dili maayo ang gibati, bisan og wala siya mobati nga may problema sa panglawas.

“Kon maayo ra ang imong pamati ug dili maayo ang gibati,” giingnan siya sa iyang mama, “gikanahanglan nimo nga moadto moalagad og tawo.”

Gikuha ni Brett ang pala para sa snow sa likud sa ilang sakyanan ug miadto og mipala sa mga agianan sa mga biyuda sa ward. Maayo na ang iyang gibati.

“Nakatutok lang gyud ko sa akong kaugalingon ug sa finals, nakalimot ko nga ang tinuod nga katuyoan sa kinabuhi mao ang pagserbisyo sa uban,” miingon siya.

Si Elder Nattress natawo niadtong Marso 4, 1965, sa Pocatello, Idaho, USA. Ang pamilya namalhin ngadto sa Lehi, Utah, USA, diin siya ug ang lima niya ka igsoon nakasinati og kinabuhi sa gamayng uma sa pamilya.

Nakaila niya ang iyang pangasaw-unon samtang mga senior sila sa kasilinganang high school. Sa iyang pag-uli gikan sa pagserbisyo sa California Sacramento Mission gikan 1984 hangtud 1986, naminyo sila sa Salt Lake Temple pagka Abril 24, 1987. Sila adunay pito ka anak.

Mieskwela siya sa Brigham Young University sa Provo, Utah, ug migradwar sa University of Utah niadtong 1990 sa degree nga physical therapy. Kauban sa iyang igsoon nga si David, gitukod niya ang Advanced Health Care Corp. niadtong 2000.

Si Elder Nattress nakaserbisyo og daghang calling sa Simbahan, lakip ang pagka-Young Men president sa ward, bishop, Young Men president sa stake, stake president, ug Area Seventy. Sa panahon sa iyang pagkatawag, nangulo siya sa bag-ong naorganisar nga Arizona Gilbert Mission.