Mga Tingog sa mga Santos sa Ulahing mga Adlaw
Kinsa ang Andam Na Karon?
Paghulagway pinaagi ni Richard Mia
Usa ka Dominggo human sa katapusang sesyon sa kinatibuk-ang komperensya, nabati nako ang piho kaayo nga pag-aghat nga mo-sign in sa akong FamilySearch account ug maghimo og pipila ka family history. Nagduhaduha ko sa pagtrabaho sa akong family history tungod kay wala pa gayud ko makaangkon og kalampusan sa uban nakong mga pagsulay. Ang akong pamilya dako na og agi sa family history, ug naghunahuna ko nga wala na koy buhatunon pa.
Mihunong ko ug nanghupaw sa kasagmuyo nga wala nay makuhang impormasyon naningkamot ko sa paghimo sulod sa mga katuigan, naglaum nga karong adlawa makakita na ko og pipila ka impormasyon. Nagsugod ko sa akong regular nga pagpangita pinaagi sa census, kaminyoon, ug mga rekord sa pagkatawo, ug human sa usa ka oras wala koy nakit-an. Dayon ang Espiritu nga naghunghong kanako sa tibuok semana pinaagi sa mga sesyon sa komperensya miaghat nako sa pag-ampo ug sutaon kinsa ang andam na alang sa ilang buhat nga mahuman karon.
Paghuman sa akong pag-ampo, mibalik ko sa kaugalingon nakong pangalan ug mipadayon. Klaro kaayo nakong gibati ang Espiritu nga naggiya kanako gikan sa usa ka linya ngadto sa lain hangtud nga miabut ko sa habig sa akong apohan nga lalaki. Sa sunod nga oras ang Espiritu milambo diha sa kwarto, ug nakakuha ko og unom ka mga pangalan nga dad-on sa templo. Pagkahuman nako og kuha og request sa mga pangalan alang sa templo, mipasiplat ko sa uban nga mga rekord diin gikuha ang impormasyon. Milugmaw ang luha sa akong mga mata ug ang akong kasingkasing napuno sa kalipay—ang impormasyon miabut gikan sa mga indexer kinsa miboluntaryo sa ilang panahon sa pagbutang sa mga record sa akong mga katigulangan. Agi og pasalamat, nag-indeks ko og mga pangalan alang sa uban sa misunod nga oras.
Niana nga adlaw ang akong pagpamatuod milambo uban sa kamapasalamaton tungod sa duha ka mga rason. Ang usa, atol sa kinatibuk-ang komperensya, ang Espiritu migiya kanako sa paghimo sa buhat sa family history ug aron makahibalo sa mga pangalan nga pangitaon. Ikaduha, alang sa mga miyembro sa Simbahan sa tibuok kalibutan kinsa nag-indeks og mga pangalan aron ang mga tawo nga sama nako makakaplag sa among mga katigulangan nga klaro ug dali ra ug mapadali ang ilang buhat. Usa kadto ka klaro ug gamhanan nga pagpamatuod ngari kanako nga ang buhat sa Dios masabwag sa tibuok kalibutan.