Ang Plano sa Kaluwasan

“Ang mahinungdanong bahin sa plano [sa kaluwasan] mao ang atong Manluluwas, si Jesukristo. Kon wala ang Iyang maulaong sakripisyo, ang tanan mawala. Hinoon, dili igo, ang magtuo lamang Kaniya ug sa Iyang misyon. Kinahanglan kitang molihok ug magkat-on, mangita ug mag-ampo, maghinulsol ug molambo. Kinahanglan kitang masayud sa mga balod sa Dios ug mosunod niini. Kinahanglan kitang makadawat sa Iyang makaluwas nga mga ordinansa. Pinaagi lamang sa pagbuhat nga kita makaangkon sa tinuod, nga mahangturon nga kalipay.

“Bulahan kita nga anaa ang kamatuoran. Kita adunay katungdanan sa pagpakigbahin sa kamatuoran. Atong sundon ang kamatuoran aron atong maangkon ang tanan nga anaa sa Amahan alang nato. Wala Siyay laing gibuhat gawas sa atong kaayuhan. Siya miingon kanato, ‘Kini ang akong buhat ug ang akong himaya—ang pagpahinabo sa pagka-imortal ug sa kinabuhi nga dayon sa tawo.’ (Moises 1:39).

“Gikan sa kahiladman sa akong kalag ug kamapainubsanon, ako mopamatuod sa dakong gasa sa plano sa atong Amahan alang kanato. Mao kini ang usa ka hingpit nga dalan sa kalinaw ug kalipay dinhi ug sa kalibutan nga moabut.”