I bwaetitoaki n 2012 ao I nanako n te mwaanga n te mwakoro ae Ipoméia Brazil. Ngke 2014, I tia n rang ni katabeai n rongorongon te utu. E moa te kakao mairoun Unimwaane Neil L. Andersen man te Kooram n Abotoro n te Tengaun ma Uomani RootsTech ni karaoa te bwabwetito ibukin araia oin ara utu. I namakina kan katabeau ni karaoa rongorongn te utu, n ataia bwa ngkana I “karebwerebwe,” e na bon “kaukaki” (taraa Mataio 7:7).

Ngkai I karekeia mwaitin rooro riki, tamnei, taokumente, ao, moan kakawakiia, karakinan riki te utu, are a rang tamaroa. Karekean rongorongoia aio, I korea te boki ma tamnei ao bongin namwakaina man rongorongoiia au utu. Te katabeaki aei e buokai n reitaki nakoia au utu ake tiaki kain te aro ao e anganai au tai n tibwaua au koaua are te utu e kona n akea tokina.

Te mwakuri aio e buokai bwa n tei n taabo aika tabu, n tiku ni kakaonimaki n te aro, ao ni kariaia te wewete ni beku n ana mition te Uea.

Iai au koaua are te mwakuri ni kamaiu e karaoki man te Ekaretia aio iaon uoua iteran te roki e bon koaua ao kairaki iroun Tamara i Karawa. Imwain au mitinare, I karekea au tai ni karaoa te bwabetito ibukiia au bakatibu, ao ngkai I a mitinare I karekea au tai ni bwabetitoia aomata aika maiu ao n tangiria ni biti maiuiia n aki toki.