Kabatan-onan
Usa ka Pahiyum Makahimo og Kalainan
Si Presidente Uchtdorf miila sa duha ka mga tumong nga angay natong maangkon para lihukon: paghigugma sa Dios ug paghigugma sa atong isig ka tawo. Apan usahay dili lang gyud sayon ang paghigugma sa uban. Sa inyong tibuok kinabuhi, mahimong adunay panahon nga naglisud kamo sa pagpakigdait sa uban—tingali adunay tawo nga mipasakit kaninyo o naglisud kamo sa pakig-istorya o pagsabut sa ubang tawo. Niining mga gutloa, sulayi sa paghinumdom ang gugma nga inyong gibati gikan sa inyong mga higala, sa pamilya, sa Langitnong Amahan, ug ni Jesukristo. Hinumdumi ang kalipay nga inyong gibati sa mga sitwasyon ug sulayi sa paghunahuna kon ang kada usa aduna bay oportunidad sa pagbati sa ingon niana nga gugma. Hinumdumi nga ang tanang anak nga mga babaye ug lalaki sa Dios takus alang sa Iyang gugma ug sa inyong gugma.
Paghunahuna og usa ka tawo sa inyong kinabuhi kinsa lisud ninyong ikasabut. Ilakip sila sa inyong mga pag-ampo ug hangyoa ang Langitnong Amahan sa pagbukas sa inyong mga kasingkasing ngadto kanila. Sa dili madugay kamo magsugod sa pagkakita kon unsaon Niya sa paghimo: isip usa sa Iyang anak kinsa takus sa paghigugma.
Human kamo nag-ampo, buhata ang maayong butang alang kanila! Siguro dapiton sila sa usa ka Mutual nga kalihokan o usa ka outing uban sa mga higala. Modalit og tabang sa homework o assignment. Bisan sa pag-ingon lang og “hello” ug pagpahiyum ngadto kanila. Ang gagmayng butang makahimo og dakong kalainan … sa inyong kinabuhi!