Elder Mark A. Bragg

Sa 14 anyos pa si Mark Bragg, ang mga higala sa iyang ka-team sa baseball mipaila-ila sa iyang pamilya ngadto sa Simbahan. Nabunyagan si Mark, ug ang iyang mama nahimong aktibo.

“Nakausab kini sa among kinabuhi,” miingon si Elder Bragg.

Si Mark Allyn Bragg natawo niadtong Abril 16, 1962, sa Santa Monica, California, USA, ngadto kang Donald E. ug Diane Bragg.

Samtang nag-eskwela sa University of Utah, si Elder Bragg gitawag nga moserbisyo sa Mexico Monterrey Mission, ubos sa pagdumala sa mission president nga si Roy H. King ug sa iyang asawa, si Darlene O. King.

Dihang si Elder Bragg nakahuman sa iyang misyonaryo nga pagserbisyo, gisugdan niya ang pakig-date sa kamanghurang anak sa iyang mission president, si Yvonne. Naminyo sila sa Los Angeles California Temple niadtong Marso 17, 1984.

Human sa wala dahumang pagkamatay sa amahan ni Elder Bragg, ang magtiayon namalik sa California aron makasugod sa iyang trabaho sa banking industry (nakompleto niya ang iyang panarbaho isip senior vice president sa Bank of America) ug aron maduol sa mama ni Elder Bragg.

Niabut og pito ka tuig sa wala pa moipon ang mga bata sa pamilyang Bragg. “Usahay morag di ka komportable, bisan sa among pamilya,” nahinumdom si Elder Bragg.

Dayon—“sa pinaka nindot nga adlaw sa kalibutan”—si Sister Bragg mihimugso sa una namong upat ka anak. “Nahinumdom ko … naghunahuna nga wala nay laing mas malipayon pa kay kanako nianang higayuna,” miingon si Elder Bragg.

Ang kinabuhi dili sayon alang sa pamilya, bisan pa. Sa adlaw human si Elder Bragg gi-sustain nga bishop sa ward diin siya nagdako, ang iyang mama makasubo kaayong gipatay sa pag-hijack sa sakyanan. Ang iyang funeral maoy una nga iyang gidumala isip usa ka bishop. “Moadto matag adlaw ang Relief Society para sa among pamilya,” nahinumdom siya.

Kadtong mga leksyon sa gugma, serbisyo, ug pagbati migiya ni Elder Bragg hangtud sa umaabut niyang pagserbisyo sa Simbahan—isip stake president, Area Seventy, ug ordinance worker sa templo.