Pagtulun-an human sa usa ka Pagtulun-an
Santiago 1:5–6
Gitudloan kita ni Santiago unsaon sa pagpangutana sa Dios aron kita makadawat og tubag.
5 Kon aduna man kaninyoy nakulangan sa kaalam, papangayoa siya sa Dios, nga nagapanghatag ngadto sa tanang mga tawo sa madagayaon gayud, ug sa walay pagpamoyboy; ug kini igahatag kaniya.
6 Hinoon kinahanglan nga mangayo siya uban sa pagtoo, sa walay pagduhaduha. Kay siya nga nagaduhaduha, sama sa balud sa dagat nga ginahandus ug ginakosokoso sa hangin.
Pangayo uban sa Hugot nga Pagtuo
“Ang gikinahanglan sa pagpangayo pinaagi sa hugot nga pagtuo [nagpasabut nga] nagkinahanglan sa dili lamang sa pagsulti apan sa pagbuhat, ang duha ka obligasyon sa pagpangamuyo ug sa pagbuhat, ang panginahanglan sa pagsulti ug sa pagbuhat.”
Elder David A. Bednar sa Korum sa Napulog Duha ka mga Apostoles, “Pangayo pinaagi sa Hugot nga Pagtuo,” Liahona, Mayo 2008, 94.
Kulang sa Kaalam
Sa pipila ka punto o sa lain, kitang tanan kulang sa kaalam nga ang Dios lamang ang makahatag nato. “Walay bisan usa nga makasabut sa mga hunahuna sa Dios, gawas sa Espiritu sa Dios.” (1 Mga Taga-Corinto 2:11). Mao nga kitang tanan kinahanglang mangayo Kaniya.
Pangayo sa Dios
“Ang mga pag-ampo gitumong ngadto sa Langitnon nga Amahan diha sa ngalan ni Jesukristo. …
Ang katuyoan sa pag-ampo dili sa pag-usab sa kabubut-on sa Dios, apan sa pagsiguro sa atong mga kaugalingon ug alang sa uban sa mga panalangin nga ang Dios andam sa paghatag, apan kita kinahanglan nga mangayo sa ingon aron makabaton.”
Ang Giya ngadto sa mga Kasulatan, “Pag-ampo,” scriptures.lds.org.
Nagapanghatag ngadto sa Tanang mga Tawo
“Siya wala maglimud kang bisan kinsa nga moduol ngadto kaniya, … ug ang tanan managsama ngadto sa Dios.”
Madagayaon
Madagayaon—ang Griyego nga pulong nga gihubad gikan sa gipasabut nga “pagkayano,” nga nagpasabut nga bug-os nga tinguha sa Dios nga andam ug sa paghatag nato.
Walay Pagpamoyboy
Ang Dios motubag kaninyo ug dili gayud mamoyboy (manaway, mamadlong, o mobuyag) sa inyong mapainubsanong pagpangayo Kaniya sa tubag sa sinsero nga pangutana.
Walay Pagduha-duha
“Sa mga panahon sa kalisdanan, himoa ang inyong mga pakigsaad nga labing mahinungdanon ug himoa ang inyong pagkamasulundon nga eksakto. Dayon makapangayo kamo diha sa pagtuo, nga walay pagduhaduha, sumala sa inyong panginahanglan, ug ang Dios motubag.”
Elder D. Todd Christofferson sa Korum sa Napulog Duha ka mga Apotoles, “Ang Gahum sa mga Pakigsaad,” Liahona, Mayo 2009, 22.