Napulo ka mga Rason nga Ganahan Ko sa Basahon ni Mormon

Ni David Fullmer

Ang tagsulat nagpuyo sa Utah, USA.

Isip ikaduha nga saksi ni Jesukristo, kining talagsaon nga basahon nagtudlo sa mga konsepto ug mga doktrina nga dili makita bisan asa.

Imahe

Christ appearing to the Nephites

Detalye gikan sa Pagbisita ni Jesus sa Amerika, ni John Scott

Ganahan ko sa Basahon ni Mormon. Sa kinatibuk-an, ganahan ko niini kay kini dunay gahum nga modala sa mga tigbasa nga “maduol sa Dios pinaagi sa pagsunod sa iyang mga lagda, kay sa bisan hain nga basahon.” Tingali mao kana nganong si Propeta Joseph Smith nagpasabut niini isip ang “sukaranan sa atong tinuohan” ug “ang labing tukma sa bisan hain nga basahon dinhi sa yuta.”¹

Apan ganahan ko sa basahon sa piho nga mga rason usab. Ania ang 10 sa daghang mga rason:

Ang Basahon ni Mormon …

Nagrekord sa usa ka panahon sa kasaysayan aron magamit sa mga tigbasa ngadto sa lain—sa atong panahon. Tan-awa sa Mormon 8:16, 34–35.
Tataw nga naghulagway sa pamaagi ni Satanas sa pagpangsamok sa katapusang mga adlaw. Tan-awa sa 2 Nephi 28:3–29.
Nagpahayag nga ang tawhanong kahuyang usa ka oportunidad nga mahimong lig-on, uban sa pagpaubos sa pagduol kang Kristo isip maoy rekisito. Tan-awa sa Ether 12:27.
Nagpasabut sa gugmang putli isip ang tiunay nga gugma ni Kristo ug ang balaanong gasa diin kita makahimo og pihong mga lakang aron kini maangkon. Tan-awa sa Moroni 7:43–48.
Naghatag og katin-awan nga ang oposisyon gikinahanglan sa tanang butang. Tan-awa sa 2 Nephi 2:11–13.
Naglista sa klarong pamaagi sa mga sitwasyon diin ang kalooy motagbaw sa mga gipangayo sa kaangayan. Tan-awa sa Alma 34:11–30.
Nagrekord sa duha ka grupo sa mga tawo nga gihatagan og piho nga mga instruksyon sa pagtuon sa mga pulong ni Isaias, ang usa niini mao kita. Tan-awa sa 2 Nephi 25:4–8; Mormon 8:23.
Nagserbisyo isip usa ka kauban nga saksi sa Biblia bahin sa relasyon sa Dios ngadto sa tawo, sumala sa gipanagna sa Daang Tugon. Tan-awa sa Ezequiel 37:15–20; 2 Nephi 28:29; 29:3–8.
Naglangkob sa usa ka saad nga kon kita mobasa ug mag-ampo mahitungod niini nga kinasingkasing, adunay hugot nga pagtuo kang Kristo, ang Ginoo mopadayag kanato nga kini Iyang pulong. Tan-awa sa Moroni 10:4–5.
Nagtudlo nga ang pag-antus sa Manluluwas mihatag Kaniya og hingpit nga pagsabut sa atong mga pagsulay ug sa abilidad sa pagtabang kanato samtang nanglimbasug kita niini. Tan-awa sa Alma 7:11–13.

Labaw sa tanan, ganahan ko sa Basahon ni Mormon tungod sa klaro nga pagpamatuod niini nga si Jesus mao ang Kristo. Ganahan ko sa mga saad niini nga ang Ginoo sa katapusan motubos sa tanang balay ni Israel samtang sila mohimo ug mosunod sa sagradong mga pakigsaad uban Kaniya. Ang Basahon ni Mormon mao ang milagro sa modernong panahon—usa ka gasa sa gugma para kanato gikan sa Dios Mismo.