Karakinan Iesu
E tangirai Iesu
Imwaain karikan te aonaaba, ti bane ni maeka i karawa ma ara karo ao tarira ae ikawai riki, Iesu. Ti bon kukurei, ao ti rang itangitangiri.
N te bong teuana e tuangiira Tamara are i Karawa bwa e na karaoa te aonaaba ibukira bwa ti na maeka iai. E ataia bwa n tabetai ti na bon aki kawakin Ana tua ngkai ti mena iaon te aba. Ti na kainnanoa te Tia Kamaiu bwa e na buokiira n okira mweengara Nakoina. Tamara are i Karawa e rinea Iesu bwa e na riki bwa ara Tia Kamaiu.
Ngke e roko Iesu iaon te aba, E kaota te kawai ae eti are ti na maiuakinna E buokiia aomata. E reireiniia bwa a na itangitangiri imarenaia.
Iesu e korakai n te Onaroka are Ketetemwane ao iaon te kaibangaki. E karaoa aio bwa ti aonga n rairi nanora ao ti aonga ni manga maiu riki ngkana ti mate.
Ngke I a ataa karakinan Iesu, I namakina Ana tangira ibukiu.