Te Rain iaon te Rain
Iakobo 1:5–6
Iakobo e reireiniira arora ni butiia te Atua bwa ti na kona ni karekea te kaeka.
5Ngkana akea ana rabakau temanna i buakomi, ao e na butia te Atua, ae tituaraoi n angangania aomata ni kabaneia, n aki ngurengureakinia; ao e na bon anganaki.6
Ma e na bubuti inanon te onimaki, n aki nanokokoraki. Ma e na bubuti n onimaki, n aki nanokokoraki teutana: bwa ane e nanokokoraki ai aron naon marawa ae kabutaki n te ang ao e kaueeaki.
Bubuti ma te Onimaki
“Bwaai aika kainnanoaki bwa kona butiia inanon te onimaki [kamatataaki] riaina n aki tii kaotia ma ni karaoa, te tibwanga are ko na kaai ni karaoia ni bubuti ao ni karaoi, bwaai aika a kantaningaaki n reitaki ao ni mwakuri.”
Unimwaane David A. Bednar man te Kooram n Abotoro n te Tengaun ma Uoman, “Bubuti ma te Onimaki,” Riaona, Meei 2008, 94.
Akea ana Rabakau
N taekana teuana, ti bane ni kabwaka n te wanawana are bon tii te Atua ae kona n anganaiira. “Booki aika tabu a reireinira, “akea temanna ae atai bwain nanon te Atua, ma tii tamnein te Atua.” (1 I-Korinto 2:11). Anne bukina ngkai ti riai ni kabane ni butiia.
Butia te Atua
“Taian tataro a uotaki nakon Tamara are i Karawa n aran Iesu Kristo. …
“Oin te tataro tiaki nanona bwa ko na bita ana kantaninga te Atua, ma bon ibukin kawakinara ao ibukin kakabwaiakiia tabeman ake e tauraoi n anganiia te Atua, ma ti riai ni butiia bwa a na karekea.”
Kairi nakon Koroboki aika a tabu, “Tataro,” scriptures.lds.org.
E anganiia Aomata ni Kabane
“Akea ae e totokoia ngkana e na nakoina, … titebo aroia ni kabane imatan te Atua.”
Ma te Tituaraoi
Ma te tituaraoi—Te taetae n Erene aei e rairaki man kanikinaan “ae beebete,” are e kona ni kabwaraaki nakon te kantaninga ae ti teuana n ana kantaninga te Atua n tatauraoi n anga ma te akoi.
N aki ngurengure
Te Atua e na kaekako ao e na bon aki ngurengure (tiribureiko, takutakuiko, ke n tiribaaiko) ngkai ko nanorinano ni butiia ibukin kaekaan titiraki aika a nako man te nano.
Akea te nanououa
“Inanon am tai n rawawata, karekea am berita ae tabu bwa te bwai ae moan te kakaawaki iroum ao ira nanona ma te ongotaeka. Ngkanne ko kona ni butiia inanon te onimaki, n aki nanokokoraki, ni kaineti ma kainnanom, ao e na kaekako te Atua.”
Unimwaane D. Todd Christofferson man te Kooram n Abotoro are Tengaun ma Uoman, “Mwaakan Berita aika Tabu,” Riaona, Meei 2009, 22.