Ang LDS.org nga Seksyon sa Komperensya Giusab ang Desinyo

Ang pagpangita ug pagtuon sa online o sa internet nga mga pakigpulong sa kinatibuk-ang komperensya mas sayon na karon kay sa kaniadto, salamat sa pag-usab sa desinyo sa seksyon sa kinatibuk-ang komperensya sa LDS.org. Ang mga Feature naglakip sa:

• Paspas nga pag-ila sa gitinguha nga mga address, nga dunay litrato sa matag speaker tupad sa title sa pakigpulong.

• Usa ra ka navigation bar ibabaw sa tanang pahina, magtugot nga (1) ma-access ang tanang kinatibuk-ang komperensya gikan sa 1971 hangtud karon, (2) ang abilidad nga maka-search sa speaker gamit ang ilang pangalan, ug (3) ang abilidad nga maka-search sa mga pakigpulong sigun sa mga topic sa ebanghelyo.

• Gipasayon nga pagpresentar sa matag indibidwal nga pakigpulong, nga gitipon ang mga icon sa ibabaw sa pahina alang niadtong gustong maminaw, mo-download, mo-print, o mo-share.

Ang bag-ong desinyo maayo kaayo para sa desktop, laptop, ug mga tiggamitan og mobile device. Ang mga kausaban gitipon na sa English, Spanish, ug Portuguese, ug maanaa na kini sa kapin sa 80 ka mga pinulongan sa mosunod nga mga bulan.