Te Rairannano Bon ana Bwaintanigira te Atua Nakoira

Unimwaane D. Todd Christofferson man te Kooram n Abotoro n te Tengaun ma Uoman, “Kam Maeka n Tangirau,” Riaona, Nobembwa 2016, 48.

Tamnei

Portrayal of Jesus Christ in Gethsemane

“Teuana te taeka are ti ongongo ni katoabong bwa ana tangira te Atua ‘akea tiana.’ N aron iangoana bwa e bon koaua, ngkai kabwarabwaraan ana tangira te Atua akea tiana n aki nooraki ni Koroboki aika a tabu. …

“Te Atua e tangirira n taainako, ma E aki kona ni kamaiuira n ara bure. Uringa ana taeka Amureki nakon Teeterom bwa te Tia Kamaiu e aki kona ni kamaiuia Ana aomata inanon aia bure ma man aia bure, bukina ngkai ma te bure ao ti aki itiaki ao ‘akea te bwai ae bareka ae kona ni karekea uean karawa’ [Aramwa 11:37] ke ni maeka imatan te Atua. …

“Man ana Boki Moomon ti reiakina nanon korakain Kristo—kaotan korakoran Ana tangira—bwa e na ‘kamwakura te nanoanga, are e na riaon te momotiraoi, ma ni karekea te anga nakoia aomata are a na kona ni karekea te onimaki nakon te rairannano’ [Aramwa 34:15]. …

“Te rairannano, bon, Ana bwaintangira nakoira, are e kabooaki n ae moan te≈kakaawaki.”