Mga Ideya sa Family Home Evening
Kini nga isyu naglangkob og mga artikulo ug mga kalihokan nga magamit alang sa family home evening. Ang mosunod mao ang duha ka mga ehemplo.
“Napulo ka mga Rason nga Ganahan ko sa Basahon ni Mormon,” pahina 12: Human og basa niining artikulo isip pamilya, mahimo nimong dapiton ang matag sakop sa pamilya sa paglista sa mga rason nga sila ganahan sa Basahon ni Mormon. Ikonsiderar nga ang matag tawo mopakigbahin sa ilang lista ug sa ilang paborito nga kasulatan gikan sa Basahon ni Mormon. Makahimo ka og tumong aron sa pagpangita og dugang nga mga rason nga ganahan sa Basahon ni Mormon samtang kamo nag-uban og basa niini kanunay.
“Pagpahimutang Kon Asa Kita Angay,” pahina 66: Mahimo ninyong basahon ang mga kasinatian si Elder Funk sa pagpili sa pagbarug diha sa balaan nga dapit ug dayon mobuhat sa mga kalihokan diha sa pahina 67. Hunahunaa ang paghisgot isip pamilya kon sa unsang paagi nga mahimong balaan ang usa ka dapit ug kon sa unsang paagi nga ang tawo makabarug sa balaan nga mga dapit, bisan dili kini sulod sa simbahan o sa templo. Hisguti ang importansya ug ang tahas sa espiritu Santo sa pagtabang kanato nga makabarug sa balaang mga dapit.